Ǝbrəje 5:8 - Maktub gə́ To gə Kəmee

⁸ Yeḛ to ŋgon mee bɔbee ya nɛ yeḛ kara némeeko̰ gə́ rəa ɓa yeḛ ndoo ne loo kila ne ŋgonkoji dɔ bɔbeeje’g.

Ǝbrəje 5:8 ပူးပေါင်းရင်းမြစ်များ

Esai 53:5

Nɛ to kaiyaje lə síjeḛ ɓa Yeḛ iŋga ne doo gə mbəa ləm, Néra kori-korije lə síjeḛ ɓa Kəmee to ne ndòo gə mbəa ləm tɔ. Ko̰ né gə́ yeḛ oo lé ɓa Jeḛ j’iŋga ne meekulɔm ləm, Dooje gə́ yeḛ iŋga lé ɓa Gə́ kuma̰ kar ta doo lə sí ər ne kəmsə ləm tɔ.

Matiyo 3:15

Jeju tel ilá keneŋ pana: Ya̰ am m’ra togə́bè ya mba kar sí n’tɔl ne ta né gə́ to gə dɔ najee lé bém. Yen ŋga Ja̰ yá̰ aree rəa togə́bè ya.

Tagə́maji gə́ Ja̰ ndang 10:18

Dəw kára kara arm m’wəi el nɛ ma nja m’ya̰ rɔm m’ar yoo gə dɔrɔm. Ma m’askəm kya̰ rɔm kar yoo ləm, m’askəm teḛ kəmee’d ləm tɔ. Yee ɓa gə́ ndukun gə́ Bɔm un am gə mba ra ya.

Tagə́maji gə́ Ja̰ ndang 15:10

Ɓó lé seḭ aaje dɔ godndum kər-kər ndá seḭ a naije dan kəm’g ya to gə́ ma kara m’aa dɔ godndu Bɔm kər-kər ɓa m’nai ne dan kəmee’g bèe tɔ.

Tagə́maji gə́ Ja̰ ndang 4:34

Jeju ula dee pana: Ra torndu yeḛ gə́ njekulam gə kɔr suna kula lé yee ɓa gə́ nésɔm ya.

Tagə́maji gə́ Ja̰ ndang 6:38

Mbata ma m’ḭ dara m’ree naŋg nee gə mba ra né gə́ njekulam ɓa wɔji mée’g ɓó né gə́ məəm-ma ɓa wɔji el.

Njé gə́ Pilibə 2:8

ɓa yeḛ nja ḭ gə mée ula dəa to ne ŋgonkoji saar wəi ne uru ne loo-yoo’g kaar kag-dəs’g.

Ǝbrəje 1:2

Nɛ ndəa gə́ gogo nee, yeḛ pata ar sí nɛ Ŋgonee ɓa ria ne sə sí dəa. Yeḛ nja ɓa Ala unda ne naŋg nee ləm, yeḛ aree to njenéje lai ləm tɔ.

Ǝbrəje 1:5

See na̰ ɓa mbuna dəwje gə́ dara lé Ala ulá ta nee pana: I to Ŋgonəm, Ɓogənè ɓa m’ojii ya. See yeḛ pa bèe wa. Esé see yeḛ pa pana: M’a to Bɔbeeje ləm, Yeḛ a to Ŋgonəm ləm tɔ See yeḛ pa bèe wa.

Ǝbrəje 1:8

Nɛ aa ooje, ta gə́ yeḛ ula Ŋgonee lé ɓa nee: Ǝi Ala, kalimbai ləi to saar gə no̰. Kag-mbai gə́ ka̰ ko̰ɓee ləi lé ɓa to kag-mbai gə́ ka̰ meekarabasur.

Ǝbrəje 3:6

Nɛ Kristi gə́ njaa gə ŋgonkoji mee kəi’g lə Ala lé to gə́ Ŋgonee. Ndá jeḛ nja n’to gə́ kəi ləa-yeḛ lé loo gə́ j’aar njaŋg dɔ né gə́ j’ɔm meḛ sí dɔ’g ləm, gə dɔ némeekundayel gə́ jeḛ n’ti ne rɔ sí dɔ’g ləm tɔ.