Ǝbrəje 5:7 - Maktub gə́ To gə Kəmee

⁷ Jeju lé loo gə́ yeḛ nai gə darəa ɓəi lé, yeḛ ra ndòo gə ndia gə́ boi wəl gə mán-no̰ kəmee’g ləm, yeḛ ra tamaji ta yeḛ gə́ askəm teá ta yoo’g ləm tɔ. Ndá Ala ndigi səa rəgm mbata Jeju nda mée gə bɔbee.

Ǝbrəje 5:7 ပူးပေါင်းရင်းမြစ်များ

Pakɔsje 22:24

Seḭ gə́ ɓəlje Njesigənea̰ lé Maji kar sí pideeje! Seḭ lai gə́ toje ŋgaka Jakob lé Ulaje rɔnduba dəa’g! Seḭ lai gə́ toje ŋgaka Israɛl lé Ndəbje pəd-pəd nea̰’g tɔ.

Pakɔsje 69:1

Pakɔs lə Dabid gə́ ar bao-pa mba karee ɔs sə dee. D’ɔs gə ndu gwɔs pa gə́ pana: Pudu ndujaje.

Pakɔsje 88:1

Pakɔs lə Koréje gə́ bao-pa ɔs sə dee lé. Deḛ d’ɔs gə tébé-ro̰gje. To pakɔs lə Heman gə́ to ŋgoka Ejrak.

Esai 49:8

Njesigənea̰ pa togə́bè pana: Ndɔ noji’g lé m’a koo ndu sí ləm, Ndɔ kaji’g lé m’a la sə sí ləm tɔ, M’a ŋgəm sí ləm, m’a tel sí gə́ nékɔm gə ginkoji dəwje lé na̰’d ləm tɔ Gə mba tel kun ne ɓee kuree tar ləm, Mba kai ne nénduba gə́ tuji kar sí gogo lé ləm tɔ,

Esai 53:11

Mbɔl dɔ kula rɔ ndubu ləa lé ɓa Kəmə gə́ orè gée lé a taa ne kəmee rəgm. Mbɔl dɔ négər lə kura ləm gə́ to njegelgodo lé Dəwje bula d’a tel to ne njégelgodoje tɔ, Mbata yeḛ a taa néra kori-korije lə dee kɔm dəa’g.

Esai 53:3

Koso-dəwje d’ə̰jee bəḭ-bəḭ, d’ubá d’yá̰, Yeḛ to dəw gə́ rəa ndiri njigi-njigi Gə́ gər loo-si dan nékəmndooje’g, Asəna gə dəw gə́ d’un kəm dee mbaŋ dəa’g d’unda raŋg lé Jeḛ kara j’ée gə́ né el bèe tɔ.

Ləbije 2:2

Yeḛ a kaw ne rɔ njékinjanéməsje gə́ to ŋgalə Aaro̰ ndá njekinjanéməs lé a kɔr nduji gə́ ndá léréré gə́ saga ubu dɔ’g neelé, gə né gə́ ə̰də sululu lé bura ya ləm tɔ as ŋgo ji dəw kára ndá yeḛ a rée loo-nékinjaməs’g asəna gə nékolé-mee bèe. To nékar Ala gə́ baḭyee ə̰də lel Njesigənea̰ ya.

Matiyo 27:46

Loo gə́ kàr tel rəa gə mbɔree ndá Jeju pata gə ndia gə́ boi wəl pana: Eli, Eli, lama sabaktani, pa togə́bè pana: Ala ləm, Ala ləm, see ban ɓa i ubam ya̰’m wa.

Matiyo 27:50

Jeju ila boo-ndia naŋg no̰ wəl gɔl kára ɓəi ɓa ar ndilee teḛ aw.

Mark 15:34

Kàr tel rəa gə́ mbɔree lé Jeju no̰ gə ndia gə́ boi wəl pana: Eloi, Eloi, lama sabaktani, tel ta koji sí pana: Ala ləm, Ala ləm, see ban ɓa i ubam ya̰’m wa.

Mark 15:37

Nɛ Jeju no̰ gə ndia gə́ boi wəl ndá təa udu na̰ rub.

Lugu 23:46

Yen ŋga Jeju ila boo-ndia naŋg ra né wəl pana: Bɔm, m’ya̰ ndiləm meḛ jii’g ya. Loo gə́ yeḛ pa bèe ndá təa udu rub ya tɔ.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 11:35

Jeju oso gə no̰ biriŋ.

Tagə́maji gə́ Ja̰ ndang 11:42

Ma lé ma m’gər gao i am né gə́ ma m’kwɔii lé ta-ta ya, nɛ ta gə́ ma m’pa lé m’pa mbata boo-dəwje gə́ gugu dɔm ɓasinè gə mba kar dee gər gao to gə́ i nja to gə́ njekulam.

Tagə́maji gə́ Ja̰ ndang 17:1

Loo gə́ Jeju pa togə́bè mba̰ ndá yeḛ un kəmee gə́ dara pana: Bɔm, kàree teḛ mba̰ ya. Maji kari ula rɔnduba dɔ Ŋgoni’g mba kar Ŋgoni kara ula ne rɔnduba dɔi’g tɔ.

Njé gə́ Rɔmə 8:3

Né gə́ dum godndu lé mbata darɔ dəw ɓa as ra torndia el lé Ala nja ra ar ta wa ne dɔ kaiya lə darɔ loo gə́ yeḛ ula ne Ŋgonee gə́ gəd-gəd gə́ to tana gə darɔ síjeḛ njékaiyaje mba kɔr ne ta kaiya meḛ dəwje’g ləm,

Njé gə́ Galati 4:4

Nɛ loo gə́ ndəa gə́ Ala wɔji lé aw lée’g béréré ndá yeḛ ula Ŋgonee ar dené ojee gin godndu’g,

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

Ǝbrəje 10:10

Mbɔl dɔ torndu neelé ɓa yeḛ ɔr sí unda sí ne gə kəmee gə darɔ Jeju Kristi gə́ yeḛ ya̰ ar Ala lé gɔl kára ba kiao gə́ ŋgaŋgee.

Ǝbrəje 10:5

Gelee gə́ nee ɓa, loo gə́ Kristi ree naŋg nee yeḛ pana: I ndiŋga nékinjaməs gə nékar lé el, Nɛ i gɔl kubururɔm am,

Ǝbrəje 11:7

Meekun lé ɓa Noe ra ne bato aji ne njémeekəije ləa. Ala aree oo néje gə́ dəwje d’oo el ɓəi, taa ne tapea wá mée’g sud. Togə́bè meekun lé ɓa yeḛ ila ne ta dɔ dəwje gə́ dɔ naŋg nee, tel ne ŋgon nduba iŋga ne meekarabasur gə́ dəw iŋga gə goo meekun lé.

Ǝbrəje 12:28

Gelee gə́ nee ɓa jeḛ gə́ j’iŋga ɓeeko̰ gə́ a yə el lé ar sí j’ar ta ra oiyo neelé ɔr wur sí’g el, ar sí j’ar rəw kwa Ala meḛ sí’g lé to ne gə́ taa kəmee rəgm ləm, ar sí n’ra gə meenda londoŋ gə kaar gəd ləm tɔ,

Ǝbrəje 13:20

Ala gə́ njeyelko meelɔm ləm, yeḛ gə́ teḛ gə Mbaidɔmbaije Jeju, ɓé-njekulbadje mbuna njé gə́ d’wəi’g gə goo məs manrɔ gə́ to njaŋg gə no̰ ləm tɔ lé

Ǝbrəje 2:14

Bèe ndá to gə́ ŋganje gə́ d’oji dee to məs gə dakasrɔ gə́ ḭ rɔ njékoji deeje’g ndá yeḛ kara un rəa-yeḛ togə́bè tɔ mba kar kwəi gə́ yeḛ wəi ne ɓa yeḛ a tuji ne njekurai gə́ to njesiŋgamoŋ lə yoo ləm,

1 Ja̰ 4:3

Ndil gə́ rara ɓa gə́ pata wɔji ne dɔ Jeju togə́bè el ndá yeḛ to gə́ ka̰ Ala el ləm, yeḛ to ka̰ Njendaji Kristi, yeḛ gə́ seḭ ooje ta ree ləa mba̰ ɓa ar ɓasinè kara yeḛ si naŋg nee mba̰ ləm tɔ.

2 Ja̰ 1:7

Mbata njésukəmlooje bula taa loo dɔ naŋg nee pəl-pəl. Deḛje neelé ta dee teḛ pana: Jeju Kristi lé ree naŋg nee gə darəa, deḛ pa bèe el. Dəw gə́ ra togə́bè lé to njesukəmloo ləm, yeḛ to Njendaji Kristi lé ləm tɔ.