Ǝbrəje 5:4 - Maktub gə́ To gə Kəmee

⁴ Dəw kára kara as kila riɓar gə́ togə́bè dəa’g gə dɔrea el. Nɛ Ala nja ɓaree ila riɓar dəa’g to gə́ ila ne dɔ Aaro̰’g kédé tɔ.

Ǝbrəje 5:4 ပူးပေါင်းရင်းမြစ်များ

1 Sôrta Gḭka-Israɛlje 23:13

Ŋgalə Amram ɓa ri dee to nee: Aaro̰ gə Moyis. Aaro̰ lé d’ɔree d’unda gə kəmee doi, yeḛ gə ŋganeeje saar-saar gə no̰, mba roo ne néje gə́ ə̰də sululu no̰ Njesigənea̰’g ləm, gə mba ra ne kula karee ləma, gə mba tɔr ne ndu dee dɔ dəwje’g gə ri Njesigənea̰ saar-saar gə no̰ ləm tɔ.

2 Sôrta Gḭka Israɛlje 26:18

deḛ lai neelé to diŋgamje gə́ d’wa rɔ dee kɔgərɔ, d’ɔs ta lə mbai Ojias lé rəw, d’ulá ne pana: To ta ləi-i ɓa gə mba tuu né gə́ ə̰də sululu kar Njesigənea̰ el! Kula neelé wɔji dɔ njékinjanéməsje gə́ to ŋgalə Aaro̰ gə́ d’unda dee gə kəmee gə mba tuu né gə́ ə̰də sululu lé ɓa. Maji kari-i lé unda loo mee loo gə́ to gə kəmee’g nee teḛ raga mbata i ra kaiya ya! Né neelé a tel to népidii no̰ Njesigənea̰ Ala’g el.

Esdras 7:5

gə́ to ŋgolə Abisua, gə́ to ŋgolə Pines, gə́ to ŋgolə Eləajar, gə́ to ŋgolə Aaro̰ gə́ to ŋgɔ-njekinjanéməs lé.

Teḛ-Raga 28:1

Maji kari ar ŋgokɔḭ Aaro̰ gə ŋganeeje gə́ diŋgam rəm pər gə́ rɔi’g ndá ɔr dee mbuna Israɛlje’g mba kunda dee gə kəmee gə mba karee ra kula gə́ wɔji dɔ nékinjaməs kam. Aaro̰ gə ŋganeeje gə́ diŋgam gə́ Nadab, gə Abihu, gə Eləajar, gə Itamar tɔ.

Ləbije 8:2

Maji kar Aaro̰ gə ŋganeeje d’aw səi na̰’d ndá odo kubuje ləm, gə ubu gə́ ka̰ tər dɔ dee’g ləm tɔ, wa bɔ maŋg gə́ ka̰ kuga dɔ kaiya ləm, gə bàl badje joo ləma, un karè gə́ muru gə́ lal əm-tiné to keneŋ ləm tɔ aw ne,

Bula lə Israɛlje 16:10

Yeḛ ari rəm pər gə́ rəa’g, i seḭ gə ŋgakɔḭje lai gə́ toje ŋgalə Ləbije, ŋga see seḭ ndigije raje kula nékinjaməs tɔɓəi wa.

Bula lə Israɛlje 16:35

Pər ḭ rɔ Njesigənea̰’g roo dəwje tɔl-joo gə dɔ dee rɔ-mi (250), to deḛ gə́ tuu né gə́ ə̰də sululu lé ya.

Bula lə Israɛlje 16:5

Yeḛ ula Koré gə kudu-dəwje ləa lai pana: Bèlè ɓa, Njesigənea̰ a tɔji sí dəw gə́ to gə́ kea̰ ləm, gə yeḛ gə́ to gə kəmee ləm tɔ ndá yeḛ a karee rəm pər gə́ rəa’g, dəw gə́ yeḛ nja mberee lé yeḛ a karee rəm pər gə́ rəa’g ya.

Bula lə Israɛlje 16:7

Bèlè ndá a kɔmje pər keneŋ ləm, a kɔmje né gə́ ə̰də sululu dɔ’g no̰ Njesigənea̰’g ləm tɔ, yeḛ gə́ Njesigənea̰ a mbəree lé ndá debee neelé a to yeḛ gə́ a to gə kəmee ya. Seḭ ŋgalə Ləbije lé ka̰ sí as ŋga!

Bula lə Israɛlje 18:7

I seḭ gə ŋganije na̰’d lé a tɔsje kəm sí bao-bao dɔ kula ra sí gə́ wɔji dɔ nékinjaməs ləm, mbata lə néje lai gə́ wɔji dɔ loo-nékinjaməs ləma, gə mbata lə né gə́ to mee kubu-gaŋg-mee-kəi’g ləm tɔ: yee ɓa to kula ra sí gə́ seḭ a raje. Kula gə́ wɔji dɔ nékinjaməs lé to nojimeenda gə́ ma m’wa sə sí. Dəw-dɔ-ɓee gə́ tibi mbɔree ndá d’a tɔlee gə́ tɔl ya.

Bula lə Israɛlje 3:3

Yee neelé ɓa to ri ŋgalə Aaro̰ gə́ deḛ ndèm ubu dɔ dee’g d’ar dee to ne njékinjanéməsje ləm, gə d’unda dee gə kəmee mba kar dee ra ne kula gə́ wɔji dɔ nékinjanéməsje ləm tɔ.

Tagə́maji gə́ Ja̰ ndang 3:27

Ja̰ ila dee keneŋ pana: Né gə́ dara ya ar dəw ɓa a kiŋga ɓó dəw a kiŋga né gə dɔrea el.