Ǝbrəje 5:13 - Maktub gə́ To gə Kəmee

¹³ Tɔgərɔ ya nana ɓa gə́ il mbà ɓəi ndá yeḛ gər gin ta gə́ wɔji dɔ meekarabasur el ɓəi mbata yeḛ to gə́ ŋgonkas gə́ ta mbà’g ɓəi.

Ǝbrəje 5:13 ပူးပေါင်းရင်းမြစ်များ

Pakɔsje 119:123

Kəm to ndòo goo kaji’g ləi ləm, Gə goo ndukun’g ləi gə́ ka̰ meekarabasur ləm tɔ.

Esai 28:9

Deḛ dəji pana: See na̰je ɓa yeḛ ndigi ndoo dee ta kəmkàr wa. See na̰je ɓa yeḛ ndigi ndoo dee ta ndooje wa. See to ŋganje gə́ d’ɔg dee mbà Gə́ d’ya̰ mbà ko̰ deeje ɓa Yeḛ a gə ndigi ndoo dee ne wa.

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Mark 10:15

Ma m’ula sí təsərə, nana ɓa gə́ mée taa ɓeeko̰ lə Ala asəna gə mee ŋgon gə́ gɔ bèe el ndá yeḛ a kula dəa keneŋ wɔr nda̰ bèe el.

Njé gə́ Rɔmə 2:20

gə njetɔji mbə-dəwje kəmkàr ləma, gə njendoo ŋganje ləm tɔ. Mbata godndu lé ari sí ne gə darɔ gosonégər gə kankəmta.

1 Njé gə́ Kɔrḭtə 13:11

Loo gə́ ma m’nai gə́ ŋgon ɓəi lé tapa ŋgon ɓa m’pa ləm, gə takə̰ji ŋgon ɓa m’ə̰ji ləma, gə ta la̰ji ŋgon ɓa m’la̰ji məəm’g ləm tɔ. Loo gə́ m’as dəw ndá néra ŋgon lé m’njané kɔ.

1 Njé gə́ Kɔrḭtə 14:20

Ŋgakɔmje, ta gə́ wɔji dɔ kɔr kəm ta lé maji kar sí tɔgje dɔ’g kaŋ-kaŋ ɓó telje ŋganje keneŋ el. Ta gə́ yèr ɓa maji kar sí toje ŋganje gə́ kas dɔ’g.

1 Njé gə́ Kɔrḭtə 3:1

Ŋgakɔmje, ta gə́ kəm kula dəwje gə́ gər ndaa Ndil lé m’askəm kula sí el mbata m’oo sí gə́ dəwje gə́ ka̰ darɔ ba, seḭ toje asəna gə ŋganje gə́ kas gin Kristi’g.

2 Njé gə́ Kɔrḭtə 3:9

Ɓó lé kula gə́ wɔji dɔ kila ta dɔ dee’g teḛ dan rɔnduba’g ndá see kula gə́ wɔji dɔ kɔr ta dɔ dee’g lé rɔnduba gə́ wɔji dəa lé a dum dɔ yeḛ gə́ kédé lé el wa.

Njé gə́ Epesə 4:14

Yee ɓa j’a to ne asəna gə ŋganje el ŋga, mbata ŋganje lé d’aw yo-yo nee-nee ləm, leltaje biri dee ləma, sutaje gə ta korije lə dəwje lé tel ne kəm dee ləm tɔ.

2 Timote 3:16

Taje lai gə́ to mee maktub’g neelé to ta gə́ ḭ ta Ala’g ya, maji mba ndoo dee ne ləm, mba ndaŋg dee ne ləm, mba gɔl dee ne ləma, mba tɔji dee ne né gə́ to gə dɔ najee ləm tɔ

1 Piɛrə 2:2

To gə́ ŋgur kil mbà ra ŋganje gə́ kas ŋgwɔd-ŋgwɔd lé maji kar ŋgur kankəmta ra sí togə́bè tɔ, mba kar sí raje ne tɔg gə́ kédé-kédé dɔ kaji’g,

2 Ja̰ 1:11

Nana ɓa gə́ rəa lapia wɔji ne kag noji ndá yeḛ oso gelee’g dɔ néreaje’g gə́ majel lé tɔ.