Ǝbrəje 5:12 - Maktub gə́ To gə Kəmee

¹² Seḭ gə́ sije keneŋ kàr bèe nḛ seḭ asjekəm ndooje mar síje né ləw ba mba̰, nɛ ɓasinè dəw gə́ njetum sə sí kudu né lə Ala gə́ dɔtar ɓa seḭ awje ndée nja tɔɓəi. Mbà kil ɓa seḭ tel awje ndée ɓó muru gə́ kədərə kaw-kaw el.

Ǝbrəje 5:12 ပူးပေါင်းရင်းမြစ်များ

2 Samel 16:23

Takwɔji-kəmkàrje lə Ahitopel gə́ mee ndəa gən lé d’oo asəna gə ta gə́ d’aw dəji ne Ala bèe. Takwɔjije lə Ahitopel lé lé to mbata lə Dabid əsé to mbata lə Absalɔm kara d’oo togə́bè ya.

Esdras 7:10

Mbata Esdras lé wɔji mée’g njaŋg mba saŋg gin godndu Njesigənea̰ mba ra née ləm, mba ndoo Israɛlje godnduje gə ndukunje gə́ to keneŋ ləm tɔ.

Pakɔsje 34:11

Ŋgan toboḭje lé Ɓó ra dee ləm, lab ɔr dee ləm tɔ, Nɛ deḛ gə́ ndolè goo Njesigənea̰ lé Némaji kára kara lal dee nda̰ el.

Esai 28:13

Deḛ lé ta lə Njesigənea̰ gə́ a kwɔji dɔ dee ɓa nee: Ndukun kila ndukun dɔ’g ləm, Rəbee kila rəbee dɔ’g ləma, Lam teḛ nee, lam teḛ nu ləm tɔ, Gə mba kar loo gə́ d’aw njaa ndá D’oso gaŋnda təd rɔ dee ləm, Gə mba kar dee d’oso wul ba̰də’g Aree wa dee ləm tɔ.

Esai 55:1

Seḭ lai gə́ kṵdaman tɔl sí lé Gə́ reeje ta mán’g, Seḭ gə́ lar lə sí godo kara Gə́ reeje, taaje nésɔ sɔje! Gə́ reeje taaje mán-nduú gə mbà aije! Lal laree ləm, lal kuga ɓaŋgee ləm tɔ

Matiyo 17:17

Jeju ilá keneŋ pana, seḭ ginkoji dəwje gə́ njéndɔjitaje ləm, gə mbim-oo-ta-elje ləm tɔ lé see m’a si sə sí ndɔm ka̰da tɔɓəi wa. Esé see ndɔ gə́ ra ɓa rɔm a kasm dɔ sí’g ɓəi wa. Ndɔreeje gə́ rɔm’g nee.

Mark 9:19

Yen ŋga Jeju tel ila dee keneŋ pana: Seḭ ginkoji dəwje gə́ njéndɔjitaje, see m’a nai sə sí ndɔm ka̰da tɔɓəi wa. See ndɔ gə́ ra ɓa m’a kəw rɔm kila məəm dɔ sí’g ɓəi wa. Waje ŋgon lé gə́ rɔm’g nee.

Néra Njékaḭkulaje 7:38

To Moyis neelé nja ɓa gə́ nai sə dee loo-mbo̰-dɔ-na̰’g lə deḛ gə́ dɔdilaloo’g ləm, yeḛ aw iŋga kura lə Ala gə́ dara aree wɔji səa ta dɔ mbal gə́ ria lə Sinai ləma, yeḛ nai gə bɔ síjeḛ-je ləm tɔ ɓa yeḛ iŋga ne ta godndu gə́ to kəmba ŋgəd-ŋgəd gə mba kar sí lé.

Njé gə́ Rɔmə 3:2

Gelee bula ya, nɛ gelee gə́ kára gə́ ur dɔ dee’g lai lé yee ɓa gə́ godndu Ala gə́ yeḛ ɔm ji dee-deḛ’g ya.

1 Njé gə́ Kɔrḭtə 14:19

No̰ Eglisə’g lé m’aw gə ta gel mi gə mba ndoo dee gə kəmkàree, yee ɓa ma m’ndigi unda pa takɔji dəwje-dəwje kubu pur-pur gə́ tɔl-dɔg-loo-dɔg gə mḭdé ba.

1 Njé gə́ Kɔrḭtə 14:20

Ŋgakɔmje, ta gə́ wɔji dɔ kɔr kəm ta lé maji kar sí tɔgje dɔ’g kaŋ-kaŋ ɓó telje ŋganje keneŋ el. Ta gə́ yèr ɓa maji kar sí toje ŋganje gə́ kas dɔ’g.

Njé gə́ Galati 4:3

Togə́bè ɓa jeḛ kara loo gə́ jeḛ nai ŋganje gə́ gɔ ɓəi lé j’isi gə́ ɓərje gin néje gə́ əḭ el gə́ dɔ naŋg neelé tɔ.

Njé gə́ Pilibə 3:1

Ŋgakɔmje, ges taje gə́ nai ɓa nee: Ndaje meḛ sí kaḭ dɔ Mbaidɔmbaije’g. Ta néje neelé gə́ ma m’tel m’ndaŋg m’ar sí lé m’ar məəm ila kas dɔ’g el mbata ta neelé a kunda sí rəw gə́ maji’g.

Njé gə́ Kolosə 3:16

Maji kar ta lə Kristi gə́ to boo-nébao lé uru kəi meḛ sí’g. Ndooje na̰ ləm, ndəjije na̰ ləm tɔ gə kəmkàree lé gə pakɔsje ləm, gə pa pidije ləma, gə pa kula rɔnduba gə́ wɔji dɔ ndil sí ləm tɔ. Ɔsje pa gə meḛ sí bura arje Ala reaje ne oiyo mbata noji ləa gə́ rusu meḛ sí njḭ-njḭ lé tɔ.

Ǝbrəje 10:32

Arje meḛ sí olé dɔ ndɔ gə́ dɔtar loo gə́ kəm sí inja mba̰ ndá seḭ ulaje rɔ sí ndubu dan nékəmndooje’g.

Ǝbrəje 5:11

J’isi gə ta yaa̰ gə́ wɔji dɔ ta neelé, to kədərə mba ndoo sí mbata kəm sí kara inja dɔ’g njaŋg el.

Ǝbrəje 5:13

Tɔgərɔ ya nana ɓa gə́ il mbà ɓəi ndá yeḛ gər gin ta gə́ wɔji dɔ meekarabasur el ɓəi mbata yeḛ to gə́ ŋgonkas gə́ ta mbà’g ɓəi.

Ǝbrəje 6:1

Gelee gə́ nee ɓa ar sí j’ya̰ néndoo gə́ dɔtar gə́ wɔji dɔ ta lə Kristi ɓa j’aw ne gə́ kédé-kédé dɔ néndoo gə́ ɔr ne dɔ njoroŋ ɓəi ɓó ar sí n’tum gin ta néje neelé gogo el: yee ɓa to ta gə́ wɔji dɔ kya̰ goo néra sí gə́ ləw gə́ unda naŋg ndəs ləm,

1 Piɛrə 2:2

To gə́ ŋgur kil mbà ra ŋganje gə́ kas ŋgwɔd-ŋgwɔd lé maji kar ŋgur kankəmta ra sí togə́bè tɔ, mba kar sí raje ne tɔg gə́ kédé-kédé dɔ kaji’g,

1 Piɛrə 4:11

Lé nana ɓa gə́ pata ndá maji karee pa kankəmta lə Ala ya. Lé nana ɓa gə́ ra kula ra Ala ndá maji karee ra gə goo siŋgamoŋ gə́ Ala a karee ya, togə́bè ɓa néje lai gə́ seḭ a raje lé Jeju Kristi a koo loo kula ne rɔnduba dɔ Ala’g tɔ. Rɔnduba ləm, gə siŋgamoŋ ləm tɔ lé to kea̰-yeḛ gə ləbee-ləbee saar-saar gə no̰ ya. Amen.