Ǝbrəje 4:12 - Maktub gə́ To gə Kəmee

¹² Mbata ta lə Ala lé to ta gə́ kəmba gə́ ɓar mḭ yaa̰, adə yaa̰ unda kiambas gə́ rara gə́ ŋgaŋgee joo ndá yee ta̰ mbuna kankəmrɔ gə ndil ləm, mbuna siŋga gə ubee mée’g ləm tɔ, yee teg takə̰ji lə dəw gə́ mée’g tɔ.

Ǝbrəje 4:12 ပူးပေါင်းရင်းမြစ်များ

Pakɔsje 110:2

Njesigənea̰ a kar kag-mbai siŋgamoŋ ləi Ḭ ɓee gə́ Sio̰ aw əw! Maji kari dum ne dɔ njéba̰je ləi gə́ gugu dɔi sub ya.

Pakɔsje 119:130

Ta ləi gə́ riba dəa lé ar loo ndogó ne jol-jol Ar deḛ gə́ négər na meḛ dee tas lé d’iŋga gosonégər.

Pakɔsje 139:2

I oo loo kisi naŋg ləm ləm, gə loo kḭ tar ləm ləm tɔ, Takə̰ji ləm gə́ nai əw ɓəi lé i oo gao ya.

Pakɔsje 149:6

Maji kar ta pidi Ala to ta dee’g ləm, Maji kar kiambas gə́ adə gə́ ŋgaŋgee joo lé To ji dee’g kel-kel ləm tɔ

Pakɔsje 45:3

I lé kura yaa̰ unda marije lai, Boo-ta noji gə́ kul yururu kinja na̰ tai’g, Gelee gə́ nee ɓa Ala tɔr ne ndia dɔi’g saar-saar gə no̰ ya.

Gosota-Kəmkàrje 5:4

Nɛ rudee ndá adə mbag-mbag to gə́ táa bèe ləm, Adə làm-làm to gə́ kiambas gə́ ŋgaŋgee joo bèe ləm tɔ.

Njekillamber 12:11

Taje lə njékəmkàrje lé to d’asəna gə nékad gə́ d’ɔs ne kudu nékulje. Loo gə́ mbo̰ dee dɔ na̰’d mee maktub’g ndá deḛ to d’asəna gə ŋgawlarje gə́ ɓər naŋg gə́ d’ḭ rɔ njekul dəwje gə́ kára ba kiao’g lé.

Esai 11:4

Nɛ yeḛ a gaŋg rəwta lə njéndooje lé gə goo rəw gə́ danasur ləm, Yeḛ a kɔr kəmta lə njénékəmndooje gə́ naŋg nee gə goo rəbee ləm, Tapea gə́ to asəna gə kag-tɔs lé Yeḛ a kunda ne naŋg nee ləma, Lel təa gə́ a tó pu lé a kar njemeeyèr wəi ne ləm tɔ.

Esai 49:2

Yeḛ ar tam adə to gə́ kiambas bèe ləm, Yeḛ o̰ dɔm gə jia ləm tɔ, Yeḛ telm gə́ ndo̰ ɓandaŋg gə́ adə njel-njel ləm, Yeḛ iyam kɔrɔg mee ku ɓandaŋg’g ləa ləm tɔ.

Esai 55:11

Togə́bè ɓa taje gə́ teḛ tam’g lé D’a tel ree rɔm’g Lal kar née teḛ el ləm, Lal ra né gə́ məəm ndigi el ləma, Lal ra torndum kar néje gə́ m’wɔji lé d’aw lée’g béréré el ləm tɔ.

Jeremi 17:10

Ma Njesigənea̰ m’to njenaa meekuru lə dəw ləm, Gə njenaa takə̰ji gə́ mée’g ləm tɔ Gə mba kuga nana kara Gə goo panjaa ləa ləma, Gə goo kula rəa ləm tɔ.

Jeremi 23:29

Njesigənea̰ pana: See ta lə neḛ to asəna gə pər Esé mo̰ gə́ tɔ ne kɔr mbal bèe el wa.

Lugu 8:11

Aa ooje, né gə́ gosota wɔji dəa lé ɓa to nee: Kandə kər lé wɔji dɔ ta lə Ala ya.

Tagə́maji gə́ Ja̰ ndang 12:48

Yeḛ gə́ mbadm saar lal taa ta ləm ndá njegaŋ-rəwta dəa’g si gən ya. Ta gə́ ma m’ɔr lé nja ɓa a gaŋg rəbee dəa’g ndɔ gə́ rudu’g lé ya.

Tagə́maji gə́ Ja̰ ndang 6:51

Ma lé m’to muru ko̰ gə́ dəw a si ne gə kəmə gə́ ḭ dara lé. Ɓó lé nana ɓa o̰ muree neelé ndá a si ne kəmba gə no̰ ya ndá muru gə́ m’a karee lé to gə́ darɔm gə́ m’a kar njé gə́ naŋg nee d’isi ne gə kəmə lé ya.

Néra Njékaḭkulaje 2:37

Loo gə́ deḛ d’oo ta neelé ndá ɓəŋgərə dee ti dus ar dee dəji Piɛrə gə njékaḭkulaje gə́ raŋg pana: Ŋgako̰ síjeḛ gə́ dəwje see j’a ra banwa.

Néra Njékaḭkulaje 4:31

Loo gə́ deḛ ra tamaji neelé mba̰ ndá kəi yə ula déréré-dèrèrè. Ndilmeenda taa meḛ dee pəl-pəl, ar dee d’ɔr ta lə Ala gə kəm ŋgon diŋgam tɔ.

Néra Njékaḭkulaje 5:33

Loo gə́ ta neelé oso mbi dee’g ndá oŋg ḭ meḛ dee’g pu, ar dee d’wɔji-kwɔji tɔl dee.

Néra Njékaḭkulaje 7:38

To Moyis neelé nja ɓa gə́ nai sə dee loo-mbo̰-dɔ-na̰’g lə deḛ gə́ dɔdilaloo’g ləm, yeḛ aw iŋga kura lə Ala gə́ dara aree wɔji səa ta dɔ mbal gə́ ria lə Sinai ləma, yeḛ nai gə bɔ síjeḛ-je ləm tɔ ɓa yeḛ iŋga ne ta godndu gə́ to kəmba ŋgəd-ŋgəd gə mba kar sí lé.

Njé gə́ Rɔmə 1:16

Mbata m’ra kəmkul dɔ Tagə́maji’g lé el: yee to siŋgamoŋ lə Ala gə mba kaji nana ɓa gə́ ɔm mée dɔ’g lé Jibje kédé ɓa Grekje keneŋ ɓəi.

1 Njé gə́ Kɔrḭtə 1:24

Nɛ deḛ gə́ Ala lé ɓar dee lé Jibje əsé Grekje kara ta lə Kristi gə́ deḛ ɗaree kaar kag’d lé deḛ d’oo gə́ siŋgamoŋ lə Ala lé ləm, gə kəmkàr ləa ləm tɔ.

2 Njé gə́ Kɔrḭtə 2:17

Mbata jeḛ lé jeḛ n’tel ta lə Ala j’ila gel asəna gə ka̰ dəwje gə́ raŋg gə́ ra togə́bè lé el. Nɛ jeḛ ndá ne meḛ sí kaḭ m’pa ne ta mbata lə Ala ləm, jeḛ j’ɔm na̰’d gə Kristi m’pa ne ta no̰ Ala’g ləm tɔ.

2 Njé gə́ Kɔrḭtə 4:2

Nérɔkulje lai gə́ dəwje ra loo-ŋgəḭ lé jeḛ j’unda dee ɓad ləm, jeḛ n’ra goso el ləma, ta lə Ala kara jeḛ n’telee raŋg el ləm tɔ. Nɛ jeḛ n’riba dɔ kankəmta j’wɔji ne dɔ rɔ sí, j’ula taree meḛ dəwje’g kəm Ala’g.

Njé gə́ Epesə 5:13

Nɛ néje nee lai lé lookàr ɓa a teggin dee gə́ raga mbata né gə́ to raga ndəgəsə lé to gə́ lookàr tɔ.

Njé gə́ Epesə 5:26

Man ləm, gə kankəmta ləm tɔ lé ɓa yeḛ ɔr ne won kaiya rəa’g unda ne gə kəmee

Njé gə́ Epesə 6:17

Tulaje dɔgugu-kaji dɔ sí’g ləm, gə odoje niŋga lə Ndil gə́ to ta gə́ ḭ ta Ala’g lé ləm tɔ.

1 Njé gə́ Tesalonikə 2:13

Gelee gə́ nee ɓa, jeḛ n’ra ne Ala oiyo ɓó j’əw ne rɔ sí el mbata loo gə́ seḭ taaje ta lə Ala gə́ jeḛ j’ula sí lé seḭ taaje gə meḛ sí, ooje gə́ kankəmta lə Ala gə́ ra kula meḛ sí-seḭ gə́ ɔmje meḛ sí dəa’g ɓó seḭ ooje gə́ tapa dəwje gə́ kari ba el.

1 Njé gə́ Tesalonikə 5:23

Maji kar Ala nja gə́ njeyelko meelɔm lé ɔr sí unda sí gə kəmee ləm, maji karee ŋgəm sí bura, ndil sí ləm, gə kankəmrɔ sí ləma, gə darɔ sí ləm tɔ, mba kar ndɔ gə́ Mbaidɔmbaije lə sí Jeju Kristi a tel ree lé ndá ta kára kara a kwa dɔ sí el.

Ǝbrəje 13:7

Arje meḛ sí olé dɔ njékɔrno̰ síje gə́ tɔji sí ta lə Ala, la̰jije dɔ ndɔ kwəi’g lə dee ləm, ndajije ne meekun lə dee ləm tɔ.

Ǝbrəje 6:5

deḛ naa ta lə Ala d’oo majee ləma, ləb gə́ si ree lé deḛ naa siŋgamoŋgee ləm tɔ lé

Maktub gə́ Jak ula ne ar ngan-Allaje 1:18

Yeḛ nja oji sí to gə́ mée ndigi, kankəmta ɓa yeḛ ɔr sí ne mba kar sí n’toje ne kó dəwje ləa.

1 Piɛrə 1:23

Ko gə́ a kunda naŋg el lé ɓa yeḛ oji sí ne sigi ɓó kó gə́ a kunda naŋg dəs lé el. Yee ɓa to ta lə Ala gə́ to ta gə́ kəmba gə no̰ lé.

Loo gə́ killa rea kəm Ja̰’g 1:16

Kéréméje siri to jikɔlee’g. Kiambas gə́ ŋgaŋgee joo gə́ adə làm-làm teḛ təa’g. Kwɔjee ndɔḭ wər-wər asəna gə kàr gə́ ɔs kəḭ-kəḭ bèe.

Loo gə́ killa rea kəm Ja̰’g 19:15

Kiambas gə́ adə làm-làm teḛ təa’g mba kunda ne ginkoji dəwje gə raŋg. Yeḛ a ko̰ dee gə kag-larndul ləm, yeḛ a mbula kandə nduú, yee ɓa to gə́ boo-oŋg lə Ala gə́ Bao-siŋgamoŋ ləm tɔ.

Loo gə́ killa rea kəm Ja̰’g 19:21

Nɛ dɔkal deḛ gə́ nai lé kiambas gə́ teḛ ta yeḛ gə́ sí gir kunda lé tɔl dee. Yelje lai ree d’usɔ dakasrɔ dee d’ar meḛ dee ndan tub-tub tɔ.

Loo gə́ killa rea kəm Ja̰’g 2:16

Bèe ndá wa ndòo rɔi dɔ kaiya’g ləi, ɓó lé bèe el ndá waga ɓa m’a kaw rɔi’g ndá m’a rɔ sə dee gə kiambas gə́ teḛ tam’g.

Loo gə́ killa rea kəm Ja̰’g 2:23

M’a kar ŋganee d’wəi mburug, ndá Eglisəje lai d’a koo to gə́ ma m’to nje naa meekuru lə dəwje ləm, ma m’to njenaa takə̰ji gə́ meḛ dee’g ləm tɔ ndá ma nja m’a kuga sí kára-kára lai gə goo néra sí ya.

Loo gə́ killa rea kəm Ja̰’g 20:4

Ma m’oo kalimbaije lé, deḛ gə́ d’isi keneŋ lé d’un ndu dee d’ar dee gə mba gaŋg rəwta. M’oo ndu dəwje gə́ goré gwɔb dee mbata goo ta lə Jeju gə goo ta lə Ala gə́ d’ɔr lé tɔ. D’wa néndaji rɔ da lé meḛ dee’g el ləm, d’iŋga nétorji ŋgo no̰ dee’g əsé ji dee’g el ləm tɔ. Deḛ tel d’isi kəmba gogo ndá d’o̰ ɓee gə Kristi na̰’d ləb dee tɔl-dɔg.

Njéga̰g-Rəwtaje 3:16

Ehud ra kiambas gə́ ŋgaŋgee joo gə́ ŋgal as kəmkil dəw kára, tɔɓəi yeḛ tɔ ɓəree’d gel kubuje’g ləa par gə́ dɔkɔl.