Ǝbrəje 3:1 - Maktub gə́ To gə Kəmee

¹ Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

Ǝbrəje 3:1 ပူးပေါင်းရင်းမြစ်များ

Pakɔsje 110:4

Njesigənea̰ man rəa dɔ’g ndá Yeḛ a tel gə ndia dɔ’g el, Yeḛ pana: I lé to njekinjanéməs gə no̰ Gə goo ka̰ Melkisedek lé ya.

Esai 1:3

Bɔ maŋg gər njekulee ləm, Mulayḛ̀ gər bəgərə-sɔ-né ləa Gə́ to rɔ ɓéeje’g ləm tɔ. Nɛ Israɛlje ndigi gər né kára kara el, Kəm koso-dəwje ləm inja dɔ gosonégər’g el.

Esai 41:20

Gə mba kar dee d’oo gər ləm, Kar dee la̰ji toree d’oo njai ləm, Kar dee d’oo to gə́ ji Njesigənea̰ Ɓa ra néje neelé ləma, Njerɔkunda lə Israɛlje ɓa gə́ njegin néje neelé ləm tɔ.

Esai 5:12

Kṵdu-ka, gə kṵdu-ko̰dè, Gə dalè-bajiŋ, gə buula, gə mán-nduú gə́ mḭ ɓa D’ɔs ne kudu ra naḭje lə dee. Nɛ deḛ d’oo kula ra Njesigənea̰ gə́ né el ləm, Kulaje gə́ jia ra lé d’oo el ləm tɔ.

Ejekel 12:3

Ma ŋgon-dəw lé maji kam m’wa dɔ gɔl nékawmbá ləm, m’unda loo m’teḛ m’aw kəm dee’g dan kàrá ya! M’ḭ loo’g ləm gə́ m’isi keneŋ lé kəm dee’g ya m’aw loo gə́ raŋg’d, banelə a kar dee gər to gə́ deḛ to dəwje gə́ to njékɔsta-rəwje ya.

Ejekel 18:28

Ɓó lé kəmee inja dɔ rəa’g aree uba goo kaltaje ləa lai gə́ yeḛ al lé ya̰ ndá yeḛ a si kəmba ya ɓó a kwəi el.

Ajee 1:5

Ɓasinè Njesigənea̰ gə́ njeboo-néje pa togə́bè pana: Maji kar sí sije gèŋ ə̰jije ta dɔ néje gə́ sí ra sí lé ooje.

Ajee 2:15

Maji kar sí sije gèŋ ə̰jije ooje ne né gə́ dəs ləw ba saar mee ndəa gən, kédé ɓa d’un ne mbal d’unda dɔ maree’g maree’g d’unda ne kəi lə Njesigənea̰ lé ɓəi lé!

Tagə́maji gə́ Ja̰ ndang 17:3

Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.

Tagə́maji gə́ Ja̰ ndang 20:21

Jeju ula dee gɔl kára tɔɓəi pana: Maji kar sí sije gə meekulɔm. To gə́ Bɔm ulam-ma lé ma kara m’ula sí-seḭ togə́bè tɔ.

Tagə́maji gə́ Ja̰ ndang 20:27

Tɔɓəi yeḛ tel ula Tomas pana: Maji kari ula ŋgaw jii gə́ kédé oo ne jim ləm, ula ŋgaw jii gə́ kédé gə́ ŋgel məəm’g oo ne ləm tɔ, ɓó gə əw ne rɔi maḭta ləi ɔm ne məəi dɔ’g.

Néra Njékaḭkulaje 1:15

Mee ndəa’g neelé ŋgako̰ na̰je gə́ mbo̰ dɔ na̰ lé d’aḭ tɔl gə dɔ dee rɔ-joo. Piɛrə uba naŋg ḭta dan dee’g ula dee pana:

Njé gə́ Rɔmə 11:17

Kag-koiyo lé ɓó lé deḛ tuga barkəmeeje gə́ na̰je nɛ i gə́ to gə́ koiyo gə́ mee kɔr’g lé deḛ d’ḭjai ree kɔdé kəm kagɓee d’ulai tor barkəmeeje gə́ tuga lé mba kari orè na̰ gə kagɓee dɔ ŋgira’g ləm, gə dɔ bodee’g ləm tɔ

Njé gə́ Rɔmə 15:27

Deḛ d’ḭ gə meḛ dee ndá d’a ra bèe ya nɛ to né gə́ kəm ra ya tɔ, mbata ɓó lé njépole-magəje d’orè sə dee na̰ dɔ né gə́ wɔji dɔ ndil dee ndá to kəm kar dee-deḛ kara d’orè sə dee na̰ dɔ né gə́ wɔji dɔ darɔ dee’g tɔ.

Njé gə́ Rɔmə 15:8

Tɔgərɔ ya, ma m’ula sí m’pana: Jeju Kristi lé to kura lə njékḭja tamɔd deeje mba kar kankəmta lə Ala to ne raga pai-pai loo gə́ yeḛ ar ndukun gə́ yeḛ un ar ka síje lé aw ne lée’g béréré.

Njé gə́ Rɔmə 9:24

Togə́bè ɓa jeḛ n’to mbuna deḛ gə́ yeḛ ɓar dee ɔr dee dan Jibje’g goo kára ba el nɛ dan njépole-magəje’g tɔ

1 Njé gə́ Kɔrḭtə 1:2

jeḛ ndaŋg maktub nee j’ar Eglisə lə Ala gə́ to Kɔrḭtə, deḛ gə́ Jeju Kristi ɔr dee unda dee gə kəmee mba kar dee to njémeendaje lé deḛ gə́ gə loo lai ɓar ri Mbaidɔmbaije lə sí Jeju Kristi, yeḛ gə́ to Mbaidɔmbaije lə dee ləm, gə ka̰ síjeḛ ləm tɔ lé keneŋ.

1 Njé gə́ Kɔrḭtə 10:17

To gə́ muru lé to gə́ kára ba ya ndá jeḛ gə́ n’to dəwje bula kara n’toje ne darɔ gə́ kára ba to: mbata jeḛ lai jeḛ mbo̰ na̰ dɔ muru gə́ kára’g lé ya mba kiŋgaje gajee gə́ wɔji dɔ sí dɔ sí.

1 Njé gə́ Kɔrḭtə 9:23

Néje lai gə́ m’ra lé m’ra mbata Tagə́maji lé ɓó gə mba kiŋga ne né gə́ wɔji dɔm-ma nja keneŋ tɔ.

2 Njé gə́ Kɔrḭtə 1:7

Meḛ sí gə́ to yel gə́ dɔ sí’g lé to ne njaŋg ya mbata jeḛ n’gər gao ɓó lé seḭ ɔmje sə sí na̰’d yəg dan némeeko̰’g ndá seḭ a kɔmje sə sí na̰’d yəg dan négɔl meḛ sí’g tɔ.

2 Njé gə́ Kɔrḭtə 9:13

Togə́bè ɓa, seḭ undaje rɔ nojikwa lə sí lé ya, Tagə́maji lə Kristi gə́ seḭ taaje gə meḛ sí ilaje ne ŋgonkoji dɔ’g ləm, gə nojikwa lə sí gə́ seḭ waje sə dee-deḛ gə dəwje lai ɓó turaje sə dee gée el ləm tɔ lé yee ɓa deḛ d’ula ne rɔnduba dɔ Ala’g ya.

Njé gə́ Epesə 3:6

Ta gə́ to loo-kiya’g lé ɓa to nee: Njétar-Alaje lé d’orè sə sí kaar nédɔji lə sí ləm, jeḛ sə deeje n’toje gə́ na̰’d kára ba ləma, d’orè sə sí na̰ dɔ ndukun gə́ Ala ar sí gin Jeju Kristi’g gə goo Tagə́maji lé ləm tɔ.

Njé gə́ Epesə 4:1

Ma gə́ m’isi daŋgai’g mbata Mbaidɔmbaije lé ma m’ndəji sí bər-bər mba kar néra sí wa bua kula gə́ yeḛ ɓar sí keneŋ.

Njé gə́ Epesə 4:4

Darɔ to gə́ kára ba ləm, Ndil kara to gə́ kára ba ləma, seḭje kara deḛ ɓar sí mba kar sí undaje meḛ sí yel dɔ né gə́ kára ba kiao’g ləm tɔ.

Njé gə́ Pilibə 3:14

nɛ ma mbudu ŋgwɔd m’aḭ m’wɔji dɔ né gə́ to nɔm’g kédé mba taa nékiŋga gə́ Ala lé wɔji mba kar deḛ gə́ d’isi gin Jeju Kristi’g tel ne rɔ dee par gə́ dara lé.

Njé gə́ Kolosə 1:12

Bɔ síje gə́ gɔl sí mba kar sí iŋgaje nédɔji lə sí na̰’d gə deḛ gə́ to gə kəmee gə́ d’isi dan lookàr’g lé maji kar sí reaje oiyo.

Njé gə́ Kolosə 1:22

mba kar sí teḛje aarje nea̰’g gə́ njémeendaje ləm, mba meḛ sí ila ɓal el ləma, mba kar ta kára kara wa dɔ sí’g el ləm tɔ.

Njé gə́ Kolosə 3:12

Bèe ndá to gə́ seḭ toje dəwje gə́ to gə kəmee gə́ m’unda sí dan kəm’g ləm, Ala lé nja ɔr sí gə kəmee ləm tɔ ndá maji kar sí arje meekoso lemsé ləm, gə meemaji ləm, gə kosokul ləm, gə kaw yururu ləma, gə meekila ləm tɔ lé to ne néje gə́ seḭ dolèje ne rɔ sí yul-yul ya.

1 Njé gə́ Tesalonikə 2:12

Jeḛ ndəji sí ləm, jeḛ n’gɔl sí ləma, jeḛ j’ɔs sí ɓɔḭ-ɓɔḭ mba kar néra sí aw gə goo ka̰ Ala, yeḛ gə́ njeɓar sí mba kar sí sije ɓeeko̰’g ləa gə dan rɔnduba’g ləa lé ləm tɔ.

1 Njé gə́ Tesalonikə 5:27

Ma man sí gə ri Mbaidɔmbaije mba kar sí turaje maktub neelé arje ŋgako̰ síje lai d’oo taree ya.

2 Njé gə́ Tesalonikə 1:11

Gelee gə́ nee ɓa, jeḛ n’ra ne tamaji ta-ta mbata lə sí mba kar Ala lə sí ar néra sí wa bua ɓar gə́ yeḛ ɓar sí ləm, mba kar mbɔl dɔ siŋgamoŋ ləa ɓa némeemajije ləa lai gə́ yeḛ wɔji-kwɔji ra lé a kɔr dɔ njal ləma, meekun lə sí a ra née karee ɔr ne njal ləm tɔ.

2 Njé gə́ Tesalonikə 2:14

Yee ɓa yeḛ ɓar sí ne gə mbəa gə goo Tagə́maji gə́ jeḛ j’ula sí lé mba kar rɔnduba gə́ d’ula dɔ Mbaidɔmbaije Jeju Kristi’g lé d’ula dɔ sí-seḭ’g lé tɔ.

1 Timote 6:12

Aḭ rɔ dɔ meekun’g ləi ləm, kəmə gə́ gə no̰ gə́ deḛ ɓari keneŋ lé wa kɔgərɔ gə goo ta meekun gə́ inja bao gə́ i ɔr ne gée kəm njékɔrgootareeje’g bula lé ləm tɔ.

1 Timote 6:2

Deḛ gə́ ɓée deeje to gə́ njétaamee-Kristije lé maji kar dee d’oo ɓée deeje gə́ ŋgako̰ deeje gə́ kari lal təd ne kag dee el. Nɛ maji kar dee ra kula lə dee maji unda nje gə́ kédé mbata ɓée deeje gə́ deḛ ra kula maji d’ar dee lé deḛ to ŋgako̰ deeje gə́ njétaamee-Kristije ya. Maji kari ndoo dee taje neelé ləm, ndəji dee ne ləm tɔ.

2 Timote 1:9

Yeḛ nja aji sí ləm, yeḛ ɓar sí ləm tɔ mba kar sí n’ra kula gə́ to gə kəmee ɓəd. Néra sí ɓa, yeḛ ɔr sí ne gə mbəa el nɛ to gə goo né gə́ yeḛ nja wɔji-kwɔji mée’g ləm, to gə goo noji gə́ yeḛ wa sə sí gin Jeju Kristi ɓad ɓa yeḛ tum ne gin naŋg nee ɓəi ləm tɔ.

2 Timote 2:7

Ǝ̰ji goo taje lai gə́ ma m’ulai lé ndá Mbaidɔmbaije a kar kəmi inja dɔ néje’g lai.

Ǝbrəje 10:19

Ŋgakɔmje, məs Jeju ɓa ar rəw-kaw mee loo gə́ to gə kəmee to ne tag ar sí j’askəm kandə keneŋ gə meendakaḭ.

Ǝbrəje 10:21

Yee ɓa jeḛ j’iŋga ne ŋgɔ-njekinjanéməs gə́ to mbai dɔ kəi-Ala

Ǝbrəje 10:23

Meḛ sí gə́ j’unda yel gə́ dəa’g lé ar sí j’aarje keneŋ njaŋg ɓó j’awje ne yo-yo nee-nee el mbata yeḛ gə́ un ndia ar sí lé to gə́ njemeenda londoŋ ya.

Ǝbrəje 13:22

Ŋgakɔmje, ma m’ra ndòo rɔ sí’g mba kar sí taaje ta gə́ ma m’ndəji sí lé mbata maktub gə́ m’ndaŋg lé m’kai təa wès ba bèe ɓa m’ar sí.

Ǝbrəje 2:11

Mbata yeḛ gə́ ɔr dee unda dee gə kəmee ləm, gə deḛ gə́ yeḛ ɔr dee gə kəmee ləm tɔ lé to kojikəi kára ba. Gelee gə́ nee ɓa yeḛ ɓar dee ne ŋgabɔbeeje ndá rəa kul ne dɔ dee’g el.

Ǝbrəje 2:17

Togə́bè ɓa, rəa gə́ yeḛ tel tana gə ŋgabɔbeeje, tana sə dee pai-pai lé gə́ kuma̰ mba karee to ne ŋgɔ-njekinjanéməs gə́ njemeekɔrjol ləm, gə njemeenda londoŋ mba ra kula no̰ Ala’g ləm tɔ mba kuga ne kaiya lə dəwje lé.

Ǝbrəje 3:12

Yen, ŋgakɔmje, maji kar dəw kára kara si mbuna sí’g gə meeyèr əsé gə meetɔg mba kar mée tel ne gir gə Ala gə́ njesikəmba lé el.

Ǝbrəje 3:14

Tɔgərɔ ya ɓó lé j’aar njaŋg dɔ meekun’g lə sí gə́ j’un kédé lé saar ndɔ rudu ndá jeḛ j’ɔm na̰’d gə Kristi ya.

Ǝbrəje 6:20

loo gə́ Jeju lé aw gə́ ŋgaw ta sí keneŋ mbata yeḛ nja d’aree to gə́ ŋgɔ-njekinjanéməs saar-saar gə́ no̰, gə goo ka̰ Melkisedek ya.

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.

Ǝbrəje 7:28

Tɔgərɔ ya, godndu lé ɔr dəwje gə́ to gə́ njérəmje ɓa unda dee gə ŋgɔ-njékinjanéməsje, nɛ ta manrɔ gə́ orè goo godndu lé yee ɓa ɔr Ŋgon gə́ maji péd-péd lé undá gə́ njekinjanéməs saar-saar gə no̰.

Ǝbrəje 9:11

Nɛ Kristi ɓa ree asəna gə ŋgɔ-njekinjanéməs gə́ wɔji dɔ néje gə́ d’a gə ree ɓəi. Yeḛ gaŋg mee kəi-kubu gə́ boi unda ləm, gə́ maji ur dɔ maree ləma, gə́ ji dəw ɓa ra el ləm tɔ yee ɓa to né gə́ ka̰ dɔ naŋg nee el.

Ǝbrəje 9:15

Togə́bè ɓa, yeḛ to ne njekaar dana gə goo manrɔ gə́ sigi lé mba kar deḛ gə́ deḛ ɓar dee lé d’a kwa səa nénduba gə́ to gə no̰ gə goo ndukun gə́ Ala un ar dee. Mbata kwəi gə́ yeḛ wəi lé yeḛ udu ne kəm kalta lə dee gə́ d’al ne dɔ manrɔ gə́ dɔtar lé.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

1 Piɛrə 3:5

Tɔgərɔ ya, yee ɓa gə́ néra ma̰də gə́ denéje gə́ to njémeendaje gə́ ləw ra d’unda ne meḛ dee yel dɔ Ala’g, təd ne kag ŋgaw deeje.

1 Piɛrə 5:1

Ooje ta gə́ ma m’gɔl ne ŋgatɔgje mbuna sí’g lé ma kara m’to gə́ ŋgatɔg mar dee ya ləm, némeeko̰ gə́ ra Kristi lé ma m’oo gə kəm ya ləma, ndɔ gə́ yeḛ a nduba rəa gə́ raga lé ma kara m’a si səa na̰’d ya ləm tɔ.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

1 Ja̰ 1:3

Né gə́ jeḛ j’oo gə mbi sí gə kəm sí lé ɓa jeḛ j’ɔr gée j’ar sí-seḭ ya mba kar sí-seḭ kara a kɔmje ne meḛ sí na̰’d sad sə sí to gə́ jeḛ j’ɔm meḛ sí na̰’d sad gə Bɔ-dəwje ləm, gə Ŋgonee Jeju Kristi ləm tɔ.

Jude 1:1

Ma Jude, kura lə Jeju Kristi ləm, gə ŋgoko̰ Jak ləm tɔ lé m’ndaŋg maktub nee m’ar dee-deḛ gə́ Ala Bɔ-dəwje ɓar dee ləm, unda dee dan kəmee’g ləma, aḭ bada dɔ dee’g mba kar Jeju Kristi lé ləm tɔ.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.