Ǝbrəje 2:6 - Maktub gə́ To gə Kəmee

⁶ To gə́ deḛ ndaŋg mee maktub’g d’ɔr ginta nee pana: See dəw to gə́ ɗi ɓa i ar məəi olé dəa’g bèe wa. See ŋgon dəw lé to gə́ ɗi ɓa i tɔs kəmi bao-bao dəa’g bèe wa.

Ǝbrəje 2:6 ပူးပေါင်းရင်းမြစ်များ

Gḭ-Néje 50:24

Jisəb ula ŋgakea̰je pana: M’a gə kwəi ŋga! Nɛ tɔgərɔ Ala a tɔs kəmee dɔ sí’g bao-bao ləm, yeḛ a kar sí ḭje mee ɓee’g neelé mba kawje mee ɓee gə́ yeḛ un ndia gə mba kar Abrakam, gə Isaak, gə Jakob kédé lé ya.

Maktub gə́ wɔji dɔ Jɔb 15:14

See dəw to gə́ ɗi ɓa d’a kée gə́ dəw gə́ àr ŋgad-ŋgad wa. See yeḛ gə́ dené ojee nee ya a to njemeekarabasur wa.

Maktub gə́ wɔji dɔ Jɔb 25:6

Nɛ ɓəd ɓəi ɓa dəw gə́ to kuru ləm, Gə ŋgon dəw gə́ to kuru ləm tɔ ɓəi wa.

Pakɔsje 144:3

Njesigənea̰, see dəw lé to ɗi ɓa Mba kar i gəree wa. Esé see ŋgon dəw lé to gə́ ɗi ɓa Mba kari tɔs kəmi dəa’g bao-bao wa.

Esai 40:17

Ginkoji dəwje gə raŋg lai lé to gə́ né gə́ kari ba nea̰’g ləm, Deḛ to gə́ néje gə́ gə mḭdé ba Gə́ to gə́ né el ləm tɔ.

Esai 51:12

To ma, to ma ɓa gə́ njegɔl meḛ sí, See ɗi ɓa seḭ a ɓəlje ne dəw gə́ a gə kwəi ləm, Gə ŋgon dəw gə́ to asəna gə mu bèe lé wa.

Lugu 1:68

Maji kar dɔ ri Mbaidɔmbaije Ala lə Israɛlje lé ai səgərə Mbata yeḛ ila kəmee dɔ koso-dəwje’g ləa ɔr dee ne ɔm dee tar.

Lugu 1:78

Mbɔl dɔ boo-meekɔrjol lə Ala lə sí lé ɓa Ar lookàr ḭ dara ndogó ne dɔ sí’g to gə́ kàr gə́ uba bər bèe,

Lugu 7:16

Koso-dəwje lai neelé ɓəl unda dee badə gaŋg dee ar dee pidi Ala pana: Ŋgɔ-njetegginta gə́ dum ya to ŋga, unda loo teḛ mbuna sí’g. To Ala nja ɓa ila ne kəm koso-dəwje ləa toro’g.

1 Njé gə́ Tesalonikə 4:6

Maji kar dəw kára kara unda kəm maree jibi taa ne né ləa el ləm, ar kəmee əḭ dɔ né’g lə maree gə́ rara kara el ləm tɔ, mbata Mbaidɔmbaije ɓa gə́ njedalba̰ néje neelé lai to gə́ jeḛ j’ula sí taree ndəji sí ne kédé ya.

Ǝbrəje 4:4

Mbata loo kára yeḛ pata keneŋ wɔji ne dɔ ndɔ gə́ siri lé pana: Ndɔ gə́ njekɔm’g siri neelé Ala wa rəa dɔ kula reaje lai gə́ yeḛ ra lé.

Ǝbrəje 5:6

Loo gə́ raŋg yeḛ pa to pana: I to njekinjanéməs gə no̰, Gə goo ka̰ Melkisedek.

1 Piɛrə 1:11

Deḛ d’ula rɔ dee ndubu gə goo Ndil Kristi gə́ to meḛ dee’g mba gər ne ndɔ gə́ Ndil lé pa taree kédé wɔji ne dɔ néurti gə́ a gə ra Kristi gə rɔnduba gə́ a gə korè gée lé ləm, gə mba gər rəbee ləm tɔ.