Ǝbrəje 2:10 - Maktub gə́ To gə Kəmee

¹⁰ Tɔgərɔ ya, Ala gə́ unda néje lai ləm, nékundaje lai to kea̰-yeḛ ləm tɔ lé yeḛ nja ra gə goo rəbee loo gə́ yeḛ ar njegin bəgərə kaji lə ŋganee bula uru dan néurti’g, mba karee to ne dəw gə́ maji dum ləm, mba karee ɔr no̰ dee ula ne rɔnduba dɔ dee’g ləm tɔ.

Ǝbrəje 2:10 ပူးပေါင်းရင်းမြစ်များ

Gḭ-Néje 18:25

Tɔl njemeekarabasur na̰’d gə njemeeyèr lé mba kar né gə́ teḛ dɔ njemeekarabasur’g gə dɔ njemeeyèr’g d’asəna kára ba lé maji kar né ra gə́ togə́bè tibi mbɔri el! Maji karee tibi mbɔri el ɓòo. See yeḛ gə́ a gaŋg rəwta dɔ naŋg nee lai lé a ra gə dɔ najee el wa.

Gosota-Kəmkàrje 16:4

Njesigənea̰ ra néje lai gə goo rəbee gə́ yeḛ wɔji, Njemeeyèr kara yeḛ wɔji ne dɔ ndɔ némeeko̰ tɔ.

Esai 43:21

Koso-dəwje gə́ m’uba dee gə mbata ləm-ma lé D’a kila mber pa pidimje.

Esai 55:4

Aa ooje, ma m’undá gə́ njekɔrgoota ləm Mbuna koso-dəwje’g ləm, M’undá gə́ mbai gə́ njedum dɔ koso-dəwje ləm tɔ.

Ojee 8:10

Lée deḛ lèbè kəm ginkoji dəwje gə raŋg gə nékarje kara Ɓasinè m’a mbo̰ dee dɔ na̰’d. Waga ndá d’a si dan némeeko̰’g gin nékodo gə́ wɔi’g Gə́ mbai dɔ njékaa dɔ dəb ɓeeko̰je D’a gə kunda dɔ dee’g.

Misee 2:13

Yeḛ gə́ a kɔs kəm loo mbudu teḛ lé A kaw no̰ dee’g. D’a kɔs kəm loo mbudu ləm, D’a dəs tarəwkɔg’d ləma, D’a teḛ kaw ləm tɔ. Mbai lə dee a njaa no̰ dee’g ləm, Njesigənea̰ a to njekɔrno̰ dee ya ləm tɔ.

Bula lə Israɛlje 7:15

Bɔ maŋg kára ləm, bàl badə kára ləma, ŋgonbad gə́ ra ləbee kára ləm tɔ ɓa gə mbata nékinjaməs gə́ ka̰ roo lé,

Lugu 13:32

Jeju ila dee keneŋ pana: Ɔd aw ulaje pajena: Aa oo, ɓogənè gə bèlè m’isi m’tuba ndilje gə́ yèr meḛ dəwje’g ləm, ma m’ɔr rɔko̰ rɔ dee’g ləm tɔ, nɛ nona ɓa m’a kun rudee ɗiao ɓəi.

Lugu 2:14

Ulaje rɔnduba dɔ Ala’g lé, seḭ gə́ síje mee dara’g lé Deḛ gə́ dɔ naŋg nee gə́ taa kəmee rəgm lé d’a sí ne dan meekulɔm’g tɔ.

Lugu 24:26

See Kristi lé néurti a rəa togə́bè ɓa mba karee andə ne loo-ronduba’g ləa lé el wa.

Lugu 24:46

Yeḛ ula dee pana: Togə́bè deḛ ndaŋg taree mee maktub’g pana: Kristi lé néurti a rəa ləm, ndɔ munda ndá yeḛ a kunda loo teḛ dan njé gə́ d’wəi’g ləm,

Tagə́maji gə́ Ja̰ ndang 11:52

Nɛ to mbata gin ɓee lə dee ɓa gə karee el, nɛ yeḛ a kwəi gə mba mbo̰ ŋgan-Alaje gə́ sanéna̰ kad-kad lé mba kar dee to darɔ gə́ kára ba.

Tagə́maji gə́ Ja̰ ndang 19:30

Loo gə́ Jeju njibi mán-nduú gə́ mas neelé mba̰ ndá yeḛ pana: Rudee un ɗiao mba̰. Tɔɓəi yeḛ tel tuga dəa naŋg ar ndilee teḛ aw.

Néra Njékaḭkulaje 3:15

Seḭ tɔlje Mbai gə́ njekar dəwje d’isi gə kəmə lé yeḛ gə́ Ala aree unda loo teḛ dan njé gə́ d’wəi’g, jeḛ lai n’toje njékoogootareeje ya.

Néra Njékaḭkulaje 5:31

Ala lé unee gə jikɔlee undá tar aree to gə́ Mbai ləm, gə Njekaji dəwje ləm tɔ, gə mba kar Israɛlje d’wa ne ndòo rɔ dee dɔ kaiya’g lə dee kar mée ti ne mbidi dɔ’g.

Njé gə́ Rɔmə 11:36

Yeḛ nja ɓa néje lai ḭ rəa’g ləm, mbɔl dəa ɓa néje lai to gən ləma, néje lai to gə mba kila riɓar dəa’g ləm tɔ. Maji kula rɔnduba dəa’g gə ləbee-ləbee saar-saar gə no̰. Amen!

Njé gə́ Rɔmə 9:23

əsé ɓó lé yeḛ ndigi kar dee gər boo-ronduba ləa mbata lə joje gə́ nojikwa wɔji dɔ deḛ gə́ yeḛ nja wa dɔ gɔl dee gə mba kar dee d’iŋga ne rɔnduba lé see ta ɗi ləi to keneŋ wa.

1 Njé gə́ Kɔrḭtə 2:7

Kəmkàr lə Ala gə́ to loo-kiya’g kɔrɔg ɓa jeḛ ndoo sí. Kəmkàr neelé Ala nja wɔji kédé par-par ɓad ɓa d’un kudu tura ləb dee ɓəi gə mba kula ne rɔnduba dɔ sí’g ya.

1 Njé gə́ Kɔrḭtə 8:6

Ndá jeḛ lé Ala lé Bɔ síje lé to kára ba kiao. Néje lai ḭ rəa’g ləm, jeḛ lé j’isi gə́ kea̰-yeḛ nja ləm tɔ. Mbaidɔmbaije lə sí Jeju Kristi lé to gə́ kára ba kiao tɔ. Mbɔl dəa-yeḛ nja ɓa néje lai to ne keneŋ ləm, jeḛje kara j’isi ne keneŋ gə mbəa-yeḛ nja ləm tɔ.

2 Njé gə́ Kɔrḭtə 3:18

Jeḛ lai gə́ kəm sí to jəgəgə ar sí n’tən ne rɔnduba lə Mbaidɔmbaije asəna gə dəw gə́ oo kəmee tatara’g bèe lé jeḛ n’tel n’tanaje ne səa pai-pai, n’tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g ya.

2 Njé gə́ Kɔrḭtə 4:17

Némeeko̰ gə́ ra sí waga gə́ jeḛ j’oo gə́ né gə́ əḭ el lé a to kó rɔnduba gə́ d’a kula dɔ sí’g saar-saar gə no̰, gə́ lal kwɔji ləm, gə lal kunda ŋgaŋgee ləm tɔ.

2 Njé gə́ Kɔrḭtə 5:18

Néje lai neelé ḭ rɔ Ala’g ya. Mbɔl dɔ Kristi ɓa Ala lé ɔm sí ne səa na̰’d ləm, yeḛ ɔm ne kula kɔm dəwje na̰’d yəg gə Ala ji sí’g ləm tɔ.

2 Njé gə́ Kɔrḭtə 6:18

N’a kwa sí gə́ rɔ neḛ’g, n’a to bɔ síje ləm, Seḭ a toje ŋgan neḛje gə́ diŋgam gə njé gə́ dené ləm tɔ Mbaidɔmbaije gə́ njesiŋgamoŋ ɓa pa bèe.

Njé gə́ Galati 3:26

Mbata meekun gə́ seḭ unje arje Jeju Kristi lé ɓa seḭ lai toje ne ŋgan-Alaje ya.

Njé gə́ Epesə 2:7

Meemaji gə́ yeḛ ra sə síjeḛ gə́ j’ɔm na̰’d gə Jeju Kristi lé yeḛ nduba ne noji ləa gə́ dum dɔ loo gə́ raga, gə ləbee-ləbee saar gə no̰.

Njé gə́ Epesə 3:10

Mba kar mbɔl dɔ Eglisə lé dəw-dɔ-looje ləm, gə njéko̰ɓeeje gə́ dara gə́ tar ləm tɔ lé ɓasinè d’a gər ne kəmkàr lə Ala lé gə lée-lée

Njé gə́ Kolosə 3:4

Loo gə́ Kristi gə́ to gə́ kəmə lə sí a kila rəa ndá seḭ a kilaje rɔ sí səa na̰’d dan rɔnduba’g ləa tɔ.

2 Timote 2:10

Gelee gə́ nee ɓa, m’wa ne siŋgam kɔgərɔ dɔ néje’g lai mbata lə deḛ gə́ yeḛ mbər dee lé gə mba kar dee-deḛ nja kara d’iŋga kaji gin Jeju Kristi lé na̰’d gə rɔnduba gə́ to gə no̰ lé tɔ.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.

Ǝbrəje 6:20

loo gə́ Jeju lé aw gə́ ŋgaw ta sí keneŋ mbata yeḛ nja d’aree to gə́ ŋgɔ-njekinjanéməs saar-saar gə́ no̰, gə goo ka̰ Melkisedek ya.

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.

Ǝbrəje 7:28

Tɔgərɔ ya, godndu lé ɔr dəwje gə́ to gə́ njérəmje ɓa unda dee gə ŋgɔ-njékinjanéməsje, nɛ ta manrɔ gə́ orè goo godndu lé yee ɓa ɔr Ŋgon gə́ maji péd-péd lé undá gə́ njekinjanéməs saar-saar gə no̰.

1 Piɛrə 1:12

Ala ɓa riba sə dee dəa ar dee gər gao, néje neelé to mbata lə dee-deḛ el nɛ to mbata lə sí-seḭ ɓa deḛ nja to gə́ njékɔrgoo tareeje ya. Ɓasinè deḛ gə́ Ndilmeenda gə́ ḭ dara ɔs dee ɓɔḭ-ɓɔḭ ɓa d’ɔr gée d’ila ne mber Tagə́maji d’ar sí. Kuraje gə́ dara kara ndiŋga rɔ dee gə mba koo néje neelé tɔ.

1 Piɛrə 5:1

Ooje ta gə́ ma m’gɔl ne ŋgatɔgje mbuna sí’g lé ma kara m’to gə́ ŋgatɔg mar dee ya ləm, némeeko̰ gə́ ra Kristi lé ma m’oo gə kəm ya ləma, ndɔ gə́ yeḛ a nduba rəa gə́ raga lé ma kara m’a si səa na̰’d ya ləm tɔ.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

Loo gə́ killa rea kəm Ja̰’g 4:11

Mbaidɔmbaije, Ala lə sí, I nja askəm kiŋga rɔnduba ləm, gə riɓar ləma, Gə siŋgamoŋ gə tɔgmbaŋ ləm tɔ, Mbata i nja unda néje lai ləm, Rəw gə́ i nja wɔji ɓa deḛ d’isi ne ləma, I ra dee ne ləm tɔ.

Loo gə́ killa rea kəm Ja̰’g 7:9

Gée gə́ gogo m’aa loo gərərə ndá m’oo koso-dəwje bula dum tura gə́ d’ḭ d’ḭ mbuna ginkoji dəwje gə raŋg’g lai ləm, gə mbuna gelɓee dəwje-dəwje’g lai ləm, gə mbuna koso-dəwje lai ləma, gə mbuna deḛ lai gə́ takɔji dee gə́ gə ria-ria ləm tɔ. Deḛ d’aar no̰ kalimbai’g ləm, gə no̰ Ŋgonbad’g ləm tɔ gə kubu gə́ nda gə́ ŋgal yududu rɔ dee’g tɔɓəi kam kiaŋgar to ji dee’g tɔ.