Ǝbrəje 13:6 - Maktub gə́ To gə Kəmee

⁶ Togə́bè ɓa j’askəm pa rədədə pana: Mbaidɔmbaije to gə́ njela səm, M’a ɓəl né kára kara el. See ɗi ɓa dəw askəm ra səm ɓəi wa.

Ǝbrəje 13:6 ပူးပေါင်းရင်းမြစ်များ

Gḭ-Néje 15:1

Loo gə́ ta néje neelé dəs mba̰ ndá né gə́ mḭdi ɓa Njesigənea̰ teḛ ne dɔ Abram’g un ta ulá ne pana: Abram, ɓəl el. Ma m’to dər-rɔ ləi ndá nédɔji ləi a kal dɔ loo.

1 Mbaije 17:8

Yen ŋga Njesigənea̰ ulá ta nee pana:

Pakɔsje 124:8

Ri Njesigənea̰ gə́ njera dara gə naŋg neelé Yee ɓa né la sə sí ḭ keneŋ ya.

Pakɔsje 146:3

Maji kar sí ɔmje meḛ sí dɔ dəwje gə́ boo’g el ləm, Gə dɔ dəwje gə́ d’askəm kaji sí’g el lé ləm tɔ.

Pakɔsje 27:9

Maji kari iya səm kəmi el ləm, Maji kari ɔs ŋgonjelookisi ləi gə oŋg ŋgərəŋ el ləm tɔ. I nja ɓa to njela səm Bèe ndá maji kari ya̰’m el ləm, Ubam ya̰’m el ləm tɔ, I Ala gə́ njekajim.

Pakɔsje 33:20

Jeḛ j’unda meḛ sí yel gə́ dɔ Njesigənea̰’g, Yeḛ lé to njela sə sí ləm, gə dər gel sí ləm tɔ.

Pakɔsje 40:17

Maji kar dee-deḛ lai gə́ ndolè gooi D’isi dan boo-rɔkal’g ləm, ra rɔlel dɔi’g ləm tɔ! Maji kar deḛ gə́ d’unda kaji ləi dan kəm dee’g Pa taree lal kwa ta dee pana: Njesigənea̰ nja to gə́ boo!

Pakɔsje 54:4

Ǝi Ala, maji kari oo ndu tamaji ləm, Ur mbii oo ne taje gə́ teḛ tam’g lé ya tɔ.

Pakɔsje 56:4

Loo gə́ ma m’isi dan ɓəl’g lé Ndá i nja ɓa m’ɔm məəm dɔi-i’g ya.

Pakɔsje 63:7

Loo gə́ m’ə̰ji m’teḛ dɔi’g loo-toom’g lé Ndá m’la̰ji dɔi’g loondul’g ya,

Pakɔsje 94:17

Ɓó lé Njesigənea̰ to njelasəm el ndá Kàr bèe jén lé m’uru loo gə́ d’isi keneŋ dɔ mundu lé ŋga.

Teḛ-Raga 18:4

yeḛ gə́ raŋg ria lə Eliéjer mbata yeḛ pa pana: Ala lə bɔmje la səm, tɔɓəi yeḛ nja ɔrm ta kiambas’g lə Parao̰.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 41:14

Seḭ njé’g lə Jakob gə́ d’oo sí gə́ ŋgan kuruje lé, Seḭ ges Israɛlje gə́ siŋga sí godo lé Ɓəlje el Njesigənea̰ pana: M’a ree la sə sí, Njemeenda lə Israɛlje to njekaji sí ya.

Matiyo 10:28

Deḛ gə́ tɔl darɔ sí ɓó d’askəm tɔl kankəmrɔ sí el lé ɓəl deeje el. Yeḛ gə́ askəm tuji kankəmrɔ sí gə darɔ sí na̰’d dan pər’g ɓa ɓəleeje.

Njé gə́ Rɔmə 8:31

See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

Njé gə́ Epesə 3:12

Mbɔl dɔ meekun gə́ jeḛ j’un j’ar Jeju Kristi lé j’ɔr ne dɔ sí kúla’g mba kaw ne pər gə́ rɔ Ala’g lé gə meendakaḭ.

Tel tura Godndu 33:26

Moyis pa ya tɔɓəi pana: Dəw kára kara gə́ njetana gə Ala lə Israɛlje lé godo, Yeḛ uba dɔ dara aw Gə mba ree la sə sí ləm, Yeḛ uba dɔ mumje Gə rɔnduba ləa ləm tɔ.

Tel tura Godndu 33:29

Israɛlje d’isi dan rɔlel’g! See na̰ ɓa to tana sə sí wa. Seḭ toje koso-dəwje gə́ Njesigənea̰ aji dee ləm, Yeḛ to dər gə́ la sə sí ləm, Gə kiambas gə́ to baŋga lə sí ləm tɔ. Njéba̰je lə sí d’a kunda barmba no̰ sí’g Ndá seḭ a tubaje dɔ looje lə dee gə́ d’ḭta lé gə gɔl sí tɔ.

Ǝbrəje 10:19

Ŋgakɔmje, məs Jeju ɓa ar rəw-kaw mee loo gə́ to gə kəmee to ne tag ar sí j’askəm kandə keneŋ gə meendakaḭ.

Ǝbrəje 4:16

Bèe ndá maji kar sí n’ges pər gə́ mbɔr kalimbai noji’g ləa gə meendakaḭ mba kar mée oso lemsé dɔ sí’g ləm, karee wa sə sí noji la ne sə sí dɔ né gə́ ndée ra sí ləm tɔ.

1 Samel 23:17

ndá yeḛ ulá pana: Ɓəl el mbata ji bɔm Sawul a kɔrɔ rɔi el. I a ko̰ɓee dɔ Israɛlje’g ndá m’a to yeḛ gə́ njekɔm’g joo ləi mba si mbɔri’g tɔ. Bɔm Sawul kara gər togə́bè ya tɔ.