Ǝbrəje 13:4 - Maktub gə́ To gə Kəmee

⁴ Maji kar sí-seḭ lai ooje taa na̰ lə diŋgam gə dené lé gə́ né gə́ kəm pidi ləm, a kooje tira-to taa na̰ lé kara gə́ né gə́ to mbo̰ el ləm tɔ. Mbata deḛ gə́ d’aw gə́ balgogé əsé ndal mɔdkaiya ndá Ala a gaŋg rəwta dɔ dee’g ya.

Ǝbrəje 13:4 ပူးပေါင်းရင်းမြစ်များ

Gḭ-Néje 2:21

Bèe ɓa Njesigənea̰ ar ɓi gə́ dum kun rɔ ɓidi oso kəm dəw’g neelé aree to ne ɓi pərəg. Yeḛ ɔr siŋga seŋgəre kaaree kára ndá tel gɔl dakasrea toree’g gogo.

Gḭ-Néje 2:24

Gelee gə́ nee ɓa diŋgam a kya̰ bɔbeeje gə kea̰je, tɔɓəi a kɔm na̰’d sad gə dené ləa ndá deḛ joo bɔr d’a tel to darɔ gə́ kára ba.

2 Mbaije 22:14

Hilkija, njekinjanéməs ləm, gə Akikam ləm, gə Akbɔr ləm, gə Sapan ləma, gə Asaja ləm tɔ d’aw rɔ Hulda gə́ to njetegginta gə́ dené’g, gə́ to dené lə Salum, ŋgolə Tikba gə́ to ŋgolə Haras, yeḛ gə́ to njeŋgəm kubuje lé. Yeḛ si kudu ŋgon ɓee kára gə́ mee ɓee-boo gə́ Jerusalem ya.

Maktub gə́ wɔji dɔ Jɔb 31:12

To pər gə́ roo né saar tujee pugudu Gə́ askəm tuji nébaoje ləm mbad-mbad ya.

Esai 8:3

Ma m’aw rɔ njetegginta gə́ dené ndá yeḛ taa kèm tɔɓəi yeḛ oji ŋgon gə́ diŋgam. Njesigənea̰ ulam pana: Maji kam m’unda ria lə Maher-salal-Has-Baj.

Ləbije 15:18

Ɓó lé dené to gə diŋgam gə́ togə́bè ndá deḛ səa joo bɔr d’a togo rɔ dee sugu-sugu ləm, rɔ dee a mina̰ saar kàr a kandə ləm tɔ.

Ləbije 18:20

Seḭ a toje gə dené lə mar sí kar rɔ sí mina̰ ne el.

Malasi 3:5

M’a rəm pər gə́ rɔ sí’g gə mba gaŋg rəwta ləm, m’a kɔs rɔm ɓad gə mba kɔr ta kila dɔ njésukəmlooje’g ləm, gə dɔ njémɔdkaiyaje’g ləm, gə dɔ deḛ gə́ d’ubu rɔ dee gə taŋgɔm ləm, gə dɔ deḛ gə́ d’uga dɔ ji njékulaje lə dee gə goo rəbee el ləm, gə dɔ deḛ gə́ buguru njékəisiŋgaje gə ŋganalje ləma, gə dɔ deḛ gə́ ra majel gə dəw-dɔ-ɓeeje ɓəlm ne el ləm tɔ. Njesigənea̰ gə́ njeboo-néje lé pa bèe.

1 Njé gə́ Kɔrḭtə 5:13

Deḛ gə́ d’isi gir loo gə́ raga lé Ala ɓa a gaŋg rəwta dɔ dee’g ya. Ram-dəw gə́ si mbuna sí’g lé oreeje wɔgədɔ gə́ raga ɓa.

1 Njé gə́ Kɔrḭtə 6:18

Undaje rɔ sí ɓad dɔ mɔdkaiya’g. Kaiya gə́ rara gə́ dəw ra lé to gə́ rəa’g raga ɓəi. Nɛ yeḛ gə́ ya̰ rəa yag dɔ mɔdkaiya’g ndá yeḛ nja ula sul dɔ rəa-yeḛ’g.

1 Njé gə́ Kɔrḭtə 6:9

See seḭ gərje el wa, njéra nékori-korije lé d’a kwa ɓeeko̰ lə Ala gə́ nédɔji lə dee el. Ǝrje rɔ sí el: njékaiyaje əsé njépole-magəje əsé gə njéndal mɔdkaiyaje

1 Njé gə́ Kɔrḭtə 7:38

Bèe ndá yeḛ gə́ ar ŋgonee gə́ ma̰də taa ŋgaw lé ra maji ya, nɛ yeḛ gə́ ar ŋgonee gə́ ma̰də taa ŋgaw el lé kea̰-yeḛ to maji undá tɔ.

1 Njé gə́ Kɔrḭtə 9:5

See j’askəm kɔr kɔnan sí gə́ dené mba karee to njekaw sə sí gə looje lai gə́ j’a kaw keneŋ to gə́ njékaḭkulaje gə́ raŋg ləm, gə ŋgako̰ Mbaidɔmbaije ləma, gə Képas ləm tɔ ra lé el wa.

2 Njé gə́ Kɔrḭtə 5:10

Mbata lé riri kara jeḛ lai j’a kaarje loo gaŋg-rəwta’g lə Kristi, ɓó gə mba kar nana kara a kiŋga né gə́ wɔji dɔ maji əsé gə majel gə́ yeḛ ra loo gə́ yeḛ nai ne gə darəa ɓəi lé.

Njé gə́ Galati 5:19

Néraje gə́ ka̰ darɔ lé to raga pai-pai ya, deḛje ɓa to nee ya: Mɔdkaiya ləm, gə kəmnda ləm, gə kaw kori-kori ləm,

Njé gə́ Galati 5:21

gə kəmkəḭ ləm, gə kaw gə́ dəw-kido ləm, gə néra gə́ ndəl-ndəl ləma, gə néje gə́ raŋg gə́ as sə dee togə́bè lé ləm tɔ. Ma m’ula sí təsərə to gə́ ma m’ula sí kédé tɔɓəi tɔ, dəwje gə́ ra néje gə́ togə́bè lé d’a kila gɔl dee ɓeeko̰’g lə Ala kiŋga nédɔjije keneŋ pai godo.

Njé gə́ Epesə 5:5

Maji kar sí gərje gao, dəw gə́ rara gə́ to njemɔdkaiya ləm, əsé njekəmnda ləma, əsé njekwəi-yoo-lar gə́ oo lar asəna gə magəpole ləm tɔ lé deḛje neelé d’askəm kila gɔl dee ɓeeko̰’g lə Kristi gə Ala el.

Tel tura Godndu 22:22

Ɓó lé diŋgam to gə dené gə́ taa ŋgaw ndá d’a tɔl dee joo bɔr ya, diŋgam lé ləm gə dené lé ləm tɔ. Togə́bè ɓa seḭ a kɔrje ne néje gə́ majel mbuna Israɛlje’g ya.

1 Njé gə́ Tesalonikə 4:6

Maji kar dəw kára kara unda kəm maree jibi taa ne né ləa el ləm, ar kəmee əḭ dɔ né’g lə maree gə́ rara kara el ləm tɔ, mbata Mbaidɔmbaije ɓa gə́ njedalba̰ néje neelé lai to gə́ jeḛ j’ula sí taree ndəji sí ne kédé ya.

1 Timote 3:12

Maji kar njékaa dɔ néje lə Eglisəje lé to njédenéje gə́ kára-kára ba ləm, d’a kaḭ ŋgaŋ ŋgan deeje kɔr-kɔr ləma, d’a kaa dɔ kəi lə dee-deḛ ya kər-kər ləm tɔ.

1 Timote 3:2

Njekaa dɔ Eglisə lé maji karee to njegelgodo ləm, gə njedené kára ba ləma, gə njera kəmee rakaa ləm tɔ, yeḛ a to njemeendər ləm, yeḛ a kaw yururu ləm, yeḛ a kwa mbá bur-bur ləma, yeḛ a kaskəm ndoo dəwje né gə́ kəm ndoo dee ləm tɔ.

1 Timote 3:4

Yeḛ a kaa dɔ kəi ləa kər-kər ləm, a kaḭ ŋgaŋ ŋganee kɔr-kɔr mba kar dee d’ɔm na̰ gée’g yəg kar dee to gə́ majikojije ləm tɔ.

1 Timote 4:3

D’ɔg dəwje loo taa na̰ ləm, nésɔ gə́ Ala ra gə mba kar ŋgankojije gə́ kəm dee inja dɔ kankəmta’g lé d’usɔ rəa ne oiyo lé d’ɔg dee dɔ’g ləm tɔ.

1 Timote 5:14

Bèe ndá njékəisiŋgaje gə́ nai ma̰də ɓəi lé ma m’ndigi kar dee taa ŋgaw koji ne ŋganje ləm, kar dee d’oo goo loo gə́ mee kəije’g lə dee ləm tɔ, mba kar njeba̰ lé oo ne loo kila ne ta dɔ sí’g el.

Titə 1:6

Ŋgatɔg lé maji karee to njegelgodo ləm, gə njedené kára ba ləma, kar ŋganeeje kara to gə́ majikojije gə́ dəw askəm kila ta gə́ wɔji dɔ kaw kori-kori əsé kɔs ta rəw dɔ dee’g el ləm tɔ.

Ǝbrəje 12:16

Undaje kəmkàr dɔ rɔ sí’g mba kar balgogé godo mbuna sí’g ləm, mba kar dəw nésɔ gə́ asəna gə Esawu sí mbuna sí’g el ləm tɔ, mbata Esawu to gə́ ŋgondər ya, nɛ wa ŋgondər lé ndogo ne lɔ-mḭji.

Loo gə́ killa rea kəm Ja̰’g 22:15

Bisije əsé gə njémbeḛje əsé gə njémɔdkaiyaje əsé njétɔl dəwje əsé njépole-magəje əsé deḛ gə́ rara gə́ ra néŋgɔm ndá maji kar dee nai raga ya.