Ǝbrəje 13:17 - Maktub gə́ To gə Kəmee

¹⁷ Ilaje ŋgonkoji dɔ njékɔrno̰ síje’g gə́ d’aḭ bada dɔ sí’g, ḭje kalaŋ-kalaŋ no̰ dee’g, mbata loo gə́ d’a kula njea taree ndá d’a kulá gə ŋgaŋ kogo. Ɓó lé d’a kulá taree gə rɔkim ndá lé a maji dɔ sí’g el.

Ǝbrəje 13:17 ပူးပေါင်းရင်းမြစ်များ

Gḭ-Néje 16:9

Kura lə Njesigənea̰ gə́ dara ulá pana: Tel aw rɔ ɓéije’g, aw ila rɔi meḛ jia’g.

Teḛ-Raga 32:31

Moyis tel aw rɔ Njesigənea̰’g ulá pana: Kaaii! Dəwje neelé ra kaiya gə́ boo. Deḛ nja léḛ larlɔr reá gə́ magə lə dee.

Gosota-Kəmkàrje 5:13

Ma m’oo ta lə ɓémje-je el ləma, Ma m’ur mbiim gə́ rɔ njéndoom néje’g el ləm tɔ wa.

Esai 62:6

I ɓee gə́ Jerusalem, ma m’unda njéŋgəmlooje dɔ ndògo-bɔrɔje’g ləi, D’a si dɔ mundu dan kàrá əsé loondul’g el, Seḭ gə́ arje mee Njesigənea̰ olé dɔ Jerusalem’g lé Loo-kwa-rɔ lə sí godo!

Jeremi 13:17

Ɓó lé seḭ ooje ta el ndá N’a no̰ gə goo ŋgəḭ mbata beelé lə sí, Man no̰ a ruba kəm neḛ’g pɔ-pɔ, Mbata koso-dəwje gə́ to nékulje Le Njesigənea̰ lé d’a kaw sə dee ɓee-ɓər’g.

Ejekel 33:2

I ŋgon-dəw lé, pata ar ŋgalə koso-dəwje ləm ula dee pana: Loo gə́ m’ar dee ree gə kiambas dɔ ɓee gə́ kára’g nɛ koso-dəwje gə́ mee ɓee’g neelé d’ɔr dəw kára mbuna dee’g d’undá gə́ njeŋgəmloo ɓa

Lugu 16:2

Yeḛ ɓaree dəjee pana: See ta ɗi ɓa pa dɔi’g ɓa m’oo nee wa. Tura goo néje ləm gə́ m’ɔm jii’g lé am m’oo mbata i askəm to njekaa dɔ néje ləm gogo el ŋga.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

Njé gə́ Rɔmə 14:12

Togə́bè ɓa nana kara mbuna sí’g a kaar no̰ Ala’g gə mba kula goo néje gə́ yeḛ ra lé tɔ.

1 Njé gə́ Kɔrḭtə 16:16

Dəwje gə́ ra togə́bè lé maji kila koji dɔ dee’g ləm, gə dɔ deḛ lai gə́ to njéboakulaje lə dee kara ləm tɔ.

Njé gə́ Epesə 5:21

Tədjekag na̰ ɓəlje ne Kristi.

Njé gə́ Pilibə 1:4

loo gə́ rara gə́ ma m’ra tamaji keneŋ mbata lə sí lé ma m’ra gə meendakaḭ,

Njé gə́ Pilibə 2:12

Togə́bè ɓa, seḭ gə́ m’unda sí dan kəm’g lé to gə́ seḭ raje torndum ta-ta ndá raje kula gə́ wɔji dɔ kaji lə sí gə kaar gəd ləm, ndəbje ndəbee mba karee to lée’g ləm tɔ, raje mbata kəm-ma ɓa el, nɛ ɓasinè loo gə́ ma m’godo mbuna sí’g kara raje maji unda nje gə́ kédé tɔ.

Njé gə́ Pilibə 2:16

ta gə́ wɔji dɔ kisi gə kəmə lé kara seḭ a kwaje dan dee’g kɔgərɔ ləm tɔ. Ɓó lé seḭ a raje togə́bè ndá ndɔ ka̰ Kristi lé m’a koo loo gə mba ti ne rɔm mbata ŋgwɔd gə́ m’aḭ lé m’aḭ gə mḭdé el ləm, kula kara m’ra gə́ ŋgar el ləm tɔ.

Njé gə́ Pilibə 2:29

Bèe ndá wáje gə́ rɔ sí’g gə ri Mbaidɔmbaije, ndaje ne meḛ sí kaḭ tɔ, dəwje gə́ togə́bè lé ilaje riɓar dɔ dee’g ya.

Njé gə́ Pilibə 3:18

Mbata ma m’ula sí gɔl bula, nɛ m’a kula sí gɔl kára gə mán-no̰ kəm’g ɓəi tɔ, njé gə́ na̰je d’aw gə́ njéba̰je lə kag-dəs lə Kristi.

Njé gə́ Pilibə 4:1

Gelee gə́ nee ɓa, ŋgakɔmje gə́ m’unda sí dan kəm’g, seḭ gə́ m’oo sí gə́ né gə́ to gə́ ŋgonkəm ləm, seḭ gə́ toje rɔlel ləm ləma, gə dɔgugu ləm ləm tɔ lé maji kar sí-seḭ gə́ m’unda sí dan kəm’g lé aarje njaŋg gin Mbaidɔmbaije’g ya.

2 Njé gə́ Tesalonikə 3:14

Ɓó lé nana ɓa ra torndu sí gə́ jeḛ j’ula sí taree mee maktub’g neelé el ndá maji kar sí oreeje kəm sí dəa’g ndəŋ, saaje rɔ sí rəa’g mba kar rəa kul ne.

1 Timote 5:17

Ŋgatɔgje gə́ d’ɔr no̰ Eglisə maji ra ne kula kɔrgoota ləm, gə ndoo mar deeje ləm tɔ lé maji kar dee d’iŋga riɓar gə́ ɔs dɔ maree ya.

Ǝbrəje 13:24

Raje njekɔrno̰ síje lapia amje ləm, raje deḛ gə́ to gə kəmee lai lapia amje ləm tɔ. Deḛ gə́ d’isi Itali lé pana: M’ra sí lapia m’ar neḛje tɔ.

Ǝbrəje 13:7

Arje meḛ sí olé dɔ njékɔrno̰ síje gə́ tɔji sí ta lə Ala, la̰jije dɔ ndɔ kwəi’g lə dee ləm, ndajije ne meekun lə dee ləm tɔ.

Maktub gə́ Jak ula ne ar ngan-Allaje 4:7

Bèe ndá ɔmje rɔ sí ji Ala’g. Ɔsje Njekurai rəw ɓa yeḛ a kaḭ sí ɓəi.

1 Piɛrə 5:5

Seḭ basaje kara osoje kul no̰ ŋgatɔgje’g lə sí. Seḭ lai lé ulaje dɔ sí arje na̰, mbata Ala lé ɔs njébeeleje rəw, Nɛ yeḛ wa noji gə njekula dɔ deeje.

1 Samel 8:19

Koso-dəwje d’ɔs mbi dee jigi d’udu dɔ ta’g lə Samel. Deḛ pana: Wai! Lé riri kara mbai a si dɔ sí’g ya.