Ǝbrəje 13:11 - Maktub gə́ To gə Kəmee

¹¹ Məs nékulje lé ŋgɔ-njekinjanéməs aw ne mee kəi gə́ to gə kəmee mba kuga dɔ kaiya’g ya nɛ dakasrɔ dee lé yeḛ aw ne gir loo-si dee gə́ raga gə mba roo.

Ǝbrəje 13:11 ပူးပေါင်းရင်းမြစ်များ

Teḛ-Raga 29:14

Nɛ dakasrɔ bɔ maŋg ləm, gə ndaree ləma, gə siḭyee ləm tɔ lé i a roo dee gir loo-si dee’g raga, yee neelé ɓa to nékinjaməs gə́ ka̰ kuga dɔ kaiya tɔ.

Ejekel 43:21

A kwa bɔ maŋg gə́ ka̰ kuga dɔ kaiya ndá d’a roo loo gə́ d’unda d’wɔji ne dəa mee kəi gə́ to gir loo gə́ to gə kəmee gə́ raga.

Ləbije 16:27

Bɔ maŋg gə́ wɔji dɔ kuga dɔ kaiya ləm, gə bàl bya̰ gə́ wɔji dɔ kuga dɔ kaiya ləm tɔ lé deḛ gə́ d’un dee d’aw ne mee kəi gə́ to gə kəmee’g gə mba ra ne né kuga dɔ kaiya lé d’a kodo dee kaw sə dee gir loo-si dee’g ndá ndar dee ləm, gə dakasrɔ dee ləma, gə siḭ dee ləm tɔ lé d’a roo tɔ.

Ləbije 6:11

Ŋgaka Aaro̰ lai gə́ diŋgam lé d’a sɔ né neelé. Yee ɓa to gə́ godndu gə́ to gə no̰ mbata lə ŋgaka síje gə́ kédé-kédé wɔji dɔ nékarje gə́ ka̰ roo no̰ Njesigənea̰’g lé, nana ɓa gə́ ɔrɔ rɔ néje neelé ndá yeḛ a to gə kəmee ya tɔ.

Ləbije 9:11

Nɛ dakasee gə ndaree lé yeḛ roo dee gir loo-si dee gə́ raga.

Ləbije 9:9

Ŋgalə Aaro̰ d’un məs lé d’aree, yeḛ ula ŋgaw jia dan məs’g ləm, yeḛ rad dɔ kum loo-nékinjanéməsje gə́ ḭta ləma, yeḛ ɔm naŋg no̰ loo-nékinjaməs’g ləm tɔ.

Bula lə Israɛlje 19:3

Seḭ a karje Eləajar gə́ to njekinjanéməs ndá yeḛ a kar dee d’aw ne gir loo-si dee’g, tɔɓəi d’a kinja gwɔbee nea̰’g.

Bula lə Israɛlje 19:7

Njekinjanéməs lé a togo kubuje ləa ləm, a ndogo mán ləm tɔ, tɔɓəi yeḛ a tel kaw loo-si dee’g nɛ rəa a mina̰ saar kàr a kandə ɓa.