Ǝbrəje 12:7 - Maktub gə́ To gə Kəmee

⁷ Loo gə́ d’a kwɔji sí kəmkàr dɔ néra sí’g ndá waje rɔ sí kɔgərɔ mbata Ala ra sə sí né gə́ wɔji dɔ ŋganeeje. See ŋgon gə́ ra ɓa bɔbeeje a kwɔjee kəmkàr el wa.

Ǝbrəje 12:7 ပူးပေါင်းရင်းမြစ်များ

2 Samel 7:14

M’a to bɔbeeje ləm, yeḛ a to ŋgonəm ləm tɔ. Ɓó lé yeḛ ra majel ndá m’a kundá gə ndəi kwɔjee ne kəmkàr ləm, gə ndəi kunda ŋganje ya ləm tɔ.

1 Mbaije 1:6

Gə kasee ba lé bɔbeeje ḭ səa dɔ nérea’g ndɔ kára kara el ləm, yeḛ ulá pana: See ban ɓa i ra né togə́bè wa kara el ləm tɔ. Adonija lé kura diŋgam yaa̰, tɔɓəi d’ojee yeḛ goo Absalɔm’g ɓəi tɔ.

Gosota-Kəmkàrje 13:24

Yeḛ gə́ ndigi kunda ŋgonee el lé Ǝ̰jee bəḭ-bəḭ, Nɛ yeḛ gə́ undá dan kəmee’g lé Saŋg loo mba kwɔjee kəmkàr.

Gosota-Kəmkàrje 19:18

Maji kari wɔji ŋgoni kəmkàr loo gə́ məəi to yel dəa’g ɓəi Ɓó ndiŋga rɔi gə mba tɔlee gə́ tɔl el.

Gosota-Kəmkàrje 22:15

Mbə wa mee ŋgon, Ndá ndəi kwɔji kəmkàr a kɔree mée’g kilá əw.

Gosota-Kəmkàrje 29:15

Ndəi ləm, gə takwɔji-kəmkàr ləm tɔ lé ar kəm dəw àr, Nɛ ŋgon gə́ d’yá̰ gə́ kya̰ lé ila rɔkul dɔ kea̰je’g.

Gosota-Kəmkàrje 29:17

Wɔji ŋgoni kəmkàr ndá Yeḛ a kar məəi oso naŋg po̰ ləm, A kar rɔlel taa məəi pəl-pəl ləm tɔ.

Néra Njékaḭkulaje 14:22

Deḛ d’ula diŋgam meḛ njékwakiláje’g ndəji dee gə mba kar dee d’ai meḛ dee sam-sam dɔ meekun’g lə dee pana: Némeeko̰je gə́ gə ria-ria ɓa gə́ kuma̰ kar sí j’andə ne mee ɓeeko̰’g lə Ala lé.

1 Njé gə́ Kɔrḭtə 11:32

Loo gə́ Mbaidɔmbaije gaŋgta dɔ sí’g ndá yeḛ ra gə mba kula sí ne kəmkàr ɓó mba kar tuji gə́ wa dɔ naŋg neelé wa dɔ sí el.

Tel tura Godndu 8:5

Maji kar sí gərje gao to gə́ Ala lə sí gə́ Njesigənea̰ wɔji sí kəmkàr, to gə́ dəw wɔji ne ŋgonee kəmkàr bèe tɔ.

1 Samel 2:29

Nékinjaməsje gə nékarje ləm gə́ m’un ndum m’ar dee ree ne mee kəi-sim’g lé see ban ɓa seḭ tuba deeje gə gɔl sí wa. See gə mba ɗi ɓa i ula rɔnduba dɔ ŋganije’g undam-ma, ar sí taaje ne néje gə́ doŋgɔr gə́ dəwje ləm gə́ Israɛl d’un lé d’ar sí-seḭ ərje ne ndɔl-ndɔl wa.

1 Samel 2:34

Nétɔji gə́ a kari oo ne to gə́ ta nee to tɔgərɔ ya lé a to né gə́ a teḛ dɔ ŋganije joo gə́ ri dee lə Opni gə Pines. Mee ndɔ gə́ kára ba ya d’a kwəi keneŋ joo bɔr.

1 Samel 3:13

Ma m’ulá təsərə to gə́ m’a gə kar bo̰ néra njémeekəije ləa ɔs ta dee’g gə no̰ mbata yeḛ oo néra gə́ kərm-kərmje lə deḛ gər gao, to néra ŋganeeje gə́ ar dəwje d’ə̰ji dee ne gə́ kḛji nɛ yeḛ lal ndaŋg dee dɔ’g lé.