Ǝbrəje 12:3 - Maktub gə́ To gə Kəmee

³ La̰jije dɔ Jeju’g, yeḛ gə́ si dan njékaiyaje’g gə́ d’ɔsee ɓɔḭ-ɓɔḭ, togə́bè ɓa seḭ a daoje ne el ləm, meḛ sí a kila ne kas el ləm tɔ.

Ǝbrəje 12:3 ပူးပေါင်းရင်းမြစ်များ

Gosota-Kəmkàrje 24:10

Ɓó lé i unda ndolé ndɔ néurti’g ndá Siŋgai to gə́ lam ba bèe.

Esai 50:4

Mbaidɔmbaije gə́ Njesigənea̰ ulam ta Gə́ kəm karm m’pa Gə mba kam m’gər loo pata M’gəd ne yeḛ gə́ unda ndolè. Teḛ gə ndɔ gə ndɔje kára-kára lai lé Yeḛ ndelm, Yeḛ ar mbim to tag gə mba koo ne ta Gə mba kam m’oo ta To gə́ njékwakiláje d’oo bèe.

Matiyo 11:19

Ŋgon-dəw lé ree, yeḛ sɔ né ləm, yeḛ aḭ né ləm tɔ ndá deḛ pana: Yeḛ to njembula nésɔ ləm yeḛ to njḛdi mán-nduú ləm tɔ. Yeḛ ɔr kura gə́ njétaa lar-gədɓeeje ləm, kaiya-dəwje kara yeḛ ɔr sə dee kura ləm tɔ. Kəmkàr lé ŋganeeje ɓa tegginee gə́ raga pai-pai.

Matiyo 12:24

Parisiḛje lé d’oo ta gə́ deḛ pa lé ndá d’ila dee keneŋ pana: Mbɔl dɔ Beeljebul, mbai lə ndilje gə́ majel lé ɓa diŋgam neelé tuba ne ndilje gə́ majel meḛ dəwje’g ya.

Matiyo 15:2

See gə mba ɗi ɓa njékwakilaije d’al dɔ néjiɓee lə ŋgatɔgje wa. Mbata loo gə́ d’a gə ko̰ muru ndá togo ji dee el.

Matiyo 21:23

Jeju andə mee kəi-Ala’g si ndoo dee ta ndá mbai dɔ njékinjanéməsje gə ŋgatɔg-dəwje ree pər gə́ rəa’g dəjee pana: See néje gə́ i ra lé see na̰ ɓa un ndia ari gə mba kari ra togə́bè wa.

Matiyo 21:46

Deḛ saŋg rəw gə mba kwá gə ji dee peb nɛ deḛ ɓəl boo-dəwje mbata boo-dəwje neelé d’oo Jeju gə́ njetegginta gə́ gəd ya.

Matiyo 22:15

Yen ŋga Parisiḛje d’ula njuma̰ meḛ na̰’d gə mba kaw goso Jeju ɓó gə mba kiŋga ne ta gə́ gəd təa’g.

Lugu 14:1

Jeju andə aw mee kəi lə mbai lə Parisiḛje kára bèe gə ndɔ-kwa-rɔ mba sɔ səa né ndá Parisiḛje d’unda kəm dee lér-lér gée’g.

Lugu 15:2

Parisiḛje gə njéndaji-maktubje wédé na̰ ta pana: Dəw neelé wa kaiya-dəwje gə́ rəa’g sɔ sə dee né.

Lugu 16:14

Parisiḛje gə́ to njéko̰laolarje d’aar keneŋ d’oo ta ləa lai neelé ndá deḛ kogo ne.

Lugu 2:34

Simeo̰ tɔr ne ndia dɔ dee’g, ula Mari gə́ ko̰ ŋgonje lé pana: Aa oo, ŋgon neelé d’unda no̰ dee’g ɗaŋg gə né kɔr koso gə nékuba loo kḭ lə dəwje bula gə́ Israɛl ləm, gə nétɔji gə́ a kar dee d’aw ne gə na̰ puduru-puduru ya ləm tɔ.

Lugu 5:21

Njéndaji-maktubje gə Parisiḛje d’un kudu kḛji ta meḛ dee’g pana: See dəw neelé to gə́ na̰ ɓa yeḛ ila ndɔl dɔ loo’g togə́bè wa. See na̰ ɓa askəm kɔr kaiya dɔ dəwje’g wa. See Ala lé nja kára ba el wa.

Tagə́maji gə́ Ja̰ ndang 10:20

Njé gə́ na̰je mbuna dee’g bula pana: Ndil gə́ yèr to mée’g ləm, kɔr rəa ləm tɔ. See ban ɓa seḭ tugaje mbi sí dɔ ta’g ləa wa.

Tagə́maji gə́ Ja̰ ndang 18:22

Loo gə́ Jeju ilá keneŋ togə́bè lé ndá njekaa dɔ loo kára gə́ aar keneŋ lé unda təa gə jia pai pana: See i ndigi ta ŋgɔ-njekinjanéməs’g lé togə́bè wa.

Tagə́maji gə́ Ja̰ ndang 5:16

Gelee gə́ nee ɓa Jibje d’unda ne kəm dee goo Jeju’g mbata néje gə́ togə́bè gə́ yeḛ ra ndɔ-kwa-rɔ’g lé.

Tagə́maji gə́ Ja̰ ndang 7:12

Boo-dəwje lai pata ləa wəg-wəg. Njé gə́ na̰je pana: Yeḛ to dəw-noji ya. Nɛ njé gə́ na̰je pana: Wah! yeḛ sula dəwje ar dee ndəm yaa̰ boi.

Tagə́maji gə́ Ja̰ ndang 8:13

Yen ŋga Parisiḛje d’ilá keneŋ pana: I nja ɔr ta ləa maji gə dɔrɔi. Bèe ndá ta kɔr ləi lé kəm taa el.

Tagə́maji gə́ Ja̰ ndang 8:52

Jibje d’ilá keneŋ pana: Ɓasinè jeḛ n’gər gao, ndil gə́ yèr ɓa to məəi’g ya. Abrakam lé wəi mba̰ ləm, njéteggintaje kara d’wəi mba̰ ləm tɔ. Nɛ i pana: Dəw gə́ rara ɓa lé a kaa dɔ ta ləi kər-kər ndá kara yoo a ɓar ria el.

Tagə́maji gə́ Ja̰ ndang 8:59

Yen ŋga Jibje d’odo kɔri-ər gə mba tilá ne. Nɛ Jeju sa rəa ḭ mee kəi-Ala’g unda loo teḛ raga.

Tagə́maji gə́ Ja̰ ndang 9:40

Parisiḛje gə́ na̰je gə́ d’aar rəa’g lé loo gə́ deḛ d’oo ta neelé ndá deḛ dəjee pana: See jeḛ kara jeḛ n’to njékəmtɔje nja tɔ wa.

1 Njé gə́ Kɔrḭtə 15:58

Togə́bè ɓa, ŋgakɔmje gə́ m’unda sí dan kəm’g lé aarje kenḛg njaŋg ɓó ləŋje el. Raje kula lə Mbaidɔmbaije gə ŋgaŋgee béréré-béréré mbata seḭ gərje gao, kula gə́ seḭ raje ulaje rɔ sí ndubu keneŋ arje Mbaidɔmbaije lé a tel to né gə́ gə mḭdé el.

2 Njé gə́ Kɔrḭtə 4:1

Gelee gə́ neelé ɓa, jeḛ gə́ Ala ɔm kula neelé ji sí’g gə goo meekɔrjol ləa lé meḛ sí ila ne kas el.

2 Njé gə́ Kɔrḭtə 4:16

Gelee gə́ nee ɓa meḛ sí ila ne kas el. Ɓó lé dakasrɔ sí gə́ raga ya̰ maree yag-yag ndá kara rɔ sí gə́ kəi lé ɔs udu kəm rɔ sí’g red-red gə ndəa-ndəa.

Njé gə́ Galati 6:9

Ar sí j’arje rɔ sí wɔi sí ndiŋ-ndiŋ dɔ néra gə́ maji’g lé el mbata ɓó lé meḛ sí a kila kas dɔ’g el ndá naḭyee ndá j’a kiŋga née ya.

Tel tura Godndu 20:3

Yeḛ a kula dee pana: Israɛlje, ooje maji! Ɓogənè seḭ awje kaw rɔje gə njéba̰je lə sí. Maji kar meḛ sí pélé wəs-wəs el, ɓəlje el ləm, arje siŋgasa wa sí el ləma, arje meḛ sí gaŋg mán-no̰ dee’g el ləm tɔ.

2 Njé gə́ Tesalonikə 3:13

Ŋgako̰ síje, néra maji lə sí gə́ seḭ raje lé raje kəm sí gə́ kédé ɓó arje meḛ sí ila kas dɔ’g el.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.

Ǝbrəje 12:5

Seḭ arje meḛ sí wəi dɔ ta gə́ deḛ ndəji sí bər-bər to gə́ ŋgankojije bèe pana: Ŋgonəm, loo gə́ Mbaidɔmbaije ulai kəmkàr dɔ nérai’g ndá ula ne sul dəa’g el ləm, Loo gə́ yeḛ ndəjii bər-bər ndá ar məəi ila kas bilim el ləm tɔ.

Ǝbrəje 3:1

Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

1 Piɛrə 2:23

Deḛ tajee nɛ yeḛ tel taji dee gogo el ləm, deḛ rəa meeyèr nɛ yeḛ tel gə́ ta gə́ yèr ila dee keneŋ el ləm tɔ. Nɛ yeḛ ya̰ rəa ar yeḛ gə́ njekɔrkəmta gə goo rəbee lé.

Loo gə́ killa rea kəm Ja̰’g 2:3

Meekai sam-sam ləi lé i ya̰ gée el. I wa rɔi kɔgərɔ mbata rim ɓó ar məəi ila kas el.

1 Samel 12:24

Nɛ ɓəl ya maji kar sí ɓəlje Njesigənea̰ ləm, raje né areeje gə ŋgonkoji gə meḛ sí bura ləm tɔ. Mbata aa ooje boo-némɔrije gə́ yeḛ ra mbata lə sí lé.