Ǝbrəje 12:25 - Maktub gə́ To gə Kəmee

²⁵ Meḛ sí dɔ rɔ sí’g! Yeḛ gə́ ula sí ta lé uduje mbi sí dɔ ta’g ləa el. Mbata deḛ gə́ d’udu mbi dee dɔ ta’g lə yeḛ gə́ ndəji dee dɔ naŋg neelé deḛ teḛ ne ta yoo’g el, nɛ ɓəd ɓa see jeḛ gə́ j’udu mbi sí dɔ ta’g lə yeḛ gə́ si dara lé see j’a teḛ ta yoo’g loo gə́ ra wa.

Ǝbrəje 12:25 ပူးပေါင်းရင်းမြစ်များ

1 Mbaije 12:16

Loo gə́ Israɛlje lai d’oo to gə́ mbai lé oo ta lə dee el ndá koso-dəwje tel d’ila mbai’g lé pana: See ɗi lə síjeḛ ɓa to rɔ Dabid’g wa. Nénduba lə síjeḛ to na̰’d gə ka̰ ŋgolə Isai el! Israɛl, awje kəi-kubuje’g lə sí. Seḭ njé’g lə Dabid, raje né gə mbata lə gin bauje lə sí. Bèe ɓa Israɛlje lai tel d’aw mee kəi-kubuje’g lə dee ya tɔ.

2 Sôrta Gḭka Israɛlje 7:19

Nɛ ɓó lé seḭ telje gir sí amje ləm, ɓó lé seḭ ubaje godndumje gə torndumje gə́ ma m’un m’ar sí lé ya̰je ləm, ɓó lé seḭ poleje magəje undaje ne barmba no̰ dee’g ləm tɔ ndá

Teḛ-Raga 16:29

Ooje maji, Njesigənea̰ ar sí ndɔ ndɔ-kwa-rɔ lé, gelee gə́ nee ɓa ndɔ gə́ njekɔm’g misa̰ lé yeḛ ar sí muru gə́ as ndɔ joo. Maji kar nana kara si loo-siée’g ɓó ndɔ gə́ njekɔm’g siri lé dəw kára kara a kḭ kya̰ loo-siée kaw raŋg el.

Teḛ-Raga 20:22

Njesigənea̰ ula Moyis pana: I a pata togə́bè kar Israɛlje pana: Seḭ ooje gao to gə́ ma m’isi mee dara’g tar ɓa m’ula sí ta lé ya.

Gosota-Kəmkàrje 1:24

Mbata ma m’ɓar sí Nɛ seḭ mbad reeje ləm, Ma m’ula jim ndiŋ Nɛ dəw kára kara oo gə́ né el ləm,

Gosota-Kəmkàrje 1:32

Mbata kɔs ta rəw lə njégərnéelje lé Tɔl dee ya ləm, Jɔg-rɔ el lə mbəje lé Tuji dee ya ləm tɔ.

Gosota-Kəmkàrje 13:18

Ndoo gə rɔkul to né ka̰ Yeḛ gə́ mbad taa kəmkàr gə́ d’wɔjee, Nɛ yeḛ gə́ oo ta gə́ pa səa gə́ né lé Iŋga ne riɓar.

Gosota-Kəmkàrje 15:32

Yeḛ gə́ ɔs takwɔji-kəmkàr rəw lé Oo rəa-yeḛ nja gə́ né el, Nɛ yeḛ gə́ taa ta gə́ pa ne səa lé Iŋga gosonégər.

Gosota-Kəmkàrje 8:33

Ooje tandoo Mba telje ne njékəmkàrje Ɓó mbadje el.

Esai 48:6

Seḭ ooje ta néje neelé gə mbi sí mba̰. Loo gə́ d’aw lée’g béréré mba̰ ndá See seḭ a kilaje mberee el wa. Un kudee ɓasinè m’a gə kula sí ta néje gə́ sigi Gə́ to loo-kiya’d gə́ seḭ gər deeje el.

Esai 64:9

Ɓee-booje ləi gə́ to gə kəmee to gə́ dɔdilaloo, Sio̰ tel to dɔdilaloo, Jerusalem tel to dɔnduba.

Jeremi 11:10

Deḛ tel d’uru dan néraje gə́ kori-kori’g lə bɔ deeje-je gə́ dɔtar gə́ mbad koo taje ləm lé ləm, deḛ ndolè goo magəje gə́ dɔ ɓee’g ɓa pole dee ləm tɔ. Gel-bɔje lə Israɛl gə gel-bɔje lə Juda d’uba goo ta manrɔ lə neḛ gə́ n’ar bɔ deeje-je lé d’ya̰ ya.

Ejekel 5:6

Njé gə́ Jerusalem d’al dɔ godnduje lə neḛ gə dɔ ndukunje lə neḛ d’ar ta gə́ wa dɔ dee lé ur dɔ ka̰ ginkoji dəwje gə raŋg’g gə ɓeeje gə́ gugu dɔ dee. Mbata deḛ d’ə̰ji godnduje lə neḛ bəḭ-bəḭ ləm, deḛ njaa gə goo ndukunje lə neḛ el ləm tɔ.

Jakari 7:11

Nɛ deḛ ndigi koo ta el ləm, deḛ d’ɔs bag dee gə́ tar gə kəsta ləma, d’ɔs mbi dee jigi d’udu nà d’a koo ne ləm tɔ.

Bula lə Israɛlje 32:15

Mbata ɓó lé seḭ ubaje gée yá̰je ndá yeḛ a kya̰ Israɛlje dɔdilaloo’g gə́ kédé-kédé, yee ɓa seḭ a karje dəwje lai neelé d’udu ne tɔ.

Matiyo 17:5

Ta gə́ pa nai təa’g ɓəi ndá mum ree liriri dəb dɔ dee’g rigim ar ndu dəw ɓar mee mum’g neelé wəl pana: Yeḛ neelé to Ŋgonəm gə́ gəd-gəd gə́ m’undá dan kəm’g gə́ taa kəm rəgm ya. Taaje ta təa’g.

Matiyo 8:4

Tɔɓəi Jeju ulá pana: Maji kari udu taree məəi’g ar dəw oo səi el ɓəi, nɛ aw rɔ njekinjanéməs’g tɔjee rɔi ɓó gə un nékar-Ala aree gə goo godndu Moyis gə mba karee to ne nékɔrkəmta ləi kəm dəwje’g ɓa.

Néra Njékaḭkulaje 7:35

Moyis neelé gə́ deḛ d’ɔsee rəw pana: See na̰ ɓa undá gə́ mbai gə́ njegaŋ-rəwta’g lə dee wa lé yeḛ nja Ala lé ulá gə́ mbai ləm, gə njekɔm dee tar ləm tɔ ar kura ləa gə́ dara gə́ teḛ kəmee’g dan ŋgon kag’d lé aw la səa tɔ.

Tel tura Godndu 18:19

Ɓó lé dəw kára a koo taje ləm gə́ yeḛ a kulá gə rim lé el ndá ma nja ɓa m’a dəji debee neelé gée.

Tel tura Godndu 30:17

Nɛ ɓó lé seḭ arje meḛ sí tel gir ləm, ɓó lé seḭ ilaje ŋgonkoji el ləma, ɓó lé seḭ ya̰je loo ar deeje d’ər sí d’ar sí undaje barmba no̰ magəje’g mba pole dee ləm tɔ ndá,

Tel tura Godndu 4:36

Yeḛ ar sí ooje ndia gə́ ɓar mee dara’g gə mba ndoo sí ne né, yeḛ ar sí ooje pər ləa gə́ boo dɔ naŋg nee ləm, seḭ ooje taje ləa gə́ pa dan pər’g ləm tɔ.

1 Njé gə́ Tesalonikə 5:15

Undaje kəmkàr dɔ rɔ sí’g mba kar dəw kára kara tel ra majel gə maree godə maree’g el nɛ saŋgje rəw né gə́ maji mba ra ta-ta mbuna sí-seḭ’g ləm, gə dəwje gə́ raŋg lai ləm tɔ.

2 Timote 4:4

D’a kun mbi dee rəw dɔ kankəmta’g, nɛ d’a kur mbi dee njor gə́ dɔ sutaje’g.

Ǝbrəje 1:1

Ləw ləw ɓa Ala pata gə tapea ləm, gə néreaje ɓəd-ɓəd gə́ d’ɔs goo na̰ goo na̰ ar ka síje d’oo ar njéteggintaje ɓa ria ne sə dee dəa ya.

Ǝbrəje 11:7

Meekun lé ɓa Noe ra ne bato aji ne njémeekəije ləa. Ala aree oo néje gə́ dəwje d’oo el ɓəi, taa ne tapea wá mée’g sud. Togə́bè meekun lé ɓa yeḛ ila ne ta dɔ dəwje gə́ dɔ naŋg nee, tel ne ŋgon nduba iŋga ne meekarabasur gə́ dəw iŋga gə goo meekun lé.

Ǝbrəje 12:19

Seḭ ooje ndu to̰to̰ gə́ ɓar po̰-po̰ el ləm, əsé ndu dəwje gə́ ɓar yi-yi el ləm tɔ. Deḛ gə́ d’oo ta néje neelé dəji dee mba kar dee d’ula dee ta gə́ raŋg kára kara el.

Ǝbrəje 3:12

Yen, ŋgakɔmje, maji kar dəw kára kara si mbuna sí’g gə meeyèr əsé gə meetɔg mba kar mée tel ne gir gə Ala gə́ njesikəmba lé el.

Ǝbrəje 3:17

See mee Ala ḭ səa jugugu as ləb rɔ-sɔ dɔ na̰je’g wa. See to deḛ gə́ ra kaiya lé el wa. See to deḛ gə́ nin dee to gə loo-loo dɔdilaloo’g lé el wa.

Ǝbrəje 8:5

Deḛ gə́ ra kula kwa Ala meḛ dee’g lé d’wa néje gə́ naŋg nee tɔji dee ne néje gə́ dara, gə goo né gə́ Ala tɔji Moyis loo gə́ yeḛ a gə la kəi-kubu-kiŋga-na̰ lé pana: Ra lɔr-lɔr to gə́ nékwɔji maree gə́ ma m’tɔjii dɔ mbal’g lé.

Jujé 22:15

Deḛ d’aw rɔ Rubḛje’g, gə Gadje’g, gə́ ges ginkoji Manasə’g mee ɓee gə́ Galaad ndá d’un ta d’ula dee pana:

Jujé 22:16

Koso-dəwje lə Njesigənea̰ lai pa togə́bè pana: Kal gə́ seḭ alje ta ta Ala’g lé lə Israɛlje lé see ginee to ɗi wa. See gelee ban ɓa ɓasinè seḭ ubaje Njesigənea̰ yá̰je raje loo-nékinjaməs mba kḭ ne gə Njesigənea̰ ɓogənè kɔsee ne rəw wa.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

Loo gə́ killa rea kəm Ja̰’g 19:10

Yen ŋga, m’oso naŋg rəb gel gɔlee’g mba kwá məəm’g ndá yeḛ ulam pana: Ǝw rɔi! Ma m’to njeboakula ləi gə njeboakula lə ŋgakɔḭje gə́ d’ɔr goo ta lə Jeju lé. Ala nja ɓa maji kari wá məəi’g. Mbata goo ta lə Jeju to kankəmta gə́ ḭ rɔ Ala’g nja.

Loo gə́ killa rea kəm Ja̰’g 22:9

Nɛ yeḛ ulam pana: Ra togə́bè el! Ma m’to gə́ njeboakula mari ləm, gə ka̰ ŋgakɔḭje gə́ njékɔrgootaje ləma, gə ka̰ dee-deḛ gə́ ŋgəm ta gə́ to mee maktub’g neelé dɔɓəŋgərə dee’g lé ləm tɔ. Ala ɓa maji kari wá məəi’g ya.