Ǝbrəje 12:14 - Maktub gə́ To gə Kəmee

¹⁴ Saŋje rəw gə mba sije gə meelɔm mbuna dəwje’g lai ləm, saŋgje gə mba to dəwje gə́ to gə kəmee ləm tɔ. Ɓó lé seḭ raje togə́bè el ndá dəw kára kara a koo Mbaidɔmbaije el tɔ.

Ǝbrəje 12:14 ပူးပေါင်းရင်းမြစ်များ

Gḭ-Néje 32:30

Jakob dəjee tɔɓəi pana: M’ra ndòo rɔi’g, ulam rii am m’gər, kɔgərɔ kari. Yeḛ ilá keneŋ pana: See ban ɓa i dəjim rim wa. Ndá yeḛ tɔr ndia dəa’g lé gə́ neelé ya.

Maktub gə́ wɔji dɔ Jɔb 19:26

Loo gə́ ndar rɔm a tuji pugudu ndá yeḛ a kḭ ɓəi, Loo gə́ darɔm a godo ndá m’a koo kəm Ala gə kəm nda̰-nda̰.

Maktub gə́ wɔji dɔ Jɔb 33:26

Yeḛ ra tamaji ta Ala’g lé ndá Ala ndigi səa rəgm ləm, Yeḛ oo kəmee gə rɔlel ləma, Ala tel gə meekarabasur ləa aree gogo ləm tɔ.

Pakɔsje 120:6

Ma m’isi rɔ deḛ gə́ d’ə̰ji meekulɔm bəḭ-bəḭ’g lé Kurum əw asm nag ya.

Pakɔsje 133:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. Ǝi, aa oo, kar deḛ gə́ to ŋgako̰ na̰je d’isi na̰’d lé To gə́ nérɔlel gə́ garee godo!

Pakɔsje 34:14

Maji kari ɔg ndɔḭ dɔ ta gə́ majel’g ləm. Maji kari ɔg tai dɔ taje gə́ ka̰ su kəm loo’g lé ləm tɔ.

Pakɔsje 38:20

Njéba̰je ləm lé d’aw njam-njam ləm, Siŋga dee to kɔgərɔ-kɔgərɔ ləm tɔ, Deḛ gə́ d’ḛjim bəḭ-bəḭ lal né gə́ bèe lé kara Bula digi-digi tɔ.

Pakɔsje 94:15

Mbata rəwta-gaŋg lé a kaw na̰’d gə néra gə dɔ najee ləm, Deḛ lai gə́ meḛ dee to kára ba sur lé D’a ndigi səa dɔ’g ya ləm tɔ.

Gosota-Kəmkàrje 15:1

Ta kila’g gə́ kul yururu lé Tɔl meekḭ jugugu bujuru, Nɛ ta gə́ pa kədərə lé Ɔs gel oŋg gə́ kɔs.

Gosota-Kəmkàrje 16:7

Loo gə́ rəw-kaw dəw taa kəm Njesigənea̰ rəgm ndá Njesigənea̰ ar njéba̰je ləa kara d’ɔm səa na̰’d tɔ.

Gosota-Kəmkàrje 17:14

Kun kudu ta kɔl na̰ lé To kɔr kəm dṵgaso kar mán ɔd ne, Kédé ɓa mba kar tamaḭ gə kɔl ḭ ɓəi lé Ɔr rɔi gə́ gogo.

Esai 51:1

Ooje ta ləm, Seḭ gə́ njéndolè goo néra gə́ gə dɔ najee-je, Seḭ gə́ ndolèje goo Njesigənea̰! Oreeje kəm sí ndəŋ dɔ kɔr mbal gə́ d’ɔr sí kaaree’g ləm, Gə dɔ bwa gə́ Njesigənea̰ ɔr sí keneŋ lé ləm tɔ.

Mark 9:50

Kad lé to né gə́ maji ya, nɛ ɓó lé kad gə́ rii tel rii el ndá see ɗi ɓa seḭ a raje ne mba karee rii gogo ɓəi wa. Maji kar darɔ sí-seḭ nja to gə́ kad ɓó gə́ ɔmje ne meḛ sí na̰’d sad.

Lugu 1:75

J’a njaa nea̰’g gə́ njémeendaje gə njémeekarabasurje Ndɔ sí ndɔ sí gə́ j’a si gə kəmə lə sí lé ləm tɔ.

Njé gə́ Rɔmə 12:18

Ɓó lé ooje lée gə́ kəm ra ndá sije lɔm mbuna dəwje’g lai.

Njé gə́ Rɔmə 14:19

Yen ŋga ar sí n’saŋgje loo gə mba kɔm na̰’d ləm, gə mba kar rɔ sí ɔs na̰’d ləm tɔ.

Njé gə́ Rɔmə 6:22

Nɛ ɓasinè kaiya ɔr dɔ sí’g mba̰ ar sí telje ne ɓərje gə́ ka̰ Ala ndá kó sí to né gə́ ka̰ kunda gə kəmee mba kar sí urje ne loo gə́ seḭ a síje keneŋ gə kəmə gə́ gə no̰ lé tɔ.

1 Njé gə́ Kɔrḭtə 1:10

Ŋgakɔmje, ma m’ndəji sí gə ri Mbaidɔmbaije lə sí Jeju Kristi mba kar tapa sí aw na̰’d kára ba ɓó kar ta tḭ-na̰ oso mbuna sí’g el. Maji kar sí ndaje meḛ sí kaḭ gə na̰ mba kar takə̰ji lə sí aw na̰’d kára ba ya.

1 Njé gə́ Kɔrḭtə 13:12

Ɓogənè lé jeḛ j’oo loo puduru asəna gə dəw gə́ oo kəmee tatara’g ɓəi, nɛ ndɔ gə́ raŋg j’a koo loo njai-njai ya. Ɓogənè ma m’gər né m’aw dɔ’g puduru-puduru, nɛ ndɔ gə́ raŋg ndá m’a gər né təsərə to gə́ deḛ gərm ma lé tɔ.

2 Njé gə́ Kɔrḭtə 6:17

Yee gə́ bèe ɓa Mbaidɔmbaije pana: Undaje loo mbuna dee’g teḛje, Saaje rɔ sí rɔ dee’g gə́ gogo, Ɓó tibije mbɔr né gə́ mina̰ lé el.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Njé gə́ Galati 3:21

See godndu lé to gə mba kɔs ne ndukun lə Ala rəw wa. Wah! bèe el. Ɓó lé godndu kára to gən gə́ askəm kula kəmə meḛ dəwje’g ndá dəwje lé d’a si gə́ njémeekarabasurje gin godndu’g lé ya.

Njé gə́ Epesə 5:5

Maji kar sí gərje gao, dəw gə́ rara gə́ to njemɔdkaiya ləm, əsé njekəmnda ləma, əsé njekwəi-yoo-lar gə́ oo lar asəna gə magəpole ləm tɔ lé deḛje neelé d’askəm kila gɔl dee ɓeeko̰’g lə Kristi gə Ala el.

Njé gə́ Pilibə 3:12

Né gə́ m’aḭgwɔdee lé m’taa el ɓəi ləm, m’to maji m’ɔr njoroŋ el ɓəi ləm tɔ, nɛ m’aiŋgwɔd m’nar rɔm mba kwa né gə́ m’aḭgwɔdee lé gə jim peb ya mbata ma lé Jeju Kristi wam gə jia peb mba̰.

1 Njé gə́ Tesalonikə 3:13

Maji karee ar meḛ sí to kɔgərɔ mba kar sí toje dəwje gə́ to gə kəmee gə́ ta kára kara wa dɔ sí no̰ Ala Bɔ síje’g el mee ndəa gə́ Jeju Mbaidɔmbaije a ree gə dəwje ləa lai gə́ to gə kəmee lé.

1 Njé gə́ Tesalonikə 4:7

Mbata Ala ɓar sí mba kar sí j’isi gə kəmee ɓó gə mba kar sí toje gə́ njémeemina̰je el.

1 Njé gə́ Tesalonikə 5:15

Undaje kəmkàr dɔ rɔ sí’g mba kar dəw kára kara tel ra majel gə maree godə maree’g el nɛ saŋgje rəw né gə́ maji mba ra ta-ta mbuna sí-seḭ’g ləm, gə dəwje gə́ raŋg lai ləm tɔ.

1 Timote 6:11

I dəw lə Ala lé sa rɔi dɔ mal néje neelé gə́ ra dee ya nɛ ndolè goo meekarabasur ləm, gə rəw kwa Ala məəi’g gə goo rəbee ləm, gə meekun ləm, gə meenoji ləm, gə meekila ləma, gə kaw yururu ləm tɔ.

2 Timote 2:22

Sa rɔi rəw dɔ mal néje gə́ ra basaje ndá tel ndolè goo meekarabasur ləm, gə meekun ləm, gə meenoji ləma, gə meelɔm ləm tɔ, ɔm ne na̰’d gə deḛ gə́ ɓar ri Mbaidɔmbaije gə meenda kɔr jol-jol.

Ǝbrəje 12:10

Bɔ síje lé d’wɔji sí kəmkàr dɔ néra sí’g waga ba, to gə́ meḛ dee wɔji. Nɛ Ala lé wɔji sí kəmkàr dɔ néra sí’g mba kar sí j’isi ne gə majee ɓa meḛ sí a ndá to gə́ mée-yeḛ ndá tɔ.

Ǝbrəje 9:28

togə́bè ɓa Kristi kara wəi gɔl kára ba kiao gə́ ŋgaŋgee to mba kodo ne kaiyaje lə dəwje bula. Loo ree ləa gə́ gɔl joo lé yeḛ a ree mba kaji deḛ gə́ ŋginá pèrèrè lé ɓó mba taa kaiya le dee el ŋga.

1 Piɛrə 3:11

Maji karee unda rəa ɓad dɔ néra gə́ majel’g Ndá ra né gə́ maji ləm, Maji karee saŋg meelɔm ɓa ai ne mée keneŋ sam-sam ləm tɔ.

1 Piɛrə 3:13

Ɓó lé rɔ sí wɔilɔ pélé-pélé dɔ néra gə́ maji’g ndá see na̰ ɓa a ra sə sí né gə́ majel gə mbəa wa.

2 Piɛrə 3:11

To gə́ néje lai neelé d’a gə roo dula-dula togə́bè nɛ ɓəd ɓa see seḭ a toje dəwje gə́ to gə kəmee gə goo panjaa sí ləm, gə néra sí gə́ aw gə goo ka̰ Ala ləm tɔ lé el wa.

2 Piɛrə 3:18

Nɛ maji kar sí tɔgje dɔ noji’g lə Mbaidɔmbaije Jeju Kristi, Njekaji sí ləm, gə dɔ gər ndiaa’g ləm tɔ. Maji kula rɔnduba dəa’g ɓasinè ləm gə saar gə́ ləbee-ləbee gə no̰ ləm tɔ. Amen!

3 Ja̰ 1:11

I gə́ m’undai dan kəm’g lé néra gə́ maji ɓa maji kari ndoo ra ɓó i a ndoo néra gə́ majel el. Mbata yeḛ gə́ ra maji lé yeḛ to ka̰ Ala ya. Nɛ yeḛ gə́ njeramajel lé oo Ala nda̰ el ɓəi tɔ.

Njéga̰g-Rəwtaje 11:14

Jepte tel ula njékaḭkulaje rɔ mbai’g lə Amo̰je lé ya tɔɓəi