Ǝbrəje 11:8 - Maktub gə́ To gə Kəmee

⁸ Meekun lé ɓa Abrakam ila ne ŋgonkoji dɔ Ala’g. Loo gə́ yeḛ ɓaree ne mba karee aw si dɔ naŋg gə́ yeḛ a gə kiŋga gə́ dɔ nduba ləa ndá yeḛ ḭ aw ne, nɛ yeḛ gər loo kabee el.

Ǝbrəje 11:8 ပူးပေါင်းရင်းမြစ်များ

Gḭ-Néje 11:31

Tera ar ŋgonee gə́ Abram ləm, gə Lɔt gə́ to ŋgolə Haran, ŋgolə ŋgonee gə́ diŋgam ləma, gə məmeeje Sarai, dené lə ŋgonee Abram ləm tɔ d’aw səa. Deḛ d’ḭ Ur ɓeeko̰ gə́ Kalde na̰’d mba kaw mee ɓee gə́ Kana̰. Deḛ d’aw njal teḛ Haran ndá deḛ d’isi keneŋ.

Gḭ-Néje 12:5

Abram un Sarai gə́ to dené ləa gə ŋgolə ŋgokea̰ gə́ diŋgam gə́ Lɔt lé ar d’aw səa na̰’d, tɔɓəi yeḛ odo nékiŋgaje lə deḛ lai gə́ d’iŋga ləm, dəwje lai gə́ d’iŋga dee Haran kara d’ḭ d’aw sə dee na̰’d ləm tɔ. Deḛ d’ḭ gə mba kaw ɓee gə́ Kana̰ ndá deḛ teḛ mee ɓee gə́ Kana̰ lé ya tɔ.

Gḭ-Néje 12:7

Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé.

Gḭ-Néje 15:5

Loo gə́ yeḛ teḛ səa raga ndá yeḛ ulá pana: Un kəmi par gə́ dara, tura kéréméje. See i askəm tura dee ya wa. Tɔɓəi yeḛ ulá pana: Ŋgakaije kara d’a bula togə́bè ya tɔ.

Gḭ-Néje 17:8

Ɓee neelé gə́ i si keneŋ asəna gə mbá bèe lé m’a kari gə́ ka̰ ŋgakaije gə́ d’a gə korè gooi, dɔ naŋg gə́ Kana̰ bura a to ka̰ dee-deḛ ya doŋgɔ doi saar-saar gə no̰ ndá m’a to gə́ Ala lə dee lé.

Gḭ-Néje 20:13

Loo gə́ Ala am m’ḭ meekəi’g lə bɔm m’tel m’to ne njekilatar neelé ndá, ma m’ula Sara m’pana: Aa oo, némeemaji gə́ yeḛ a ra səm ɓa nee: Looje lai gə́ j’a gə kaw keneŋ lé maji karee pa pana: Ma m’to ŋgokea̰ gə́ diŋgam ɓa.

Gḭ-Néje 22:18

Ginkoji dəwje gə raŋg lai dɔ naŋg nee lé d’a kiŋga dɔkaisəgərə rɔ ŋgakaije’g mbata i lé njaa gə ŋgonkoji dɔ ta’g ləm ya.

Gḭ-Néje 26:3

I a si mee ɓee’g neelé waga ndá m’a nai səi ləm, m’a tɔr ndum dɔi’g ləm tɔ. Mbata dɔ naŋg ɓeeje neelé lai lé m’a kari-i gə ŋgakaije ya. M’a ra né gə́ ma man ne rɔm m’ar bɔbije gə́ Abrakam lé karee ɔr rɔd ya.

Esai 41:2

See na̰ ɓa ar dəw gə́ njekur dɔ loo’g unda loo bər teḛ, Yeḛ gə́ ndu kaji ɓar gée’g lé wa. See na̰ ɓa ɔm ginkoji dəwje gə raŋg jia’g ləm, Ar mbaije d’ula dɔ dee nea̰’g ləm tɔ wa. See na̰ ɓa ar kiambas lə dee tel nduji naŋg ləm, Ar ɓandaŋgje lə dee tel to ləm mu gə́ lel ula ne bèe ləm tɔ wa.

Esai 51:2

Oreeje kəm sí ndəŋ dɔ Abrakam gə́ to bɔ síje ləm, Gə dɔ Sara gə́ to gə́ ko̰ síje gə́ njekoji lə sí lé ləm tɔ, Mbata yeḛ nja kára ba ɓa m’ɓaree, M’tɔr ndum dəa’g ləm, M’ar ŋgakeaje bula digi-digi ləm tɔ.

Ejekel 36:24

N’a kɔr sí mbuna ginkoji dəwje gə raŋg’g ləm, n’a kḭ sə sí mee ɓeeje’g lai mbo̰ sí dɔ na̰’d ləma, n’a tel ree sə sí mee ɓee’g lə sí gogo ləm tɔ.

Bula lə Israɛlje 10:30

Hobab ilá keneŋ pana: M’a kaw el, nɛ m’a kaw mee ɓee’g ləm gə́ to ɓee-kojim’g lé ɓa.

Matiyo 2:21

Jisəb uba naŋg ḭta un ŋgonkas gə kea̰je lé tel aw sə dee ɓeeko̰ gə́ Israɛl lé tɔ.

Njé gə́ Rɔmə 1:5

Yee ɓa gə́ Jeju Kristi Mbaidɔmbaije lə síjeḛ. Mbɔl dəa-yeḛ nja ɓa j’isi ne dan noji’g ləm, j’iŋga ne kula ra njékaḭkulaje lé ləm tɔ mba kɔr ne ginkoji dəwje gə raŋg gə́ njépole-magəje ree ne sə dee kar dee d’un ne meḛ dee d’ila ne ŋgonkoji dəa’g mba kar ria ɓar ne.

Njé gə́ Rɔmə 10:16

Nɛ deḛ lai d’ila ŋgonkoji dɔ ta gə́ maji’g lé el. Bèe ɓa Esai pa ne togə́bè pana: Mbaidɔmbaije, ta gə́ j’ɔr j’ula dee lé see na̰ ɓa ɔm mée dɔ’g wa.

Njé gə́ Rɔmə 6:17

Maji kar dɔkaisəgərə nai gə Ala ya mbata kédé seḭ toje ɓərje lə kaiya nɛ ɓasinè seḭ ḭje gə meḛ sí ilaje ne ŋgonkoji dɔ ta gə́ d’ar sí gə́ né ndɔji sí dana par-par.

2 Njé gə́ Kɔrḭtə 10:5

Nérɔje lə sí lé jeḛ j’unda ne tamaḭje gə nébeeléje lə dəwje gə́ ḭ udu rəw ɔg dee gər ta lə Ala j’unda dee ne naŋg rə̰dəŋ-rə̰dəŋ ləm, takə̰ji lə dəwje lai lé jeḛ n’kiri dee j’wa dee j’ar dee d’oso kul no̰ Kristi’g ləm tɔ.

Tel tura Godndu 9:5

To gə goo néra gə́ gə dɔ najee ləm, gə goo meekarabasur lə sí ɓa seḭ a gə ka̰dje ne mee ɓee’g lə dee gə mba kaw taaje gə́ ka̰ sí el, nɛ gə goo meeyèr lə ginkoji dəwje gə raŋg neelé ɓa Ala lə sí gə́ Njesigənea̰ tuba dee ne no̰ sí’g gə mbəa, gə mba kar ta gə́ Njesigənea̰ un ne ndia ar bɔ síje-je, Abrakam gə Isaak gə Jakob lé to ne njaŋg ya.

Ǝbrəje 11:33

Meekun lé ɓa deḛ neelé d’un ne baŋga dɔ ɓeeko̰je’g ləm, d’ɔr ne kəmta lə koso-dəwje ləm, d’iŋga ne ndukun gə́ wɔji dɔ dee ləma, ndèm ne ta toboḭje sud-sud ləm tɔ.

Ǝbrəje 5:9

Yee ɓa, loo gə́ yeḛ to ne dəw gə́ maji ɔr njoroŋ ɓəi ndá yeḛ tel tum ne gin kaji gə́ a to gə no̰ mbata lə deḛ lai gə́ d’ila ŋgonkoji dəa’g lé.

Jujé 24:3

Ma m’ɔr bɔ síje gə́ Abrakam kel tura-baa gə́ nu ndá m’aree aw gə looje lai-lai gə́ mee ɓee gə́ Kana̰, m’aree oji Isaak ləm, ma m’ar ŋgakeaje d’ɔs goo na̰ goo na̰ ləm tɔ.

1 Piɛrə 1:22

Togə́bè ɓa, seḭ gə́ ilaje koji dɔ kankəmta’g lé rɔ sí àr ne raŋg-raŋg, bèe ndá maji kar sí undaje na̰ dan kəm na̰’d ndigije na̰ gə meekɔr jol-jol.

1 Piɛrə 3:1

Seḭ denéje lé maji kar sí tədjekag ŋgaw síje mba kar ɓó lé njé gə́ na̰je d’ila koji dɔ kankəmta’g neelé ndá néra gə́ maji lə denéje lə dee ɓa a kar dee d’ila ne koji dɔ’g ya. Ɓó lé seḭ a kula deeje ta gə́ raŋg kára el kara

1 Piɛrə 4:17

Rəwta-gaŋg lé ndəa teḛ mba̰ ndá d’a kun kudee mee kəi’g lə Ala ya. Nɛ ɓó lé d’un kudee ɓee lə síjeḛ ŋga, see deḛ gə́ d’ila koji dɔ Tagə́maji’g lə Ala el lé see ndɔ gə́ rudu lə dee-deḛ lé a to né gə́ ban dɔ dee’g wa.