Ǝbrəje 11:6 - Maktub gə́ To gə Kəmee

⁶ Tɔgərɔ ya, ɓó lé meekun godo ndá dəw kára kara askəm taa kəm Ala el. Mbata kɔm mee dɔ Ala’g kée to gə́ yeḛ si gən ləm, kée gə́ yeḛ gə́ a kar nana gə́ ndolè uba maji ləm tɔ lé yee ɓa gə́ kuma̰ kar dəw rəm ne pər gə́ rɔ Ala’g ya.

Ǝbrəje 11:6 ပူးပေါင်းရင်းမြစ်များ

Gḭ-Néje 15:1

Loo gə́ ta néje neelé dəs mba̰ ndá né gə́ mḭdi ɓa Njesigənea̰ teḛ ne dɔ Abram’g un ta ulá ne pana: Abram, ɓəl el. Ma m’to dər-rɔ ləi ndá nédɔji ləi a kal dɔ loo.

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

Maktub gə́ wɔji dɔ Jɔb 21:14

Lé bèe kara deḛ d’ula Ala pana: Maji karee ɔr rəa rɔ neḛje’g, Neḛ ndigi gərje kila rəwje ləa el.

Pakɔsje 106:24

Ɓee gə́ maji dum lé Deḛ tel d’ə̰jee bəḭ-bəḭ ləm, D’ɔm meḛ dee dɔ ta gə́ Njesigənea̰ pa’g lé el ləm tɔ.

Pakɔsje 119:10

Ma lé m’sa̰gi gə ŋgaw məəm bura ya, Maji kari ya̰’m am m’ndəm m’aw əw gə godnduije lé el tɔ.

Pakɔsje 58:11

Njemeekarabasur a si dan rɔlel’g Loo gə́ yeḛ oo dal ba̰, Yeḛ a togo gɔlee dan məs njémeeyèrje’g ya.

Pakɔsje 73:28

Nɛ ma lé kam m’ŋgəs pər gə́ rɔ Ala’g lé Yee ɓa m’oo gə́ némaji ləm, M’oo Mbaidɔmbaije gə́ Njesigənea̰ gə́ njo̰loo-kula-dɔ ləm Gə mba kɔr ne sor kwɔji ne dɔ néraije’g lai ləm tɔ.

Pakɔsje 78:22

Mbata deḛ lé d’ɔm meḛ dee dɔ Ala’g lé el, Deḛ d’unda meḛ dee dɔ la gə́ yeḛ la ne sə dee el tɔ.

Pakɔsje 78:32

Lé bèe ya kara deḛ d’əw ne rɔ dee ra kaiya el ləm, D’ɔm meḛ dee dɔ néreaje gə́ dumkoo’g lé el ləm tɔ.

Gosota-Kəmkàrje 11:18

Njemeeyèr lé iŋga nédɔjia gə́ ŋgɔm, Nɛ yeḛ gə́ dubu néra gə́ gə dɔ najee ndá Yeḛ iŋga nékoga dɔ jia gə́ gəd.

Gosota-Kəmkàrje 8:17

Deḛ gə́ d’undam dan kəm dee’g lé M’unda dee dan kəm’g ləm, Deḛ gə́ saŋgəm ndá d’iŋgam ya ləm tɔ.

Esai 55:3

Urje mbi sí gèŋ, Ndá gə́ reeje rɔm’g, Ooje ta ndá A síje ne kəmba. M’a kun ndum kar sí Gə ndu manrɔ gə́ to gə no̰ Gə mba kar némeemaji gə́ m’ra gə Dabid lé To ne njaŋg.

Esai 7:9

Samari ɓa to gə́ ko̰ɓee gə́ Eprayim Ar ŋgolə Remalia ɓa to mbai dɔ Samari tɔ. Ɓó lé aarje njaŋg dɔ ta’g neelé el ndá Seḭ a síje kəmba el.

Jeremi 2:31

Seḭ ginkoji dəwje, Maji kar sí ooje ta lə Njesigənea̰ gə́ né ya! See ma m’to asəna gə dɔdilaloo mbata lə Israɛlje Esé ma m’to ɓee gə́ loo ndul keneŋ njudu-njudu wa. See gelee ban ɓa dəwje ləm pana: Loo gə́ meḛ sí ndigi ya j’a kaw’g Jeḛ ndigi kaw rɔi’g el lé wa.

Bula lə Israɛlje 14:11

Njesigənea̰ ula Moyis pana: Dəwje neelé saar ndɔ gə́ ra ɓa d’a kunda ŋgaŋ kɔsm rəw ɓəi wa. Ma m’ra némɔrije lai mbuna dee’g ya nɛ d’a mbad kɔm meḛ dee dɔm’g saar teḛ ne ndɔ gə́ ra ɓəi wa.

Bula lə Israɛlje 20:12

Yen ŋga Njesigənea̰ ula Moyis gə Aaro̰ pana: Mbata kɔm gə́ seḭ ɔmje meḛ sí dɔm’g gə mba kundam gə kəmee kəm Israɛlje’g el lé gelee gə́ nee ɓa, seḭ a karje koso-dəwje neelé d’andə ne mee ɓee gə́ ma m’ar dee lé el gə mbəa.

Matiyo 11:26

Oiyo, Bɔm, ma m’pidii mbata i ndigi ra togə́bè ya.

Matiyo 5:12

Ndaje meḛ sí kaḭ-kaḭ ləm, alje rɔ sí ləm tɔ mbata seḭ a kiŋgaje némeekila lə sí gə́ to dara ɓəi. Mbata njéteggintaje lé d’ula kəm dee ndòo bèe ya ɓa seḭ oreeje goo dee ɓəi.

Matiyo 6:16

Loo gə́ seḭ ɔgje meḛ sí ɓoo lé ndá arje kəm sí mas mbidi-mbidi dɔ’g to gə́ ka̰ njéhulaije lé bèe el. Deḛ nja d’ula kəm dee na̰’d sir-sir gə mba kar dəwje d’oo dee to gə́ d’ɔg meḛ dee ɓoo. Ma nja m’ula sí woḭ, ɓai née ya d’iŋga kən mba̰.

Matiyo 6:33

Saŋje ɓeeko̰ lə Ala gə meekarabasur ləa kédé ɓa néje lai neelé yeḛ a kar sí dɔ’g ɓəi.

Matiyo 6:5

Loo gə́ seḭ raje tamaji ndá raje to gə́ njéhulaije bèe el. Deḛ nja ndigi kunda rɔ dee kəm dəwje’g kəi-kwa-dɔ-na̰je’g ləm, gə tɔ-rəwje ləm tɔ gə mba kar dee d’oo ne tamaji gə́ deḛ ra lé, ma nja m’ula sí woḭ, ɓai née ya d’iŋga kən mba̰.

Mark 16:17

Aa ooje, némɔrije gə́ a korè rəw gə deḛ gə́ d’a kɔm meḛ dee dɔ’g lé ɓa nee: Mbɔl dɔ rim ɓa d’a tuba ne ndilje gə́ yèr ləm, d’a pa ne tapa dəwje gə́ ɓəd-ɓəd ləma,

Lugu 12:31

Nɛ saŋgje ɓeeko̰ lə Ala kédé ɓa néje lai neelé a kar sí dɔ’g ɓəi.

Lugu 6:35

Nɛ seḭ lé undaje njéba̰je lə sí dan kəm sí’g ləm, waje sə dee noji ləma, ar deeje wɔr sí né ɓa undaje bala təa el ləm tɔ. Togə́bè ɓa nékiŋgaje lə sí a kal dɔ loo ɓəi ləm, seḭ a toje ŋgan Njekurdɔloo’g ləm tɔ mbata yeḛ ra meemaji gə njéra nédɔkuduje ləm, gə njémeeyèrje ləm tɔ.

Tagə́maji gə́ Ja̰ ndang 14:6

Jeju ilá’g pana: Ma nja m’to gə́ rəw lé ləm, gə kankəmta lé ləma, gə kəmə lé ləm tɔ. Lé dəw gə́ rara ɓa ree gə rəw gə́ rɔm’g el kara yeḛ a teḛ rɔ Bɔm’g el tɔ.

Tagə́maji gə́ Ja̰ ndang 8:24

Gelee gə́ nee ɓa ma m’ula sí ne m’pana: Seḭ a kwəije dan kaiyaje’g lə sí. Mbata ɓó lé seḭ ɔmje meḛ sí dɔm’g to gə́ ma lé m’to gə́ dəw gə́ bèe lé el ndá seḭ a kwəije dan kaiyaje’g lə sí ya.

Njé gə́ Rɔmə 10:14

Ɓó lé deḛ d’ɔm meḛ dee dəa’g el ndá see d’a ɓar ria to gə́ banwa. Ɓó lé deḛ d’oo ta ləa el ndá see d’a kɔm meḛ dee dəa’g loo gə́ ra wa. Ɓó lé njekɔrgoota neelé kar dee godo ndá see d’a koo ta ləa loo gə́ ra wa.

Njé gə́ Galati 5:6

Mbata deḛ gə́ d’ɔm gə Kristi na̰’d yəg lé kinja tamɔd əsé kinja tamɔd el kara to né el, nɛ meekun lé gə́ meenoji ɔs ginee ɓɔḭ-ɓɔḭ lé yee ɓa gə́ kankəm né ya.

Ǝbrəje 11:26

Yeḛ oo rɔkul lə Kristi lé gə́ nébao gə́ ur dɔ nébaoje gə́ Ejiptə’g lai mbata yeḛ orè kəmee ndəŋ dɔ nékoga-dɔ-jia’g lé.

Ǝbrəje 3:12

Yen, ŋgakɔmje, maji kar dəw kára kara si mbuna sí’g gə meeyèr əsé gə meetɔg mba kar mée tel ne gir gə Ala gə́ njesikəmba lé el.

Ǝbrəje 4:2

Mbata Tagə́maji gə́ d’ula sí lé d’ula dee-deḛ tɔ, nɛ deḛ lé ta gə́ d’ula dee tel to gə́ sin mbata deḛ d’oo ya, nɛ d’ɔm meḛ dee dɔ’g el.

Ǝbrəje 4:6

Togə́bè to gə́ njé gə́ na̰je d’a gə kandə keneŋ ya nɛ deḛ gə́ yeḛ un ndia ar dee kédé lé d’andə keneŋ el mbata kalta lə dee.

Ǝbrəje 7:19

Mbata godndu gə́ ləw lé ar dəw kára kara maji ne ɔr njoroŋ el. Nɛ nékunda mee yel dɔ’g gə́ maji undá ɓa teḛ, yee ɓa j’oo loo mba rəm ne pər gə́ rɔ Ala’g.

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

2 Piɛrə 1:10

Gelee gə́ bèe ɓa ŋgakɔmje, maji kar sí oreeje meḛ sí més-més dɔ ɓar gə́ deḛ ɓar sí’g ləm, gə dɔ mbər gə́ deḛ mbər sí’g ləm tɔ, mbata ɓó lé seḭ a raje togə́bè ndá né a kun gɔl sí kar sí làmje ne rɔ sí el.

2 Piɛrə 1:5

Gelee gə́ nee ɓa undaje siŋga sí dɔ maree’g mba kar meemaji orè goo meekun lə sí ləm, mba kar gosonégər orè goo meemaji ləm,

2 Piɛrə 3:14

Gelee gə́ nee ɓa, seḭ gə́ m’unda sí dan kəm’g lé to gə́ seḭ ŋginaje néje neelé ndá oreeje meḛ sí més-més mba karee iŋga sí dan meelɔm’g loo gə́ meḛ sí a kila ɓal el ləm, ta a kwa dɔ sí el ləm tɔ.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.

Rudu 2:12

Maji kar Njesigənea̰ wa səi noji godə maree’g ləm, maji kar nédɔji ləi bura ḭ rɔ Njesigənea̰’g, Yeḛ gə́ to Ala lə Israɛlje ləm, Yeḛ gə́ i ree mba kula dɔi gel bagee’g lé ləm tɔ.