Ǝbrəje 11:4 - Maktub gə́ To gə Kəmee

⁴ Meekun lé ɓa Abel inja nékinjaməs gə́ ur dɔ ka̰ Kaḭ’g ar Ala. Meekun lé Ala ée ne gə́ njemeekarabasur mbata né gə́ yeḛ un ar Ala lé taa ne kəmee rəgm. Abel lé wəi mba̰ nɛ mbɔl dɔ meekun ləa lé yeḛ pata ar sí ɓəi.

Ǝbrəje 11:4 ပူးပေါင်းရင်းမြစ်များ

Gḭ-Néje 4:10

Ala dəjee pana: See ɗi ɓa i ra bèe wa. Kaa məs ŋgokɔḭ gə́ ɓar naŋg lé aw njal teḛ rɔm’g ya.

Gḭ-Néje 4:15

Njesigənea̰ ulá pana: Ɓó lé dəw a tɔl Kaḭ ndá d’a dal bea̰ gɔl siri. Togə́bè Njesigənea̰ ra nétɔji rɔ Kaḭ’g mba kar nana ɓa gə́ iŋgá ndá a tɔlee el.

Gḭ-Néje 4:25

Adam gər dené ləa gɔl kára tɔɓəi ndá yeḛ oji ne ŋgon gə́ diŋgam unda ria lə Set mbata yeḛ pana: Ala am ŋgon gə́ diŋgam gə́ raŋg tor Abel gə́ Kaḭ tɔlee lé.

Gḭ-Néje 4:8

Nɛ Kaḭ pa gə ŋgokea̰ Abel ta. Loo gə́ deḛ d’aar na̰’d mee ndɔ’g ndá Kaḭ ḭ ur dɔ ŋgokea̰ Abel’g tɔlee.

1 Mbaije 18:38

Yen ŋga pər lə Njesigənea̰ oso bib ndá roo nékinjaməs lé dula-dula ləm, o̰ kir ləm, gə kɔr mbalje gə naŋg ləma, gə njibi mán gə́ mee bwa’g lé kara nja̰-nja̰ ləm tɔ.

Maktub gə́ wɔji dɔ Jɔb 8:10

Deḛ d’a ndooi né ləm, d’a kulai ta ləma, D’a kḭ gə ta dəji gə́ to meḛ dee’g mba riba dəa kari ləm tɔ pana:

Gosota-Kəmkàrje 15:8

Nékinjaməs lə njemeeyèr lé To né gə́ mina̰ kəm Njesigənea̰’g, Nɛ tamaji lə njéra né danaje ɓa lelee.

Gosota-Kəmkàrje 21:27

Nékinjaməs lə njémeeyèrje to né gə́ mina̰, Nɛ ɓəd ɓəi ɓa see loo gə́ deḛ d’un d’ar Gə takə̰ji lə deḛ gə́ yèr lé ɓəi wa.

Ləbije 9:24

Pər ḭ no̰ Njesigənea̰’g ndá roo nékinjaməs gə́ ka̰ roo gə ubuje gə́ to loo-nékinjaməs’g lé. Koso-dəwje lai d’oo ndá deḛ ra né u-u-u gə rɔlel tɔɓəi deḛ d’oso rəb dəb kəm dee naŋg tɔ.

Matiyo 23:35

mba kar məs njémeekarabasurje gə́ un kudee ka̰ Abel’g saar teḛ ne ka̰ Jakari gə́ to ŋgolə Baraki gə́ seḭ tɔleeje dan mee kəi-Ala’g no̰ loo-nékinjaməs’g lé wa dɔ sí ya.

Lugu 11:51

un kudee ka̰ Abel’g saar teḛ ne ka̰ Jakari’g gə́ deḛ tɔlee dan mee kəi-Ala’g ləm tɔ lé taree wa dɔ ginka dəwje gə́ nee ya. Oiyo, ma m’ula sí təsərə, ta məs dee a kwa dɔ ginka dəwje gə́ nee ya.

Titə 1:16

Deḛ pa gə ta dee pana: Neḛ n’gərje Ala, nɛ néra dee ɓa deḛ d’unda ne wal gaŋg. Deḛ to né gə́ to kḛji ləm, gə njékɔs ta rəwje ləma, néra gə́ maji kára kara d’askəm ra el ləm tɔ.

Ǝbrəje 11:2

Dəwje gə́ ləw lé meekun lə dee ɓa Ala oo dee ne gə́ dəwje gə́ maji.

Ǝbrəje 12:1

Jeḛ kara njékoo sə sí géeje gə́ d’aḭ dɔ sí sub lé d’isi ɗəŋ-ɗeŋ. Bèe ndá né gə́ ar rɔ sí wɔi ndiŋ-ndiŋ ləm, gə kaiya gə́ biri sí ləm tɔ lé ar sí j’ɔmje kɔrɔ ləm, ar sí j’aḭje gə meekai sam-sam gə kankəm rəw gə́ to tag no̰ sí’g ləm tɔ.

Ǝbrəje 12:24

gə́ rɔ Jeju gə́ to njekaar dana loo manrɔ gə́ sigi’g lé ləma, gə́ rɔ məs gə́ saga gə́ ɓar yaa̰ unda ka̰ Abel’g lé ləm tɔ.

Ǝbrəje 5:1

Tɔgərɔ ya, ŋgɔ-njekinjanéməs gə́ rara kara deḛ d’ɔree mbuna dəwje’g mba karee nai gə dəwje rɔ Ala’g, mba karee mbo̰ nénojije gə nékoga-kaiyaje kar Ala.

Ǝbrəje 9:22

Məs ɓa ɔr won néje lé to gə́ godndu lé wɔji, ɓó lé məs oso naŋg teŋ el ndá loo kɔr kaiya meḛ dəwje’g a godo tɔ.

2 Piɛrə 2:8

(mbata njemeekarabasur neelé gə́ si mbuna dee’g lé im ne rəa jim-jim wa ne ndòo rəa gə ndəa-ndəa mbata né gə́ yeḛ oo gə kəmee ləm, gə néra yèr gə́ yeḛ oo taree ləm tɔ,)

Jude 1:11

Maji kar meeko̰ ra dee! Mbata deḛ tuga rəw goo Kaḭ’g ləm, deḛ d’al d’uru loo-kwəi-yoo-lar’g ndəm ne ndəm lə Balaam ləma, d’al ta kal lə Koré ləm tɔ.