Ǝbrəje 11:36 - Maktub gə́ To gə Kəmee

³⁶ Njé gə́ raŋg lé deḛ ndaji ndu dee ləm, kunda dee gə ndəi ləma, d’wa dee daŋgai gə kúla lar ləm tɔ.

Ǝbrəje 11:36 ပူးပေါင်းရင်းမြစ်များ

Gḭ-Néje 39:20

Ɓé-Jisepje lé wá aw ilá kəi-daŋgai’g loo gə́ deḛ tɔ daŋgaije lə mbai keneŋ. Yen ŋga Jisəb si kəi-daŋgai’g ya.

1 Mbaije 22:24

Yen ŋga Sedesias, ŋgolə Kenaana rəm pər gə́ rɔ Mise’g unda kwɔjee ndá dəjee pana: See rəw gə́ ra ɓa ndil Njesigənea̰ teḛ ne rɔm’g mba kulai ne ta wa.

1 Mbaije 22:27

Bèe ɓa Mise ilá keneŋ pana: Ɓó lé i tel ree gə meekulɔm ya ndá Njesigənea̰ pata gə ndum el. Yeḛ ila ta keneŋ tɔɓəi pana: Seḭ koso-dəwje lai, maji kar sí ooje ya!

2 Mbaije 2:23

Yeḛ ḭ keneŋ aw Betel. Loo gə́ yeḛ si aw njaa rəbee ndá basaje d’unda loo mee ɓee’g teḛ d’ula sul dəa’g, pana: I njedɔmbar, aw gə́ nu, i njedɔmbar, aw gə́ nu.

2 Sôrta Gḭka Israɛlje 16:10

Mee Asa ḭ səa pu dɔ njekoota-mee-Ala’g ndá yeḛ wá ilá daŋgai’g mbata mée ea̰ dəa’g. Tɔɓəi mee ndəaje gən ya Asa ula kəm dəwje gə́ na̰je ndòo yaa̰ tɔ.

2 Sôrta Gḭka Israɛlje 18:26

Seḭ a paje togə́bè pajena: Mbai pana: Ilaje dəw neelé daŋgai’g ndá areeje muru gə mán lam-lam ba bèe saar kam m’tel gə meekulɔm ɓa.

2 Sôrta Gḭka Israɛlje 30:10

Njékaḭkulaje lé d’aw gə kudu ɓee kudu ɓee mee ɓee’g lə Eprayimje gə Manasəje lai saar teḛ ne Jabulo̰. Nɛ kogo ya deḛ kogo dee d’ula ne sul dɔ dee’g tɔ.

2 Sôrta Gḭka Israɛlje 36:16

Nɛ deḛ d’ula sul dɔ njékaḭkulaje’g lə Ala d’ə̰ji dee ne bəḭ-bəḭ ləm, d’unda njéteggintaje lé gə́ nékogo ləm tɔ saar d’ar oŋg lə Njesigənea̰ ḭ ne səa dɔ koso-dəwje’g ləa ar loo kwa ŋgaŋgee godo tɔ.

Jeremi 20:2

Ndá Pasur lé kunda Jeremi njetegginta tɔɓəi ila ɗa gɔlee’g tarəw gə́ lə Bḛjamije dɔ maree gə́ tar mee kəi’g lə Njesigənea̰.

Jeremi 20:7

I Njesigənea̰ ərm gə́ kər Ndá ma m’ya̰ rɔm m’ari ərm ya tɔ, I wam kérég ləm, i dum dɔm ləm tɔ. Gə ndɔje kára-kára lai m’to gə́ nékunda-kogo Ar dəwje lai d’ula sul dɔm’g.

Jeremi 29:26

Njesigənea̰ undai gə́ njekinjanéməs tor Jeojoda, njekinjanéməs’g gə mba kar njekaa-dɔ-loo si mee kəi’g lə Njesigənea̰ mba koo ne goo dəw gə́ rara gə́ to mbə gə́ unda rəa gə́ njetegginta ləm, gə mba kari ilá kəi-daŋgai’g ila ɗa gɔlee’g ləm tɔ.

Jeremi 32:8

Yen ɓa Hananeel, ŋgolə bɔm lé ree rɔm’g mee gad kəi-daŋgai’d gə goo ta lə Njesigənea̰ lé ulam ne pana: Maji kam m’ndogo sə neḛ ndɔ lə neḛ gə́ to Anatot, mee ɓee’g lə Bḛjamije mbata ma ɓa wɔji dɔm gə mba kam m’ndogo m’aree to nénduba ləm ndá maji kam m’ndogo ya. Bèe ɓa ma m’gər gao to gə́ to ta lə Njesigənea̰ ya.

Jeremi 36:6

Ŋga i nja a kaw keneŋ ndá i a tura taje lə Njesigənea̰ gə́ to mee maktub gə́ kə́ na̰’d gə́ ma m’ari ndaŋg lé no̰ koso-dəwje’g mee kəi’g lə Njesigənea̰ ndɔ kɔg-mee-ɓoo’g. I a tura taje neelé no̰ deḛ gə́ Juda lai gə́ d’ḭ mee ɓee-booje’g lə dee ree lé tɔ.

Jeremi 38:28

Jeremi si gad kəi-daŋgai’g saar ndɔ gə́ deḛ taa ne Jerusalem lé teḛ ne.

Jeremi 39:15

Njesigənea̰ ula Jeremi ta gə rɔtaje nee loo gə́ d’udee ne gad kəi-daŋgai’g lé pana:

Loo gə́ killa rea kəm Daniel’g 11:33

deḛ gə́ kəmkàr lə dee ur dɔ ka̰ mar deeje lé kara d’a ndoo koso-dəwje ta kəmkàrje ləm tɔ. Nɛ njé gə́ na̰je d’a kwəi yoo-kiambas ləm, gə yoo-ndo̰ pər ləm, d’a kwa dee ɓər kaw sə dee raŋg ləma, d’a taa néje lə dee kɔg ləm tɔ.

Matiyo 20:19

ndá d’a kulá ji njépole-magəje’g gə mba kar dee d’ula sul dəa’g ləm, gə kundá gə ndəi-kɔb ləma, gə ɗaree kaar kag’d ləm tɔ, nɛ ndɔ gə́ njekɔm’g munda ləa ndá yeḛ a kunda loo teḛ ya.

Matiyo 21:35

Njéndɔ-nduúje neelé twa kuraje ləa kunda yeḛ gə́ kára mbugu-mbugu ləm, tɔl yeḛ gə́ kára mbḭ ləma, tila yeḛ gə́ njekɔm dee gə́ munda gə kɔri-ərje ləm tɔ.

Matiyo 23:34

Gelee gə́ nee ɓa ma m’ula ne njéteggintaje gə njégosokəmkàrje gə njéndaji-maktubje rɔ sí’g. Seḭ a tɔlje njé gə́ na̰je ɗar deeje kaar kag’d ləm, seḭ a kundaje njé gə́ raŋg gə ndəi-kɔb mee kəi-kwa-dɔ-na̰je’g lə sí ləma, seḭ a kulaje kəm dee ndòo gə ɓee-ɓee ləm tɔ,

Matiyo 27:26

Yen ŋga Pilatə ɔr Barabas ar dee ndá yeḛ ar dee d’unda Jeju gə ndəi-kɔb sab-sab, wá ulá ji dee’g mba kar dee ɗaree kaar kag’d.

Mark 10:34

Deḛje neelé d’a ndaji ndia kogo ne ləm, d’a tibi yiro kəmee’g ləm, d’a kundá gə ndəi-kɔb ləma, d’a tɔlee karee wəi ləm tɔ. Nɛ ndɔ gə́ njekɔm’g munda ləa lé ndá yeḛ a kunda loo teḛ dan njé gə́ d’wəi’g ya.

Lugu 18:32

D’a kulá ji njépole-magəje’g ləm, d’a kula sul dəa’g ləm, d’a kundá ləma, d’a tibi yiro kəmee’g ləm tɔ.

Lugu 23:11

Yen ŋga Herɔdə gə njéŋgəmlooje ləa d’ée gə́ dəw el, tɔɓəi loo gə́ d’ula sul dəa’g ləm, d’ula kubu gə́ ndoolé yḛd-yḛd rəa’g ləm tɔ ndá d’ar dee tel d’aw səa rɔ Pilatə’g.

Lugu 23:36

Njérɔje kara d’ula sul dəa’g tɔ, deḛ rəm pər gə́ rəa’g d’ula mán-nduú gə́ mas təa’g,

Néra Njékaḭkulaje 21:33

Yen ŋga ɓé-njérɔje ree pər gə́ rəa’g ubá wá ar dee teá gə kúla lar gun joo. Tɔɓəi yeḛ dəji pana: See yeḛ to gə́ nawa əsé kula rəa to ɗi wa.

Néra Njékaḭkulaje 24:27

Loo gə́ ləb joo dəs ndá d’ar Porsius Pestus taa tor Pelis. Pelis ya̰ Pool daŋgai’g gə mba karee lel Jibje.

Néra Njékaḭkulaje 4:3

D’ur dɔ dee’g d’wa dee ɓugu dee daŋgai’g saar bèlè mbata kàr godo ŋga.

Néra Njékaḭkulaje 5:18

Deḛ d’uba naŋg d’ḭ d’ɔm na̰ dɔ njékaḭkulaje’g twa dee ɓugu dee daŋgai’g dan mee ɓee’g.

Néra Njékaḭkulaje 5:40

Yen ŋga deḛ lai taa ta ləa rəgm. Togə́bè deḛ ɓar njékaḭkulaje lé kunda dee gə ndəi, d’ɔg dee pata gə ri Jeju gə no̰ dee rədədə ɓa d’uba dee d’ya̰ dee ɓəi.

Néra Njékaḭkulaje 8:3

Nɛ Sool lé sané Eglisə kad-kad. Yeḛ ta̰d mee kəije lə dee pḛ́-pḛ́ tɔr diŋgamje gə denéje ndad-ndad, aw ɓugu dee daŋgai’g.

Njé gə́ Epesə 3:1

Gelee gə́ nee ɓa, ma Pool m’to ne daŋgai lə Kristi mbata lə sí-seḭ njépole-magəje lé ...

Njé gə́ Epesə 4:1

Ma gə́ m’isi daŋgai’g mbata Mbaidɔmbaije lé ma m’ndəji sí bər-bər mba kar néra sí wa bua kula gə́ yeḛ ɓar sí keneŋ.

2 Timote 1:16

Maji kar Mbaidɔmbaije ra meemaji gə Onesipɔrə gə njénojije ləa mbata yeḛ nja ɓa gɔl məəm gɔl bula ləm, yeḛ ra kəmkul dɔ kúla lar gə́ deḛ tɔm ne el ləm tɔ.

2 Timote 2:9

Yee ɓa, deḛ tɔm ne, d’am m’isi ne dan némeeko̰’g asəna gə njera néje gə́ majel bèe. Nɛ ta lə Ala lé ndá təa el.

Ǝbrəje 10:34

Tɔgərɔ ya seḭ ooje kəmtondoo lə daŋgaije ləm, loo gə́ deḛ tuji néje lə sí ndá seḭ raje rɔlel dɔ’g ləm tɔ mbata seḭ gərje gao, nébaoje lə sí gə́ maji unda gə́ to gə no̰ lé to gən.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.

Njéga̰g-Rəwtaje 16:25

Dan rɔlel gə́ meḛ dee’g kəi lé dee pana: Maji kar dee ɓar Samso̰ d’aree ree ra ne ar sí n’kogoje ne. D’ar Samso̰ unda loo kəi-daŋgai’g teḛ ndá d’aree ndam no̰ dee’g. D’aree aar mbuna kagje’d gə́ gəd kəi lé.