Ǝbrəje 11:3 - Maktub gə́ To gə Kəmee

³ Meekun lé ɓa jeḛ j’oo to gə́ tapa Ala ɓa yeḛ unda ne naŋg nee ar néje gə́ jeḛ j’oo gə kəm sí el lé Ala mbo̰ dee unda ne néje gə́ jeḛ j’oo gə kəm sí.

Ǝbrəje 11:3 ပူးပေါင်းရင်းမြစ်များ

Gḭ-Néje 1:1

Kédé gə́ dɔtar lé, Ala unda dara gə naŋg nee tɔ.

Pakɔsje 33:6

Ta gə́ teḛ ta Njesigənea̰’g lé Yeḛ unda ne dara ləm, Kṵji təa gə́ tó ne loo pu lé Yeḛ unda ne boo-néje gə́ mee dara’g ya ləm tɔ.

Pakɔsje 33:9

Mbata yeḛ pata ndá Née teḛ gə torndia ya ləm, Yeḛ un ndia ndá Née to keneŋ bèe ya ləm tɔ.

Esai 40:26

Unje kəm sí gə́ tar ooje loo! See na̰ ɓa ra néje neelé wa. See na̰ ɓa ar boo-néje gə́ dara D’aw gə rəw lə dee lə dee wa. Yeḛ ɓar deḛ lai gə goo ri dee ri dee, Gə goo boo-dɔmoŋ ləa ləm, Gə siŋgamoŋgee gə́ dum dɔ loo ləm tɔ lé Yeḛ gə́ kára kara gə́ a lal ndigi təa’g lé godo.

Jeremi 10:11

Seḭ a kula deeje togə́bè pajena: Magəje gə́ ra dara əsé naŋg nee el lé D’a sané pá dɔ naŋg nee ləm, Gə gin dara’g ləm tɔ.

Jeremi 10:16

Yeḛ gə́ to ka̰ Jakob lé To asəna gə magəje el, Mbata yeḛ nja ɓa gə́ njera néje lai, Ginkoji Israɛlje to gə́ nédɔji ləa. Njesigənea̰ gə́ njeboo-néje ɓa gə́ ria.

Tagə́maji gə́ Ja̰ ndang 1:3

Yeḛ ɓa unda néje lai-lai, né gə́ rara kara yeḛ ɓa to njerea.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.

Néra Njékaḭkulaje 17:24

Ala gə́ njekunda naŋg nee gə néje lai gə́ to keneŋ lé yeḛ to Mbai dɔ dara gə dɔ naŋg nee tɔ. Bèe ndá yeḛ si mee kəi gə́ ji dəw ɓa ra el.

Njé gə́ Rɔmə 4:17

Ma m’undai gə́ bɔ ginka dəwje bula-bula. Yeḛ to ne bɔ síjeḛ no̰ yeḛ gə́ yeḛ ɔm mée dəa’g, Ala lé gə́ njekula kəmə meḛ deḛ gə́ d’wəi ləm, néje gə́ to gə́ né el ɓəi kara yeḛ ar dee tel to gə́ né ləm tɔ.

1 Njé gə́ Kɔrḭtə 2:7

Kəmkàr lə Ala gə́ to loo-kiya’g kɔrɔg ɓa jeḛ ndoo sí. Kəmkàr neelé Ala nja wɔji kédé par-par ɓad ɓa d’un kudu tura ləb dee ɓəi gə mba kula ne rɔnduba dɔ sí’g ya.

1 Timote 4:5

mbata néje nee lai lé ta lə Ala ləm, gə tamaji ləm tɔ lé unda dee gə kəmee ya.

Ǝbrəje 1:2

Nɛ ndəa gə́ gogo nee, yeḛ pata ar sí nɛ Ŋgonee ɓa ria ne sə sí dəa. Yeḛ nja ɓa Ala unda ne naŋg nee ləm, yeḛ aree to njenéje lai ləm tɔ.

Ǝbrəje 6:5

deḛ naa ta lə Ala d’oo majee ləma, ləb gə́ si ree lé deḛ naa siŋgamoŋgee ləm tɔ lé

2 Piɛrə 3:5

Tɔgərɔ ya, ləw ba ta gə́ Ala pa gə təa ya ar dara to ne ləm, naŋg kara ḭ ne dan mán’g gə aar dan mán’g ləma,

Loo gə́ killa rea kəm Ja̰’g 4:11

Mbaidɔmbaije, Ala lə sí, I nja askəm kiŋga rɔnduba ləm, gə riɓar ləma, Gə siŋgamoŋ gə tɔgmbaŋ ləm tɔ, Mbata i nja unda néje lai ləm, Rəw gə́ i nja wɔji ɓa deḛ d’isi ne ləma, I ra dee ne ləm tɔ.