Ǝbrəje 11:15 - Maktub gə́ To gə Kəmee

¹⁵ Ɓó lé d’ə̰ji ɓee-koji dee gə́ d’ḭ keneŋ ndá kàr bèe nḛ d’iŋga loo tel keneŋ ləw ba mba̰.

Ǝbrəje 11:15 ပူးပေါင်းရင်းမြစ်များ

Gḭ-Néje 11:31

Tera ar ŋgonee gə́ Abram ləm, gə Lɔt gə́ to ŋgolə Haran, ŋgolə ŋgonee gə́ diŋgam ləma, gə məmeeje Sarai, dené lə ŋgonee Abram ləm tɔ d’aw səa. Deḛ d’ḭ Ur ɓeeko̰ gə́ Kalde na̰’d mba kaw mee ɓee gə́ Kana̰. Deḛ d’aw njal teḛ Haran ndá deḛ d’isi keneŋ.

Gḭ-Néje 12:10

Ɓoo-boo oso mee ɓee’g ndá Abram ḭ aw Ejiptə gə mba kisi keneŋ waga ɓa mbata ɓoo-boo tɔl yaa̰ mee ɓee’g lé.

Gḭ-Néje 24:4

Nɛ i a kaw ɓee ləm mbuna njénojije’g ləm gə mba taa dené kar ŋgonəm Isaak lé.

Gḭ-Néje 31:18

Yeḛ aw gə koso-nékulje ləa gə némajije ləa lai gə́ yeḛ iŋga dee lé, to koso-nékulje ləa gə́ yeḛ iŋga dee Padan-Aram. Ndá yeḛ ɔd aw ne par gə́ rɔ bɔbeeje Isaak’g mee ɓee gə́ Kana̰ tɔ.

Ǝbrəje 11:14

Deḛ gə́ pa togə́bè lé d’ar sí j’oo gao to gə́ deḛ to dəwje gə́ saŋg ɓee-ra dee gə́ gəd ya.