Ǝbrəje 11:12 - Maktub gə́ To gə Kəmee

¹² Yee gə́ bèe ɓa yeḛ gə́ to dəw gə́ unda naŋg mba̰ lé oji ne ŋgon aree oji ne ŋgakeaje gə́ bula digi-digi to gə́ kéréméje gə́ dara ləm, gə nagəra gə́ ta baa-boo’g gə́ dəw askəm tura el ləm tɔ.

Ǝbrəje 11:12 ပူးပေါင်းရင်းမြစ်များ

Gḭ-Néje 15:5

Loo gə́ yeḛ teḛ səa raga ndá yeḛ ulá pana: Un kəmi par gə́ dara, tura kéréméje. See i askəm tura dee ya wa. Tɔɓəi yeḛ ulá pana: Ŋgakaije kara d’a bula togə́bè ya tɔ.

Gḭ-Néje 22:17

ndá m’a tɔr ndum dɔi’g ləm, m’a kar ŋgakaije d’ɔs goo na̰ gə́ kédé-kédé kar dee bula d’asəna gə kéréméje gə́ dara ləm, gə d’asəna gə nagəra gə́ to ta baa-boo-kad’g ləm tɔ. Tɔɓəi ŋgakaije lé d’a taa tarəwkɔg lə njéba̰je lə dee gə́ né ka̰ dee-deḛ ya.

Gḭ-Néje 26:4

M’a kar ŋgakaije d’ɔs goo na̰ gə́ kédé-kédé bula d’asəna gə kéréméje gə́ dara. Dɔ naŋg ɓeeje lai neelé m’a kar ŋgakaije ya. Ginkoji dəwje gə raŋg lai dɔ naŋg nee d’a kiŋga ne dɔkaisəgərə rɔ ŋgakaije’g ya tɔ.

Gḭ-Néje 32:12

Ma m’ra ndòo rɔi’g, maji kari ree taam ji ŋgokɔm’g, ji Esawu’g. Mbata ma m’ɓəl nà banelə yeḛ a ree tujim-ma gə ko̰ ŋganje gə ŋganje na̰’d.

2 Samel 17:11

Togə́bè né gə́ m’wɔji sí mba kar sí raje ɓa nee: to mba mbo̰ Israɛlje lai dɔ na̰’d rɔi’g un kudee Dan saar teḛ Beer-Seba ar bula lə dee to asəna gə nagəra gə́ ta baa-boo-kad’g bèe. I nja kara a kaw loo-rɔ’g tɔ.

1 Mbaije 4:20

Judaje gə Israɛlje lé bula yaa̰ d’asəna gə nagəra gə́ ta baa-boo-kad’g bèe. Deḛ d’usɔ gə d’ai d’isi ne dan rɔlel’g tɔ.

1 Sôrta Gḭka-Israɛlje 27:23

Israɛlje gə́ ra ləb dee rɔ-joo əsé d’as rɔ-joo el ɓəi lé Dabid tura dee el mbata Njesigənea̰ un ndia kédé pana n’a kar Israɛlje d’a bula kasəna gə kéréméje gə́ dara ya.

Nehemi 9:23

I ar bula lə ŋgan deeje ḭ dɔ maree’d gə́ kédé-kédé To gə́ kéréméje gə́ dara bèe ləm, I ar dee d’andə mee ɓee Gə́ i un ndui ar bɔ deeje-je mba kar dee taa Gə́ né ka̰ dee-deḛ lé ləm tɔ.

Teḛ-Raga 32:13

Ar məəi olé dɔ Abrakam’g ləm, gə dɔ Isaak’g ləma, gə dɔ Israɛl’g ləm tɔ, deḛ kuraje ləi, gə́ i nja mán rɔi gə rii-i ar dee pana: M’a kar ŋgaka síje d’a bula kasəna gə kéréméje gə́ dara ləm, m’a kar ŋgaka síje dɔ naŋg neelé gə́ m’un ndum gə mba k’ar dee lé, karee to ka̰ dee-deḛ saar gə no̰.

Esai 10:22

Ǝi Israɛl, ɓó lé koso-dəwje ləi d’a bula kasəna gə nagəra gə́ ta baa-boo-kad’g kara ges dee gə́ nai jebəre ba lé ɓa d’a tel ree ya. Tuji lé yeḛ wɔji njaŋg ya gə mba kar néra gə́ gə dɔ najee ɓa taa loo pəl-pəl ya.

Esai 48:19

Ŋgaka síje d’a bula kasəna gə babur bèe ləm, Ŋgan meḛ síje d’a bula to gə́ kandə nagəra bèe ləma, Ri sí kara a tuji pugudu nɔm’g el ləm tɔ.

Jeremi 33:22

To gə́ dəw askəm tura boo-néje gə́ dara el ləm, gə askəm kwɔji nagəra gə́ ta baa-boo-kad’g el ləm tɔ lé togə́bè ɓa m’a kar ŋgaka kura ləm Dabid ləm, gə Ləbije gə́ d’aw ra kula ləm ləm tɔ lé d’ḭ dɔ maree’d gə́ kédé-kédé bèe tɔ.

Habakuk 1:9

Bao-rɔje neelé ree mba kula rɔ dee mbiriri loo kodo nébanrɔ’g, Kəm dee ɔs loo pal-pal gə́ kédé ləm, Deḛ d’wa ɓərje bula Mbo̰ dee dɔ na̰’d to gə́ nagəra bèe ləm tɔ.

Njé gə́ Rɔmə 9:27

Esai kara loo gə́ yeḛ pata wɔji ne dɔ Israɛl lé yeḛ pata gə ndia gə́ tɔg pir ya pana: Lé Israɛlje d’a bula kasəna gə nagəra gə́ ta baa’g kara kawal dee ɓa a kaji ya.

Tel tura Godndu 1:10

Ala lə sí gə́ Njesigənea̰ ar bula lə sí ḭ dɔ maree gə́ kédé-kédé, tɔɓəi aa ooje, ɓogənè seḭ bulaje to gə́ kéréméje gə́ dara bèe.

Tel tura Godndu 28:62

Kédé gə́ seḭ bulaje to gə́ kéréméje gə́ dara bèe lé seḭ a telje naije jebəre ba bèe mbata seḭ ilaje ŋgonkoji dɔ tapa Njesigənea̰ Ala’g lə sí el.

Jujé 11:4

Mbaije neelé gə njérɔje lə deḛ lai d’ɔm na̰’d d’aw ar bula lə dee dum tura asəna gə nagəra gə́ ta baa-boo-kad’g bèe ləm, d’ar kunda-kaw-rɔje gə pusu-rɔje lə dee bula digi-digi ləm tɔ.

Loo gə́ killa rea kəm Ja̰’g 20:8

Yeḛ a teḛ gə mba su kəm ginkoji dəwje gə raŋg gə́ d’isi dɔ kum naŋg gə́ sɔ’g lé ləm, Gɔg gə Magɔg ləm tɔ gə mba mbo̰ dee ne loo-rɔ’g. Deḛ bula d’asəna gə nagəra gə́ ta baa-boo-kad’g bèe.

Njéga̰g-Rəwtaje 7:12

Madianje ləm, Amalekje ləma, gə njé gə́ Bər ləm tɔ lé yal na̰ pə mee wəl-loo’g, bula digi-digi to gə́ beedéje bèe ləm, jambalje lə dee kara dum tura to gə́ nagəra gə́ ta baa-boo-kad’g bèe ləm tɔ.

1 Samel 12:5

Yeḛ tel ula dee tɔɓəi pana: Njesigənea̰ to njekoo goo ta lə sí ləm, yeḛ gə́ yeḛ wa dəa gə ubu lé kara to njekoo goo ta lə sí ɓogənè ləm tɔ, to gə́ seḭ iŋgaje né kára kara jim’g el. Deḛ d’ilá keneŋ pana: Bèe ya, deḛ to njékoo géeje ya.