Ǝbrəje 11:10 - Maktub gə́ To gə Kəmee

¹⁰ Mbata Abrakam lé ŋgina ɓee gə́ ŋgira ŋgəŋ, yee ɓa gə́ ɓee gə́ Ala nja gə́ njekwɔji lé ləm, gə njekṵdá ləm tɔ.

Ǝbrəje 11:10 ပူးပေါင်းရင်းမြစ်များ

Esai 14:32

See ta ɗi ɓa d’a kila dəwje gə́ d’ula dee’g lé wa. Ta gə́ kəm kula dee ɓa nee: Njesigənea̰ tum gel Sio̰ Ar koso-dəwje ləa gə́ to njénékəmndooje D’iŋga loo mba kula dɔ dee keneŋ.

Tagə́maji gə́ Ja̰ ndang 14:2

Mee kəi lə Bɔm lé loo-sije to keneŋ rəg-rəg. Ɓó lé to togə́bè el ndá m’a kula sí kédé woḭ ya. Ma m’isi m’aw gə mba gɔl loo mbata lə sí ya.

2 Njé gə́ Kɔrḭtə 5:1

Tɔgərɔ ya, jeḛ n’gər gao, ɓó lé kəi-surum gə́ j’isi keneŋ dɔ naŋg nee a kunda naŋg ndá kəi-si sí gə́ kiŋ kiŋ-kiŋ to dara, to kəi gə́ a to gə no̰ gə́ Ala ɓa gə́ njerea, ɓó ji dəw ɓa ra el.

Njé gə́ Pilibə 3:20

Nɛ jeḛ lé jeḛ n’to gə́ kojikəi gə́ dara, yee nja ɓa Mbaikaji lə sí Mbaidɔmbaije Jeju Kristi gə́ jeḛ ŋginá lé a kḭ keneŋ ree lé.

Ǝbrəje 11:16

Nɛ ɓasinè lé deḛ ndiŋga ɓee gə́ maji ur dɔ nje gə́ kédé’g, yee ɓa gə́ ɓee gə́ dara. Gelee gə́ nee ɓa rɔ Ala kul ne el, ar dee ɓaree ne Ala lə dee mbata yeḛ gɔl ɓee-boo ar dee mba̰.

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,

Ǝbrəje 12:28

Gelee gə́ nee ɓa jeḛ gə́ j’iŋga ɓeeko̰ gə́ a yə el lé ar sí j’ar ta ra oiyo neelé ɔr wur sí’g el, ar sí j’ar rəw kwa Ala meḛ sí’g lé to ne gə́ taa kəmee rəgm ləm, ar sí n’ra gə meenda londoŋ gə kaar gəd ləm tɔ,

Ǝbrəje 13:14

Mbata dɔ naŋg neelé ɓee-si sí gə́ to gə no̰ lé godo keneŋ, nɛ jeḛ n’saŋg yeḛ gə́ a gə ree ɓa.

Ǝbrəje 3:4

Kəi gə́ rara kara njekunda sí gən ya, nɛ yeḛ gə́ unda néje lai yeḛ nja gə́ Ala ya.

Loo gə́ killa rea kəm Ja̰’g 21:2

Tɔɓəi ma m’oo ɓee-boo gə́ d’unda gə kəmee gə́ to Jerusalem gə́ sigi gə́ ḭ dara rɔ Ala’g nar jərəŋ ree naŋg neelé. Yee ndɔḭ yaa̰ asəna gə dené gə́ ra rəa ma̰də mba taa ne kəm ŋgabeeje ndɔ taa na̰’g lə dee bèe.