Ǝbrəje 10:7 - Maktub gə́ To gə Kəmee

⁷ Yen ɓa ma m’pana: Aa oo, m’isi m’ree. (Deḛ ndaŋg ta ləm mee maktub gə́ kə́ na̰’d mber-mber) Ǝi Ala lé, mba ra torndui karee ɔr rɔd ya.

Ǝbrəje 10:7 ပူးပေါင်းရင်းမြစ်များ

Gḭ-Néje 3:15

M’a kar ba̰ to mbuna sí-seḭ gə dené’g ləm, Gə mbuna ŋgakaije gə ŋgakea-yeḛje’g ləm tɔ. Yeḛ a rəd dɔi naŋg Ndá i a to̰ gel gɔlee tɔ.

Esdras 6:2

Ndá deḛ d’iŋga maktub gə́ kə́ na̰’d gə́ ndaŋg ta kolé-mee-dɔ’g mee ɓee gə́ Ahmeta gə́ to ɓee-boo lə dəb ɓeeko̰ gə́ Médi lé. Ta gə́ ndaŋg keneŋ lé ɓa nee:

Gosota-Kəmkàrje 8:31

M’ra rɔlel dɔ naŋg’d ləa ləma, M’ar məəm lelm mbuna dəwje’g ləm tɔ.

Esai 50:5

Mbaidɔmbaije gə́ Njesigənea̰ ar mbim to tag Ndá ma m’ɔsee rəw el ləm, Ma m’gad kudum gə́ gogo el ləm tɔ.

Jeremi 36:2

Un maktub gə́ kə́ na̰’d ndá ndaŋg taje lai gə́ ma m’ulai wɔji ne dɔ Israɛlje, gə Judaje, gə ginkoji dəwje gə raŋg lai un kudee mee ndɔ gə́ ma m’pata m’ari’g mee ndəa’g lə Jojias saar teḛ ɓogənè lé.

Ejekel 2:9

Ma m’aa loo ndá aa oo dəw wa maktub gə́ kə́ na̰’d jia’g ula ndiŋ gə́ dɔm’g.

Ejekel 3:1

Yeḛ ulam pana: Ma ŋgon-dəw lé maji kam m’usɔ né gə́ ma m’iŋga lé, m’usɔ maktub gə́ kə́ na̰’d neelé ndá m’aw m’ula gel-bɔje lə Israɛl ta!

Tagə́maji gə́ Ja̰ ndang 4:34

Jeju ula dee pana: Ra torndu yeḛ gə́ njekulam gə kɔr suna kula lé yee ɓa gə́ nésɔm ya.

Tagə́maji gə́ Ja̰ ndang 5:30

Ma m’askəm ra né kára kara gə dɔrɔm el, nɛ torndu né gə́ ma m’oo gə mbim ɓa m’gaŋg ne rəwta ɓəi. Rəwta gə́ ma m’gaŋg lé to gə dɔ najee ya mbata né gə́ mee njekulam wɔji ɓa ma m’ra ɓó ma m’ra né gə́ məəm-ma ɓa wɔji el.

Tagə́maji gə́ Ja̰ ndang 6:38

Mbata ma m’ḭ dara m’ree naŋg nee gə mba ra né gə́ njekulam ɓa wɔji mée’g ɓó né gə́ məəm-ma ɓa wɔji el.