Ǝbrəje 10:6 - Maktub gə́ To gə Kəmee

⁶ Nékinjaməs gə́ roo gə nékoga-kaiyaje lé taa kəmi el.

Ǝbrəje 10:6 ပူးပေါင်းရင်းမြစ်များ

Pakɔsje 147:11

Njesigənea̰ lé unda deḛ gə́ ɓəlee Deḛ gə́ d’unda meḛ dee yel gə́ dɔ meemaji’g ləa lé dan kəmee’g.

Pakɔsje 40:6

Njesigənea̰, Ala ləm, néje gə́ dumkoo gə́ i ra ləm, Gə néje gə́ i wɔji-kwɔji ra mbata lə sí ləm tɔ lé I nja ar dee d’ḭ dɔ maree’d gə́ kédé-kédé ya, Dəw kára kara gə́ njetana səi godo, Ma m’ndiŋga rɔm mba pa taree ləm, Gə kila mberee ləm tɔ Nɛ bula lə dee to yaa̰ dum kam m’ɔr gée.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Matiyo 3:17

Tɔɓəi aa oo, ndu dəw ɓar mee dara’g wəl pana: Yeḛ neelé to ŋgonəm gə́ gəd-gəd gə́ m’undá dan kəm’g, yeḛ taa kəm rəgm ya.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

Njé gə́ Pilibə 4:18

Ma m’iŋga néje lai m’isi danee bèdèg ya. Némajije gə́ seḭ ulaje ne Epaproditə areeje am lé m’iŋga dee m’ar dee taa rɔm pəl-pəl ya. Néje neelé to asəna gə né gə́ ə̰də sululu ləm, asəna gə nékinjaməs gə́ baḭyee ə̰də lel Ala lé gə́ taa ne kəmee rəgm tɔ.

Ǝbrəje 10:4

Mbata məs bɔ maŋgje əsé bàl bya̰je askəm kɔr kaiya meḛ dəwje’g el.

1 Samel 15:22

Samel pana: See Njesigənea̰ iŋga rɔlel dɔ nékinjanéməsje gə́ roo gə nékinjanéməsje gə́ raŋg to gə́ yeḛ iŋga ne rɔlel loo kila ŋgonkoji dɔ godndu Njesigənea̰’g to wa. Aa oo, kila ŋgonkoji lé maji unda nékinjanéməsje ləm, kaa dɔ ta ɓa maji unda ubu bàl badje ləm tɔ.