Ǝbrəje 10:38 - Maktub gə́ To gə Kəmee

³⁸ Meekun ɓa njemeekarabasur ləm a si ne kəmba lé Nɛ ɓó lé yeḛ sa rəa rəw ndá məəm a ndá dəa’g el.

Ǝbrəje 10:38 ပူးပေါင်းရင်းမြစ်များ

2 Samel 22:22

Mbata ma lé m’aa dɔ rəwje lə Njesigənea̰ kər-kər ya. Ta kára kara wa dɔm no̰ Ala’g lé ləm el.

Pakɔsje 147:11

Njesigənea̰ lé unda deḛ gə́ ɓəlee Deḛ gə́ d’unda meḛ dee yel gə́ dɔ meemaji’g ləa lé dan kəmee’g.

Pakɔsje 149:4

Mbata Njesigənea̰ ar rəa lelee dɔ dəwje’g ləa, Njénékəmndooje lé yeḛ aji dee ula ne rɔnduba dɔ dee’g tɔ.

Pakɔsje 5:4

Njesigənea̰, teḛ gə ndɔ rad lé i oo ndum ləm, Teḛ gə ndɔ rad lé m’tel kəm par gə́ rɔi’g M’aa loo gərərə ləm tɔ.

Pakɔsje 85:8

Njesigənea̰, maji kari ar sí j’oo meemaji ləi ləm, Kaji ləi lé kara maji kari ar sí j’aji ne ya ləm tɔ.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Ejekel 18:24

Ɓó lé njera né gə́ gə dɔ najee uba néra gə́ gə dɔ najee ləa ya̰ ra né gə́ kori-kori ləm, ɓó lé yeḛ ndaji néje gə́ mina̰ lai gə́ njemeeyèr ra ləm tɔ ndá see yeḛ a si kəmba wa. Néreaje gə́ gə dɔ najee lai lé mee neḛ a kwəi dɔ’g mbata yeḛ ya̰ rəa dan néra gə́ kori-kori’g ləm, gə dan kaiya’g ləm tɔ, gelee gə́ nee ɓa yeḛ a kwəi ne gə mbəa ya.

Ejekel 3:20

Ɓó lé njera né gə́ gə dɔ najee ya̰ goo nérea gə́ gə dɔ najee ra né gə́ majel ndá n’a kiya gum nea̰’g karee wəi ne, mbata m’ndəjee el ndá yeḛ a kwəi dan kaiya’g ləa tɔɓəi dəw a pata gə́ wɔji dɔ néra gə́ gə dɔ najee gə́ yeḛ ra lé el ŋga ndá n’a dəjim goo məsee.

Ejekel 33:13

Loo gə́ neḛ m’pana: Njera né gə́ gə dɔnajee a si kəmba ɓa ɓó lé yeḛ ɔm mée dɔ néra gə́ gə dɔ najee’g ləa tel ra né kori-kori ndá n’a kar mee neḛ wəi dɔ néra gə́ gə dɔ najee’g ləa lé ndá yeḛ a kwəi mbata néra kori-kori gə́ yeḛ ra lé.

Habakuk 2:4

Aa ooje, dəw neelé ti rəa Ar ta néra gə́ danasur godo mée’g, Nɛ njemeekarabasur lé meekun ləa ɓa yeḛ a si ne kəmba.

Soponi 1:6

Deḛ gə́ tel gir dee d’ar Njesigənea̰ ləm, Gə deḛ gə́ ndolè Njesigənea̰ el ləma, Gə dəjee ta el ləm tɔ.

Malasi 1:10

See na̰ ɓa mbuna sí’g a kudu tarəwje mba kɔg sí kar sí yelje pər loo-nékinjaməs’g ləm wa. Ma m’iŋga rɔlel kára kara rɔ sí’g el, Njesigənea̰ gə́ njeboo-néje lé pa bèe. Nékarje gə́ to ji sí’g kara taa kəm el ŋga.

Matiyo 12:18

Aa oo, kura ləm nee gə́ m’ɔree kəm’g lé M’undá dan kəm’g m’ar məəm lelm dəa’g tɔ. M’a kɔm ndiləm dəa’g yəm Ndá yeḛ a kila mber ta gə́ to gə dɔ najee lé kar ginkoji dəwje gə raŋg.

Matiyo 13:21

nɛ ŋgira ta neelé ɔm jamee mée’g el ndá dəw neelé si ne waga el mbata mée mbɔré dɔ’g. Loo gə́ néɓəl əsé néurti teḛ dəa’g mbata lə ta neelé ndá yeḛ oso kas ila ne ta kɔrɔ yal.

Njé gə́ Rɔmə 1:17

Tɔgərɔ ya Tagə́maji lé riba dɔ meekarabasur lə Ala lé təsərə gə goo meekun ləm, mbata meekun lé ləm tɔ to gə́ ndaŋg mee maktub’g pana: Njemeekarabasur lé meekun ɓa yeḛ a si ne kəmba ya.

Njé gə́ Galati 3:11

Godndu lé a kar dəw kára kara to ne njemeekarabasur no̰ Ala’g el, yee ɓa to raga pai-pai ya, mbata deḛ pa taree pana: Njemeekarabasur lé meekun ɓa yeḛ a si ne kəmba.

1 Njé gə́ Tesalonikə 2:15

Jibje neelé deḛ tɔl Mbaidɔmbaije Jeju Kristi gə njéteggintaje ləm, deḛ d’ula kəm síjeḛ ndòo ləm tɔ. Deḛ taa kəm Ala el ləm, deḛ to njéba̰je lə dəwje lai ləm tɔ.

Ǝbrəje 10:39

Jeḛ lé jeḛ n’to dəwje gə́ njésa rɔ deeje gə mba tuji ne el. Nɛ jeḛ n’to dəwje gə́ j’aar dɔ meekun’g lə sí njaŋg mba kaji ne ya.

Maktub gə́ Jak ula ne ar ngan-Allaje 5:6

Seḭ gə́ ilaje ta dɔ njemeekarabasur tɔleeje ne, nɛ yeḛ aar keneŋ kərərə-kərərə ɓó ɔs sí rəw el.

1 Ja̰ 2:19

Deḛ d’ḭ mbuna sí’g teḛ mba̰, nɛ deḛ to gə́ ka̰ síjeḛ el, mbata ɓó lé deḛ to gə́ ka̰ síjeḛ ndá d’a nai sə sí. Né neelé teḛ dɔ sí’g mba kar sí n’gər deḛ gə́ to gə́ ka̰ síjeḛ el təsərə.