Ǝbrəje 10:34 - Maktub gə́ To gə Kəmee

³⁴ Tɔgərɔ ya seḭ ooje kəmtondoo lə daŋgaije ləm, loo gə́ deḛ tuji néje lə sí ndá seḭ raje rɔlel dɔ’g ləm tɔ mbata seḭ gərje gao, nébaoje lə sí gə́ maji unda gə́ to gə no̰ lé to gən.

Ǝbrəje 10:34 ပူးပေါင်းရင်းမြစ်များ

Njekillamber 3:6

Ndɔ saŋg né to keneŋ ləm, ndɔ kar né igi to keneŋ ləm tɔ, ndɔ ŋgəm né to keneŋ ləm, ndɔ kila né kɔrɔ to keneŋ ləm tɔ,

Matiyo 19:21

Jeju ulá pana: Ɓó lé i ndigi to maji kɔr njoroŋ ndá ɔd aw odo néje ləi lai ndogo, ya̰ laree ar njéndooje ndá i a kiŋga ne nébao ɓeeko̰ gə́ dara ɓəi, tɔɓəi un rəw goom’g.

Lugu 10:42

Né kára ba gə́ ndée to lé yee ɓa gə́ né gə́ maji gə́ Mari orè kəmee dɔ’g nja, to né gə́ dəw a kwa rəa’g kɔr pai godo.

Lugu 12:33

Ndogoje néje lə sí ya̰je laree gə́ nékoo kəmtondoo lə njéndooje. Raje ɓɔl-larje gə́ a ŋgisi el, yee ɓa gə́ nébao lə sí gə́ a kaḭ gə́ mán-ŋgur dara to loo gə́ njéɓogoje kɔdee loo ɓogo keneŋ el ləm, dirije d’unda né keneŋ el ləm tɔ.

Lugu 9:25

Ɓó lé dəw to gə́ njénékiŋgaje lai gə́ dɔ naŋg nee nɛ yeḛ ila kankəmrea kɔ yɔdɔdɔ ndá see to gə́ nékiŋga mba̰ ɓa nee wa.

Néra Njékaḭkulaje 21:33

Yen ŋga ɓé-njérɔje ree pər gə́ rəa’g ubá wá ar dee teá gə kúla lar gun joo. Tɔɓəi yeḛ dəji pana: See yeḛ to gə́ nawa əsé kula rəa to ɗi wa.

Néra Njékaḭkulaje 28:20

Gelee gə́ nee ɓa ma m’ɓar sí ne gə mba koo sí ne ləm, gə mba kula sí ne taree ləm tɔ. Ndukun gə́ Ala un ar Israɛlje gə́ m’unda məəm yel dɔ’g lé ya ɓa m’isi ne gə kúla lar gwɔsm’g gə mbəa.

Néra Njékaḭkulaje 5:41

Njékaḭkulaje lé d’ḭ loo-gaŋg-rəwta’g lə Jibje sa rɔ dee rəw. Deḛ ra rɔlel mbata d’oo rɔ dee askəm kar dee d’ila ndɔl dɔ dee’g gə ri Jeju lé ya.

2 Njé gə́ Kɔrḭtə 5:1

Tɔgərɔ ya, jeḛ n’gər gao, ɓó lé kəi-surum gə́ j’isi keneŋ dɔ naŋg nee a kunda naŋg ndá kəi-si sí gə́ kiŋ kiŋ-kiŋ to dara, to kəi gə́ a to gə no̰ gə́ Ala ɓa gə́ njerea, ɓó ji dəw ɓa ra el.

Njé gə́ Epesə 3:1

Gelee gə́ nee ɓa, ma Pool m’to ne daŋgai lə Kristi mbata lə sí-seḭ njépole-magəje lé ...

Njé gə́ Epesə 4:1

Ma gə́ m’isi daŋgai’g mbata Mbaidɔmbaije lé ma m’ndəji sí bər-bər mba kar néra sí wa bua kula gə́ yeḛ ɓar sí keneŋ.

Njé gə́ Epesə 6:20

Yee ɓa ma m’to ne njenai gə dəwje mba Kristi nɛ m’isi gə kúla lar gwɔsm’g. Bèe ndá raje tamaji mba karm m’pa ne ta gə́ dum maḭ gə́ to kəm karm m’pa taree lé ya.

Njé gə́ Pilibə 1:7

Kḛji gə́ m’ə̰ji dɔ sí’g togə́bè lé to lée’g ya mbata lé m’isi daŋgai’g əsé m’aw mba kaḭ ŋgaŋ Tagə́maji karee to njaŋg lé seḭ lai gə́ iŋgaje noji to gə́ ma bèe lé m’wa sí ne məəm’g sud ya.

Njé gə́ Kolosə 1:5

Yee neelé seḭ raje mbata seḭ undaje meḛ sí yel dɔ né gə́ d’unda gə kəmee mbata lə sí mee ɓee gə́ dara ləm, mbata lə kankəmta gə́ to Tagə́maji gə́ d’ar kəm sí inja dɔ’g kédé lé ləm tɔ.

1 Timote 6:19

Togə́bè ɓa, d’a mbo̰ nébaoje gə́ maji gə́ a kiriŋ kiriŋ-kiriŋ mee ndɔ gə́ a gə teḛ lé, bèe ɓa, d’a si gə kəməgə́ gə no̰ lé gə́ to kankəm né ya tɔ.

2 Timote 1:16

Maji kar Mbaidɔmbaije ra meemaji gə Onesipɔrə gə njénojije ləa mbata yeḛ nja ɓa gɔl məəm gɔl bula ləm, yeḛ ra kəmkul dɔ kúla lar gə́ deḛ tɔm ne el ləm tɔ.

2 Timote 2:9

Yee ɓa, deḛ tɔm ne, d’am m’isi ne dan némeeko̰’g asəna gə njera néje gə́ majel bèe. Nɛ ta lə Ala lé ndá təa el.

2 Timote 4:8

Un gelee ɓogənè saar lé dɔgugu ka̰ meekarabasur gə mba kam to gən ya. Mbaidɔmbaije gə́ njegaŋgta gə goo rəbee lé yeḛ nja ɓa a karm mee ndəa’g neelé, a karm-ma ɓa gə karm el nɛ a kar deḛ lai gə́ to yée d’unda meḛ dee dɔ ndɔ ree’g ləa pèrèrè lé tɔ.

Ǝbrəje 11:16

Nɛ ɓasinè lé deḛ ndiŋga ɓee gə́ maji ur dɔ nje gə́ kédé’g, yee ɓa gə́ ɓee gə́ dara. Gelee gə́ nee ɓa rɔ Ala kul ne el, ar dee ɓaree ne Ala lə dee mbata yeḛ gɔl ɓee-boo ar dee mba̰.

Ǝbrəje 13:14

Mbata dɔ naŋg neelé ɓee-si sí gə́ to gə no̰ lé godo keneŋ, nɛ jeḛ n’saŋg yeḛ gə́ a gə ree ɓa.

Ǝbrəje 13:3

Arje meḛ sí olé dɔ daŋgaije’g, to gə́ lə seḭje kara seḭ sije sə dee daŋgai’g bèe tɔ. Arje meḛ sí olé dɔ deḛ gə́ mar deeje d’ula kəm dee ndòo to gə́ seḭje kara d’ula kəm sí ndòo bèe tɔ.

Ǝbrəje 9:15

Togə́bè ɓa, yeḛ to ne njekaar dana gə goo manrɔ gə́ sigi lé mba kar deḛ gə́ deḛ ɓar dee lé d’a kwa səa nénduba gə́ to gə no̰ gə goo ndukun gə́ Ala un ar dee. Mbata kwəi gə́ yeḛ wəi lé yeḛ udu ne kəm kalta lə dee gə́ d’al ne dɔ manrɔ gə́ dɔtar lé.

Maktub gə́ Jak ula ne ar ngan-Allaje 1:2

Ŋgakɔmje, néje gə́ kədərə ɓəd-ɓəd gə́ naa sí lé maji koo deeje gə́ nérɔlel ya,

1 Piɛrə 1:4

Yee ɓa j’iŋga ne nénoji gə́ a kunda naŋg el ləm, a mina̰ el ləma, a ndòlé el ləm tɔ gə́ yeḛ unda kul dara

1 Ja̰ 3:2

Seḭ gə́ m’unda sí dan kəm’g lé jeḛ sə síje n’toje ŋgan-Alaje ɓasinè ya. See rɔ sí a tel to gə́ banwa. Yee ɓa to raga pai-pai el ɓəi, nɛ jeḛ n’gər gao loo gə́ yeḛ a teḛ wai ndá j’a to tana səa pai-pai ya mbata j’a kée gə́ dəw gə́ bèe lé ya.