Ǝbrəje 10:33 - Maktub gə́ To gə Kəmee

³³ Loo gə́ na̰je deḛ d’ila rɔkul dɔ sí’g kəm dəwje’g d’ar sí sije ne dan némeekonje’g ləm, loo gə́ na̰je loo gə́ deḛ ra togə́bè gə mar síje ndá seḭ oreeje rɔ sí sə dee na̰’d més ləm tɔ.

Ǝbrəje 10:33 ပူးပေါင်းရင်းမြစ်များ

Pakɔsje 69:9

Ma lé m’tel m’to gə́ mbá kəm ŋgakɔmje’g ləm, M’tel m’to dəw-dɔ-ɓee kəm ŋgalə kɔmeje-je’g ləm tɔ.

Pakɔsje 71:7

Ma lé m’to asəna gə nékɔb mbata lə dəwje bula, Nɛ i ɓa to njo̰loo-kula-dɔm keneŋ gə́ ŋgəŋ ŋgəŋ-ŋgəŋ.

Pakɔsje 74:22

Ǝi Ala, maji kari uba naŋg ḭta aḭ bada dɔ ta’g ləi. Ar məəi olé teḛ dɔ ta ndɔlje’g lə mbə-dəwje Gə́ d’ila dɔi’g gə ndɔ dee ndɔ dee.

Pakɔsje 79:12

Mbaidɔmbaije, ndɔl gə́ njéboataɓeeje lə sí d’ila dɔi’g lé Maji kari tel ɔm dɔ dee’g godə maree’g gɔl siri.

Pakɔsje 89:51

Mbaidɔmbaije, ar məəi olé dɔ boo-rɔkul gə́ wa dɔ kuraje ləi ləm, Ar məəi olé dɔ koso-dəwje gə́ bula digi-digi gə́ to nékodo gə́ wɔi dɔm’g lé ləm tɔ.

Esai 51:7

Ooje ta ləm, Seḭ gə́ gərje rəw néra gə́ gə dɔ najee, Seḭ dəwje gə́ godndum to dɔɓəŋgərə sí’g lé! Ɓəlje mbata rɔkul gə́ dəwje d’ila dɔ sí’g lé el ləm, Undaje bala mbata kəm sí gə́ d’ula ndòo lé el ləm tɔ.

Nahum 3:6

N’a kɔm néje gə́ mina̰ dɔ sí’g Mba kar sí tel toje ne né gə́ to kḛji ləm, N’a kar sí tel toje némbo̰ kəm sɔmɔmo̰ dɔ’g ləm tɔ.

Jakari 3:8

Bèe ndá i Jujee ŋgɔ-njekinjanéməs, Maji kari oo ta, I seḭ gə njéboalookawje ləi gə́ d’isi nɔḭ’g Mbata dəwje neelé d’a to gə́ nétɔji, Aa oo, n’a kar kura lə neḛ gə́ ria lə Barkəm-kag-gə́-uba lé unda loo teḛ.

1 Njé gə́ Kɔrḭtə 4:9

Mbata məəm ndaji ta m’pana: Jeḛ njékaḭkulaje lé Ala unda sí gə́ né kudu kula ləa ləm, gə dəwje gə́ ta yoo wa dɔ dee ləm tɔ mbata jeḛ n’tel n’to gə́ né mbo̰ kəm dɔ’g sɔmɔmo̰ lə dəwje gə́ naŋg nee bura ya, ka̰ kuraje lə Ala gə́ dara ləm, gə dəwje lé ləm tɔ.

2 Njé gə́ Kɔrḭtə 12:10

Gelee gə́ nee ɓa, m’isi gə məəm gə́ kulɔm dan rəm’g lé ləm, gə dan tajikil gə́ deḛ tajim ləm, gə dan némeeko̰ gə́ ram’g lé ləm, gə dan kəm gə́ deḛ d’ula ndòo’g ləma, gə dan néyooje gə́ d’aḭ dɔm sub ləm tɔ, yee ɓa to néram gə mba Kristi, mbata loo gə́ m’isi loo rəm’g lé kara yen ɓa, ma m’tel m’to ne njesiŋgamoŋ ya.

Njé gə́ Pilibə 1:7

Kḛji gə́ m’ə̰ji dɔ sí’g togə́bè lé to lée’g ya mbata lé m’isi daŋgai’g əsé m’aw mba kaḭ ŋgaŋ Tagə́maji karee to njaŋg lé seḭ lai gə́ iŋgaje noji to gə́ ma bèe lé m’wa sí ne məəm’g sud ya.

Njé gə́ Pilibə 4:14

Nɛ la gə́ seḭ laje səm dan néurti’g ləm lé yee ɓa maji ya.

1 Njé gə́ Tesalonikə 2:14

Tɔgərɔ ya, ŋgakɔmje, seḭ telje ndajije kəm Eglisəje lə Ala gə́ d’ɔm na̰’d gin Jeju Kristi mee ɓeeko̰ gə́ Jude lé mbata seḭje kara njé gə́ goo ɓee’g lə sí-seḭ ɓa d’ula kəm sí ndòo to gə́ Jibje kara d’ula kəm dee-deḛ ndòo bèe ya tɔ.

2 Timote 1:8

Bèe ndá maji kari ra kəmkul dɔ kɔr goo ta lə Mbaidɔmbaije lə sí el ləm, ma gə́ m’isi daŋgai’g gə mbəa kara ra rɔkul gə mbàm el ləm tɔ. Nɛ maji kula rɔi ndubu səm na̰’d mbata Tagə́maji lé gə goo siŋgamoŋ lə Ala ya.

Ǝbrəje 11:26

Yeḛ oo rɔkul lə Kristi lé gə́ nébao gə́ ur dɔ nébaoje gə́ Ejiptə’g lai mbata yeḛ orè kəmee ndəŋ dɔ nékoga-dɔ-jia’g lé.

Ǝbrəje 11:36

Njé gə́ raŋg lé deḛ ndaji ndu dee ləm, kunda dee gə ndəi ləma, d’wa dee daŋgai gə kúla lar ləm tɔ.

Ǝbrəje 12:4

Seḭ ɔsje kaiya rəw, nɛ yeḛ ar sí doo el ɓəi.

Ǝbrəje 13:13

Ar sí n’teḛje j’awje rəa’g gir loo gə́ raga n’taaje ne rɔkul ləa j’odoje.