Ǝbrəje 10:30 - Maktub gə́ To gə Kəmee

³⁰ Mbata yeḛ gə́ pana: Dal ba̰ to kama, ma ɓa m’a dal bea̰ lé jeḛ n’gəree gao ya. Tɔɓəi yeḛ pana: Mbaidɔmbaije a gaŋg-rəwta dɔ koso-dəwje’g ləa.

Ǝbrəje 10:30 ပူးပေါင်းရင်းမြစ်များ

Pakɔsje 135:14

Mbata Njesigənea̰ a gaŋgta dɔ koso-dəwje’g ləa lé ləm, Yeḛ a koo kəmtondoo lə kuraje ləa ya ləm tɔ.

Pakɔsje 50:4

Yeḛ ila boo-ndia naŋg par gə́ mee dara gə́ tar ləm, Gə par gə́ naŋg nee ləm tɔ, Mba gaŋg ne rəwta dɔ koso-dəwje’g ləa pana:

Pakɔsje 94:1

Njesigənea̰, Ala gə́ njedalba̰ lé! Ala gə́ njedalba̰ lé Maji kari nduba rɔi gə́ raga.

Pakɔsje 96:13

No̰ Njesigənea̰’g mbata yeḛ si ree ya, Yeḛ ree gə mba gaŋg rəwta dɔ naŋg nee, Yeḛ a gaŋg rəwta gə dɔ najee dɔ naŋg nee ləm, Yeḛ a gaŋg rəwta lə dəwje gə goo meenda londoŋ ləa ləm tɔ.

Pakɔsje 98:9

No̰ Njesigənea̰’g ya, Mbata yeḛ ree gə mba gaŋg rəwta dɔ naŋg nee ya. Rəwta-gaŋg gə́ yeḛ a gaŋg dɔ dəwje gə́ dɔ naŋg neelé Yeḛ a gaŋg gə goo meekarabasur ya ləm, Ka̰ koso-dəwje lé kara Yeḛ a gaŋg gə dɔ najee ya ləm tɔ.

Esai 59:17

Yeḛ dolè rəa gə meekarabasur To gə́ kubu-rɔ gə́ ula kaaree’g bèe ləm, Yeḛ ula dɔgugu-kaji dəa’g ləm tɔ, Yeḛ un dalba̰ ula rəa’g To gə́ kubu bèe ləm, Kaḭ bada ləa gə́ dɔ dee’g To asəna gə kubu gə́ boi yul bèe ləm tɔ.

Esai 61:2

Gə mba kam m’ila mber ləb noji lə Njesigənea̰ ləm, Gə kàr dal ba̰ lə Ala lə sí ləma, Gə mba gɔl ne meḛ dee gə́ d’wa ndòo yoo lé ləm tɔ,

Esai 63:4

Mbata ndɔ dalba̰ lé wa məəm ləm, Ləb kuga dɔ dəwje ləm teḛ mba̰ ləm tɔ.

Ejekel 18:30

Gelee gə́ nee ɓa seḭ gel-bɔje lə Israɛl lé nana kara n’a gaŋgta dəa’g gə goo nérea-rəa ya. Mbaidɔmbaije gə́ Njesigənea̰ ɓa pa bèe. Ɔsje badm tel reeje, ya̰je goo kaltaje lə sí lai gə mba kar néra kori-korije lə sí tel to gel tuji lə sí el.

Ejekel 34:17

Mbaidɔmbaije gə́ Njesigənea̰ pa togə́bè pana: Seḭ badje lə neḛ lé aa ooje, n’a gə gaŋg rəwta mbuna ŋgan badje’g gə ŋgan badje’g ləm, gə mbuna bàl badje gə bàl bya̰je’g ya ləm tɔ.

Ləbije 19:18

Seḭ a dalje ba̰ lə sí el ləm, seḭ a kwaje gə oŋg lə sí gə́ kédé-kédé dɔ ŋgan meḛ dəwje’g lə sí el ləm tɔ. Seḭ a kundaje mar síje dan kəm sí’g to gə́ seḭ raje ne gə darɔ sí bèe ya. Ma m’to Njesigənea̰.

Nahum 1:2

Njesigənea̰ to Ala gə́ kəmee əḭ dɔ dəwje’g ləa ləm, Yeḛ to njedalba̰ ləm tɔ, Njesigənea̰ to njedalba̰, Oŋg taa mée pəl-pəl, Njesigənea̰ dal ba̰ gə njékoma̰ səaje ləm, Yeḛ ar mée aw biri-biri dɔ njéba̰je’g ləa ləm tɔ.

Njé gə́ Rɔmə 12:19

Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana: Dalba̰ néra lé wɔji dɔ neḛ nja, Neḛ nja ɓa n’a kar bea̰ ɔs ta loo’g. Mbaidɔmbaije lé pa bèe.

Njé gə́ Rɔmə 13:4

Mbata njeko̰ɓee lé to kura lə Ala mba kari si ne dan maji’g. Nɛ ɓó lé i ra majel ndá ar ndili ndəb jər dɔ’g ya, mbata yeḛ aw gə kiambas gə́ sḭ el, yeḛ to kura lə Ala gə mba riba dɔ dalba̰ ləa ləm, gə mba kar bo̰ néra majel lə njeramajel lé ɔs təa’g ləm tɔ.

2 Njé gə́ Kɔrḭtə 5:10

Mbata lé riri kara jeḛ lai j’a kaarje loo gaŋg-rəwta’g lə Kristi, ɓó gə mba kar nana kara a kiŋga né gə́ wɔji dɔ maji əsé gə majel gə́ yeḛ ra loo gə́ yeḛ nai ne gə darəa ɓəi lé.

1 Samel 25:26

Ɓasinè mbai ləm, tɔgərɔ ya, Njesigənea̰ si kəmba ləm, i kara si kəmba ya ləm tɔ ndá to Njesigənea̰ ɓa wa jii ɔgi ne dɔ kila məs’g ya. Bèe ndá maji kar njéba̰je ləi gə deḛ gə́ saŋg loo ra majel gə mbai ləm lé tel to to gə́ Nabal bèe ya tɔ.

1 Samel 26:10

Dabid pana: Njesigənea̰ si kəmba ya! Ndá to ta lə Njesigənea̰ ya kára ba gə mba ra səa né ya, banelə ndɔ ləa a kas ndá a kwəi əsé a kaw loo-rɔ’g ɓa a kwəi keneŋ ɓəi.