Ǝbrəje 10:26 - Maktub gə́ To gə Kəmee

²⁶ Jeḛ gə́ kəm sí inja dɔ kankəmta’g mba̰, ɓó lé jeḛ n’sula rɔ sí sɔgɔ dan kaiya’g lə sí gogo ndá nékinjaməs gə́ raŋg gə́ ka̰ kuga kaiya lé godo.

Ǝbrəje 10:26 ပူးပေါင်းရင်းမြစ်များ

Ləbije 4:13

Ɓó lé koso-dəwje lə Israɛlje lai ra kaiya dɔ mbə’g lal gər gelee ləm, aree iya rəa kəm dee’g ləm tɔ ɓa d’al ne dɔ godndu Njesigənea̰ gə́ kára mba ra ne néje gə́ kəm ra el ar ta wa ne dɔ dee tɔɓəi,

Ləbije 4:2

Ula Israɛlje pana: Loo gə́ dəw kára ra kaiya dɔ mbə’g lal gər gelee, al ne dɔ godndu Njesigənea̰ gə́ kára ba ya ɓa ra ne néje gə́ kəm ra el ndá né gə́ kəm ra ɓa nee:

Lugu 12:47

Kura gə́ gər godndu mbai ləa nɛ yeḛ wa dɔ gɔl rəa el ləm, ra torndia el ləm tɔ ndá d’a kundá yaa̰ kar rəa ila ɓiriri-ɓiriri.

Tagə́maji gə́ Ja̰ ndang 13:17

Ɓó lé seḭ gərje néje neelé raje ndá rɔ sí a sa ne rəw.

Tagə́maji gə́ Ja̰ ndang 9:41

Jeju ila dee’g pana: Ɓó lé seḭ toje njékəmtɔje ndá kaiya a godo dɔ sí’g. Nɛ ɓasinè to gə́ seḭ pajena seḭ ooje loo. Yee ɓa ta kaiya wa dɔ sí njaŋg ya ɓəi.

Tel tura Godndu 17:12

Dəw gə́ beelé ɔsee aree oo ta ta njekinjanéməs gə́ d’undá lée’g nee gə mba karee ra né ar Ala lə sí gə́ Njesigənea̰ el lé, əsé oo ta ta njegaŋ-rəwta’g el ləm tɔ ndá debee neelé d’a tɔlee gə́ tɔl ya. Togə́bè ɓa seḭ a kɔrje ne né gə́ majel mbuna Israɛlje’g,

2 Njé gə́ Tesalonikə 2:10

gə nésukəmlooje gə́ yèr ləm tɔ mbata lə deḛ gə́ njétujije lé mbata kankəmta gə́ d’a gə kaji ne lé deḛ mbad ɓó deḛ taa gə meḛ dee d’unda dan kəm dee’g el.

1 Timote 1:13

Ma lé kédé m’to gə́ njekila ndɔl dəa’g ləm, gə njekula kəmee ndòo ləma, gə njera né gə́ ga̰gma̰d ləm tɔ. Nɛ yeḛ ar mée oso lemsé dɔm’g mbata né gə́ ma m’ra lé m’ra dɔ mbə’g loo gə́ ma m’nai gə́ njetaree gə́ tar ɓəi.

1 Timote 2:4

Yeḛ nja ɓa ndigi kar dəwje lai d’aji kəbərə ləm, yeḛ ndigi kar kəm dee inja dɔ kankəmta’g ləm tɔ.

Maktub gə́ Jak ula ne ar ngan-Allaje 4:17

Yeḛ gə́ gər ra né gə́ maji ɓa ra el ndá yeḛ ra kaiya ya.

1 Ja̰ 5:16

Ɓó lé dəw kára oo ŋgokea̰ ra kaiya gə́ a gə kɔdee loo-yoo’g el ɓəi ndá maji karee ra tamaji ɓa Ala a kar ŋgokea̰ kəmə lé ya. Deḛ gə́ ra kaiya gə́ ɔd dee loo-yoo’g el ɓəi lé Ala a kar dee kəmə lé ya. Kaiya gə́ ɔd debee gə́ njerea loo-yoo’g lé to keneŋ ya, nɛ ma m’ula sí mba kar sí raje tamaji mbata kaiyaje gə́ togə́bè lé el.

1 Samel 2:25

Ɓó lé dəw ra kaiya ɔs ne maree rəw ndá Ala a gaŋg rəwta dəa’g ya. Nɛ ɓó lé yeḛ ra kaiya ɔs ne Njesigənea̰ rəw ndá see na̰ ɓa a ra rəwta ləa wa. Nɛ deḛ ndigi koo tapa bɔ deeje lé el mbata Njesigənea̰ ndigi kar dee d’wəi.