Ǝbrəje 10:25 - Maktub gə́ To gə Kəmee

²⁵ Njé gə́ na̰je lal kwa dɔ na̰, nɛ maji kar sí n’raje to gə́ deḛ ra el. Nɛ maji kar sí j’ulaje diŋgam meḛ na̰’d unda nje gə́ kédé mbata seḭ ooje ndɔ gə́ boo lé si aw gə́ nee dəb ya.

Ǝbrəje 10:25 ပူးပေါင်းရင်းမြစ်များ

Matiyo 10:15

Ma nja m’ula sí təsərə, ndɔ gaŋg-rəwta lé rəwta gə́ d’a gaŋg dɔ ɓee’g neelé a kur dɔ ka̰ Sɔdɔm gə Gɔmɔr tɔ.

Matiyo 18:20

Mbata loo gə́ dəwje joo əsé munda d’wa dɔ na̰ gə rim-ma ndá ma nja m’aar mbuna dee’g ya.

Tagə́maji gə́ Ja̰ ndang 12:48

Yeḛ gə́ mbadm saar lal taa ta ləm ndá njegaŋ-rəwta dəa’g si gən ya. Ta gə́ ma m’ɔr lé nja ɓa a gaŋg rəbee dəa’g ndɔ gə́ rudu’g lé ya.

Néra Njékaḭkulaje 16:16

Loo gə́ j’isi j’aw gə́ loo-ra-tamaji ndá ŋgonjelookisi gə́ dené gə́ ndil li-mam to mée’g teḛ dar sí bus, yeḛ to njenékoo gə́ iŋga ne lar ɓai-ɓai ar ɓéeje-je.

Néra Njékaḭkulaje 2:1

Loo gə́ kàr ndɔ Pa̰dekɔt teḛ mba̰ ndá deḛ lai d’wa dɔ na̰ loo kára ba.

Néra Njékaḭkulaje 2:42

Deḛ d’wa meḛ dee kɔgərɔ dɔ ta gə́ njékaḭkulaje ndoo dee lé, d’wa sə dee dɔ na̰ ləm, deḛ d’o̰ sə dee muru ləma, deḛ ra sə dee tamaji na̰’d ləm tɔ.

Néra Njékaḭkulaje 20:7

Ndɔ gə́ doŋgɔr gə́ njekorè goo ndɔ-kwa-rɔ lé jeḛ j’wa dɔ na̰ gə mba gaji muru kar na̰. Pool gə́ bèlè a gə kḭ lé yeḛ ɔr ginta ar njékwakiláje ula dee ta yaa̰ saar ar dan loo bab.

Njé gə́ Rɔmə 12:8

Yeḛ gə́ to njekolé meḛ mareeje dɔ né’g ndá maji karee olé meḛ dee ya. Yeḛ gə́ to gə́ njekun né kwa nénoji gə njéndooje lé maji karee ra gə meenda ɓó a tura sə dee gée el, yeḛ gə́ to njekɔrno̰ dəwje loo-kwa-dɔ-na̰’g lé ndá maji karee gəd kəmee dɔ’g gəd-gəd. Yeḛ gə́ to gə́ njekwa yɔ-dəwje bur-bur ndá maji karee ra gə rɔlel ɓó a ra gə rɔkim el.

1 Njé gə́ Kɔrḭtə 11:20

Loo gə́ seḭ waje dɔ na̰ keneŋ loo kára lé to mba sɔ né lə Mbaidɔmbaije el,

1 Njé gə́ Kɔrḭtə 14:23

Ɓó lé njé gə́ Eglisə’g lai d’wa dɔ na̰ ar deḛ lai pa takɔji dəwje ɓəd-ɓəd d’ubu pur-pur ɓa dəwje gə́ na̰je gə́ d’un meḛ dee el lé d’andə mbuna dee’g lé ndá see d’a pana: Deḛ to gə́ mbəje, see d’a pa bèe el wa.

1 Njé gə́ Kɔrḭtə 14:3

Nɛ yeḛ gə́ tegginta lé yeḛ pata ar dəwje gə mba kar dee d’unda siŋga dee dɔ maree’g ləm, gə mba ndəji dee ne ləma, gə mba gɔl dee ne ləm tɔ.

1 Njé gə́ Kɔrḭtə 3:13

Mbata ndəa neelé gin kula ra dee a kinja gə́ raga wagəsa dan pər’g mbata pər a naa kula ra nana kara mba koo see to kula gə́ ban wa.

1 Njé gə́ Kɔrḭtə 5:4

Loo gə́ seḭ waje dɔ na̰ ar ndiləm nai sə sí na̰’d ləm, ar siŋgamoŋ lə Mbaidɔmbaije lə sí Jeju nai sə sí na̰’d ləm tɔ

Njé gə́ Pilibə 4:5

Maji kar dəwje lai gər sí loo kaw yururu’g lə sí gao ya. Mbaidɔmbaije si aw gə́ nee dəb ŋga.

1 Njé gə́ Tesalonikə 4:18

Maji kar sí gɔlje meḛ na̰ gə taje neelé.

1 Njé gə́ Tesalonikə 5:11

Gelee gə́ nee ɓa maji kar sí ndəjije na̰ gə meendakaḭ ləm, undaje siŋga sí na̰’d ləm tɔ, to gə́ seḭ raje mba̰ ya.

Ǝbrəje 10:24

Tɔɓəi ar sí j’ə̰ji tor na̰ gə mba kɔs kudu na̰ dɔ nojikwa’g ləm, gə dɔ kula ra gə́ maji’g ləm tɔ.

Ǝbrəje 10:37

Waga, waga ndá yeḛ gə́ a gə ree lé a ree ya Ɓó a ŋgira kudee el.

Ǝbrəje 13:22

Ŋgakɔmje, ma m’ra ndòo rɔ sí’g mba kar sí taaje ta gə́ ma m’ndəji sí lé mbata maktub gə́ m’ndaŋg lé m’kai təa wès ba bèe ɓa m’ar sí.

Ǝbrəje 3:13

Nɛ ndəjije na̰ gə ndɔ sí ndɔ sí saar ndəa gə́ ɓaree ɓogənè ɓəi, mba kar kaiya ər kəm dəw kára kara mbuna sí’g el ləm, mba karee aar ne gə meetɔg el ləm tɔ.

Maktub gə́ Jak ula ne ar ngan-Allaje 5:8

Seḭ nja kara ilaje meḛ sí dɔ maree’g ləm, aije meḛ sí sam-sam mbata ndɔ ree lə Mbaidɔmbaije nai ŋgwɔi bèe.

1 Piɛrə 4:7

Ndɔ kun rudu néje lai nai dəb ba. Bèe ndá undaje kəmkàr dɔ sí’g sije ne kəmba loo ra tamaji’g lə sí.

2 Piɛrə 3:11

To gə́ néje lai neelé d’a gə roo dula-dula togə́bè nɛ ɓəd ɓa see seḭ a toje dəwje gə́ to gə kəmee gə goo panjaa sí ləm, gə néra sí gə́ aw gə goo ka̰ Ala ləm tɔ lé el wa.

2 Piɛrə 3:14

Gelee gə́ nee ɓa, seḭ gə́ m’unda sí dan kəm’g lé to gə́ seḭ ŋginaje néje neelé ndá oreeje meḛ sí més-més mba karee iŋga sí dan meelɔm’g loo gə́ meḛ sí a kila ɓal el ləm, ta a kwa dɔ sí el ləm tɔ.

2 Piɛrə 3:9

Mbaidɔmbaije lé to njekuba goo ndukun ləa kyá̰ el. Njé gə́ na̰je ɓa la̰ji meḛ dee’g pana: Yeḛ uba yá̰ gə́ kyá̰ ŋga nɛ yeḛ ila mée dɔ sí’g po̰ mbata yeḛ ndigi kar dəw kára kara tuji el, nɛ yeḛ ndigi kar sí-seḭ lai unje kəm sí dɔ kaiya’g lə sí rəw ya.

Jude 1:19

Deḛ nja ɓa d’ula sí na̰’d d’ar ta tḭ-na̰ oso ne ləm, deḛ ndolè goo néra gə́ ka̰ darɔ ɓó Ndil godo meḛ dee’g ləm tɔ.