Ǝbrəje 10:23 - Maktub gə́ To gə Kəmee

²³ Meḛ sí gə́ j’unda yel gə́ dəa’g lé ar sí j’aarje keneŋ njaŋg ɓó j’awje ne yo-yo nee-nee el mbata yeḛ gə́ un ndia ar sí lé to gə́ njemeenda londoŋ ya.

Ǝbrəje 10:23 ပူးပေါင်းရင်းမြစ်များ

Pakɔsje 26:1

Pakɔs lə Dabid. Njesigənea̰, maji kari gaŋgta ləm gə goo rəbee Mbata m’njaa gə goo rəw gə́ to gə dɔ najee. Ma m’ɔm məəm dɔ Njesigənea̰’g Bèe ndá m’a kunda ndolé nda̰ el.

Nɔ̰-ndôo gə́ wɔji dɔ Jerusalem 3:23

Deḛ tel to sigi gə ndɔje kára-kára lai ya. Ǝi, i lé meekɔrjol ləi lé To né gə́ tad rəg-rəg ya.

1 Njé gə́ Kɔrḭtə 1:9

Ala to njemeenda londoŋ ya, yeḛ nja ɓa ɓar sí ɔm sí na̰’d sad gə Jeju Kristi Ŋgonee gə́ to Mbaidɔmbaije lə síjeḛ ya.

1 Njé gə́ Kɔrḭtə 10:13

Né gə́ rara ɓa gə́ naa sí lé naa gar síje togə́bè tɔ, ɓó al dɔ siŋga dee el. Ala lé to njemeenda londoŋ ndá yeḛ a kya̰ né gə́ naa sí karee al dɔ siŋga sí el nɛ yeḛ nja a kar sí siŋga sí ləm, yeḛ a ra rəw kar sí dumje ne dɔ né gə́ naa sí lé tɔ.

2 Njé gə́ Kɔrḭtə 9:13

Togə́bè ɓa, seḭ undaje rɔ nojikwa lə sí lé ya, Tagə́maji lə Kristi gə́ seḭ taaje gə meḛ sí ilaje ne ŋgonkoji dɔ’g ləm, gə nojikwa lə sí gə́ seḭ waje sə dee-deḛ gə dəwje lai ɓó turaje sə dee gée el ləm tɔ lé yee ɓa deḛ d’ula ne rɔnduba dɔ Ala’g ya.

1 Njé gə́ Tesalonikə 5:24

Yeḛ gə́ ɓar sí lé to njemeenda londoŋ, yeḛ nja ɓa a ra née ya.

2 Njé gə́ Tesalonikə 3:3

Nɛ Mbaidɔmbaije lé to njemeenda londoŋ ya ndá yeḛ a kar sí ŋgəŋje ne ləm, yeḛ a kaa dɔ sí mba kar njetakori tibi mbɔr sí el ləm tɔ.

Titə 1:2

Deḛ neelé d’ar meḛ dee to ne yel dɔ kəmə gə́ gə no̰ gə́ Ala gə́ njepa taŋgɔm el lé un ne ndia mba kar dee par-par ɓad ɓa d’un kudu tura ləb dee ɓəi.

Ǝbrəje 11:11

Meekun lé ɓa Sara gə́ to gə́ ɓuga dené kara iŋga siŋga oji ne ŋgon aree oji ne ŋgakeaje mbata yeḛ ɔm mée dɔ njemeenda londoŋ gə́ un ndia aree.

Ǝbrəje 3:1

Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

Ǝbrəje 3:14

Tɔgərɔ ya ɓó lé j’aar njaŋg dɔ meekun’g lə sí gə́ j’un kédé lé saar ndɔ rudu ndá jeḛ j’ɔm na̰’d gə Kristi ya.

Ǝbrəje 3:6

Nɛ Kristi gə́ njaa gə ŋgonkoji mee kəi’g lə Ala lé to gə́ Ŋgonee. Ndá jeḛ nja n’to gə́ kəi ləa-yeḛ lé loo gə́ j’aar njaŋg dɔ né gə́ j’ɔm meḛ sí dɔ’g ləm, gə dɔ némeekundayel gə́ jeḛ n’ti ne rɔ sí dɔ’g ləm tɔ.

Ǝbrəje 4:14

Bèe ndá Jeju, Ŋgon-Ala lé to ŋgɔ-njekinjanéməs lə sí gə́ andə mee dara’g mba̰ ndá maji kar sí j’aar njaŋg dɔ meekun’g lə sí gə́ j’un j’aree.

Ǝbrəje 6:18

mba kar mbɔl dɔ ndu gə́ gel joo gə́ to njaŋg gə́ Ala a koo loo mba pəl ta dɔ’g el lé ɓa jeḛ nja j’iŋga ta gə́ ula diŋgam meḛ sí’g jugugu-jugugu ləm, jeḛ n’taa ta neelé sagm j’unda ne meḛ sí yel dɔ’g ləm tɔ ndá j’uru ne njo̰loo’g pḛ́ tɔ.

Maktub gə́ Jak ula ne ar ngan-Allaje 1:6

Nɛ maji karee dəjee gə meekun ləa ɓa ɓó a maḭ gə rəa el, mbata yeḛ gə́ maḭ gə rəa lé to asəna gə paŋgəm mán baa-boo, lel ula aree aw yo-yo nee-nee.

Loo gə́ killa rea kəm Ja̰’g 3:11

Waga ɓa m’a ree ɓəi. Wa néje gə́ to jii’g lé kəgəgə mba kar dəw kára kara taa dɔgugu ləi el.