Ǝbrəje 10:22 - Maktub gə́ To gə Kəmee

²² ndá ar sí n’rəm pər gə́ rəa’g gə meḛ sí gə́ kára ba bərəŋ ləm, gə meekun gə́ doŋgɔ ləm, ar sí j’ar né gə́ yèr gə́ rara kara godo meḛ sí’g mba kar sí j’aar ne gə meekaar kərm el ləma, ar sí n’togo rɔ sí gə mán gə́ àr yal-yal ləm tɔ.

Ǝbrəje 10:22 ပူးပေါင်းရင်းမြစ်များ

1 Mbaije 15:3

Yeḛ ya̰ rəa yag dan kaiyaje lai gə́ bɔbeeje ra kédé nea̰’g lé ndá yeḛ ar mée gə́ tḛ́ bèe ya kara to dɔ Njesigənea̰, Ala’g lé ləa to gə́ keaje Dabid bèe el.

1 Sôrta Gḭka-Israɛlje 12:33

Mbuna Isakarje’g lé njénégərje gə́ gər né gə́ kəm kar Israɛlje ra ləm, gə ndəaje gə́ kəm kar dee ra ləm tɔ lé d’as mbaije tɔl-joo (200) gə ŋgako̰ deeje lai gə́ d’isi gel ndukun’g lə dee ya.

1 Sôrta Gḭka-Israɛlje 28:9

Nɛ i ŋgonəm Salomo̰, maji kari gər Ala lə bɔbije ləm, ra né aree gə meendakaḭ ləma, ndigee gə məəi gə kankəmrɔi bura ləm tɔ mbata Njesigənea̰ to njenaa meekuru lə dəwje lai ləm, gə njegər gin néje lai gə́ d’wɔji meḛ dee’g ləma, gə takə̰jije lə deḛ lai ləm tɔ. Ɓó lé i saŋgee ndá yeḛ a kya̰ loo kari iŋgá, nɛ ɓó lé i ubá yá̰ ndá yeḛ a kubai kya̰’i saar gə no̰ ya tɔ.

1 Sôrta Gḭka-Israɛlje 29:17

Ǝi Ala ləm, ma m’gər gao, i to njenaa meekuru lə dəw ləm, i ndigi néra gə́ gə dɔ najee ləm tɔ, gelee gə́ nee ɓa ma m’ḭ gə məəm m’un nékarnojije lai neelé m’ari gə meekarabasur ləm, ɓasinè ma m’oo koso-dəwje ləi lai gə́ d’aar keneŋ kara d’ḭ gə meḛ dee d’un nékarnojije lə dee d’ari ləm tɔ lé ndá ɓasinè rɔm lelm ne yaa̰ ya.

Pakɔsje 111:1

Pidije Njesigənea̰. M’a kɔs gaji Njesigənea̰ gə ŋgaw məəm bura Loo-kwa-dɔ-na̰’g lə dəwje gə́ njéra nédanaje ləm, Gə loo-mbo̰-dɔ-na̰’g lə koso-dəwje ləm tɔ.

Pakɔsje 119:10

Ma lé m’sa̰gi gə ŋgaw məəm bura ya, Maji kari ya̰’m am m’ndəm m’aw əw gə godnduije lé el tɔ.

Pakɔsje 119:145

Njesigənea̰, ma m’ɓar rii gə ŋgaw məəm bura, Maji kari ilam keneŋ mba karm m’aa ne dɔ godnduije lé kər-kər.

Pakɔsje 119:2

Rɔlel nai gə deḛ gə́ d’aa dɔ torndiaje kər-kər Saŋgee ne gə ŋgaw meḛ dee bura ya ləm,

Pakɔsje 119:34

Maji kari am gosonégər Mba karm m’aa ne dɔ godndui kər-kər ləm, Gə mba karm m’ra gə ŋgaw məəm bura ləm tɔ.

Pakɔsje 119:58

Ma lé m’ra ndòo rɔi’g gə ŋgaw məəm bura, Maji kari oo kəm lootondoo’g gə goo ndukun ləi lé ya.

Pakɔsje 119:69

Njébeeleje lé təd taŋgɔm d’ɔm tam’g, Nɛ ma lé m’aa dɔ ndukunje ləi gə ŋgaw məəm bura ya.

Pakɔsje 119:7

Loo gə́ ma m’ndoo godnduije gə́ meekarabasur ləi wɔji ndá M’a kɔs ne gajii gə məəm gə́ to goo kára ba bərəŋ.

Pakɔsje 119:80

Maji kar məəm to goo kára ba bərəŋ gə́ dɔ godnduije’g Gə mba kar rɔkul tɔm ne jo̰dɔrɔ el.

Pakɔsje 32:11

Seḭ njémeekarabasurje lé Maji kar sí alje rɔ sí gin Njesigənea̰’g ləm, Sije dan boo-rɔkal’g ləm tɔ! Seḭ lai gə́ meḛ sí to kára ba sur lé Ɔrje ndu sí gə́ tar gə rɔlel!

Pakɔsje 51:10

Maji kari ulam ta kalrɔ gə ta rɔlel Ndá siŋgarɔmje gə́ i guru lé d’a kɔs na̰’d.

Pakɔsje 73:28

Nɛ ma lé kam m’ŋgəs pər gə́ rɔ Ala’g lé Yee ɓa m’oo gə́ némaji ləm, M’oo Mbaidɔmbaije gə́ Njesigənea̰ gə́ njo̰loo-kula-dɔ ləm Gə mba kɔr ne sor kwɔji ne dɔ néraije’g lai ləm tɔ.

Pakɔsje 84:11

Kisi mee gadlooje’g ləi ndɔ kára ba lé Maji yaa̰ unda si loo gə́ raŋg’d ndɔ tɔl-dɔg (1.000). Karm m’aar tar tarəwkəi’g lə Ala ləm lé M’ndigi yaa̰ unda karm m’isi kəi-kubuje’g lə njémeeyèrje.

Pakɔsje 9:1

Pa lə Dabid gə́ ar bao-pa mba karee ɔs sə dee lé. Taree wɔji dɔ Kwəi mbata lə ŋgon gə́ diŋgam.

Pakɔsje 94:15

Mbata rəwta-gaŋg lé a kaw na̰’d gə néra gə dɔ najee ləm, Deḛ lai gə́ meḛ dee to kára ba sur lé D’a ndigi səa dɔ’g ya ləm tɔ.

Teḛ-Raga 29:4

I a kar Aaro̰ gə ŋganeeje gə́ diŋgam rəm pər gə́ tarəw kəi-kiŋga-na̰ gə́ to gə kəmee’g ndá i a ndogo dee mán.

Gosota-Kəmkàrje 23:26

Ŋgonəm, ya̰ məəi am ləm, Maji kar rəw-kabm lé taa kəmi ləm tɔ.

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Esai 52:15

Togə́bè ɓa yeḛ a to nérɔlel lə koso-dəwje bula tɔ. Mbaije d’a ndem ta dee nea̰’g, Mbata d’a koo né gə́ d’ɔr soree d’ar dee kédé el ləm, D’a koo ta gə́ oso mbi dee’g kédé el ləm tɔ.

Jeremi 24:7

M’a kar dee ɓəŋgərə dee gə́ ka̰ gərm to gə́ ma m’to Njesigənea̰, ɓó lé d’a tel ree rɔm’g gə meḛ dee bura ndá d’a to koso-dəwje ləm ləm, m’a to Ala lə dee ləm tɔ.

Jeremi 3:10

Lée gə goo néje neelé lai kara Judaje gə́ to njéhulaije gə́ to ŋgako̰ deeje gə́ dené lé tel ree rɔm’g gə mee kára ba el. Deḛ ra gə́ néŋgɔm ya. Njesigənea̰ ɓa pa bèe.

Jeremi 30:21

Mbai lə dee a kḭ Mbuna dee-deḛ’g ya ləm, Njeko̰ dɔ dee kara a kḭ Mbuna dee’g ləm tɔ, M’a karee rəm pər gə́ rɔm’g Ndá yeḛ a ree rɔm’g ya. Mbata see na̰ ɓa a rəm pər Gə́ rɔm’g gə dɔrea wa. Njesigənea̰ ɓa pa bèe.

Ejekel 16:9

Neḛ n’ulai dan mán’g n’tɔgi n’ar məs gə́ rɔi’g lé ɔr ndɔs-ndɔs ləm, neḛ ndèmi ubu ləm tɔ.

Ejekel 36:25

N’a saga mán gə́ àr yal-yal dɔ sí’g ndá seḭ a kàrje ne ŋgad-ŋgad. Rɔ mina̰je lə sí lai gə magəje lə sí lai lé n’a kɔr dee rɔ sí’g kar sí àrje ne ŋgad-ŋgad.

Ləbije 14:7

Yeḛ a saga néje neelé gɔl siri dɔ yeḛ gə́ kəm kɔr won ba̰ji rəa’g lé. Tɔɓəi yeḛ a pa njaŋg pana: To dəw gə́ àr ndá yeḛ a kila yel gə́ kəmba lé tar karee aw.

Ləbije 16:4

Yeḛ a kula kubu gə́ to gə kəmee gə́ ŋgal yududu gə́ ra gə kúla palégal ləm, yeḛ a kula kubu bulaa gə́ ra gə kúla palégal rəa’g ləm tɔ, yeḛ a kwa rḛgee gə gagəra gə́ ra gə kúla palégal ləm, a kula dɔgugu gə́ ra gə kúla palégal dəa’g ləm tɔ, to kubuje gə́ d’unda dee gə kəmee doi gə́ yeḛ a kula rəa’g loo gə́ yeḛ a ndogo mán mba̰ lé tɔ.

Ləbije 8:6

Bèe ɓa, Moyis ar Aaro̰ gə ŋganeeje ree pər gə́ rəa’g ndá yeḛ ndogo dee mán tɔ.

Jakari 13:1

Mee ndəa’g neelé kəm-rəw-mán a to tag mba togo ne kaiya gə né gə́ mina̰ lə gel-bɔje lə Dabid ləm, gə ka̰ njé gə́ Jerusalem ləm tɔ.

Bula lə Israɛlje 8:7

Aa oo, né gə́ i a gə ra mba kɔr ne won dee ɓa nee: I a saga mán gə́ ka̰ kuga dɔ kaiya dɔ dee’g ndá a kar dee ndisa bḭ rɔ deḛ lai ləm, a kar dee togo kubuje lə dee ləm tɔ, mba kɔr ne won dee ya.

Matiyo 3:11

Ma m’ra sí batɛm gə mán gə mba kar sí waje ne ndòo rɔ sí dɔ kaiya’g lə sí nɛ yeḛ gə́ si ree goom’g lé siŋgá ur dɔm’g, m’askəm kodo markob ləa lé kaw kɔm el. Yeḛ nja ɓa a ra sí batɛm gə Ndilmeenda gə pər tɔ.

Lugu 1:1

Njé gə́ na̰je bula saŋg loo ndaŋg maktub d’ɔr ne ta né gə́ teḛ ɓee lə sí ləw ya.

Tagə́maji gə́ Ja̰ ndang 3:5

Jeju tel ilá keneŋ pana: Ma m’ulai təsərə ya, ɓó lé mán gə ndil to gə́ gin koji dəw el ndá yeḛ a kaskəm kula dəa ɓeeko̰’g lə Ala wɔr el.

Tagə́maji gə́ Ja̰ ndang 8:9

Loo gə́ d’oo ta ləa gə́ pa togə́bè lé ndá ta gə́ meḛ dee’g ɓa ila ta dɔ dee’g, ar dee d’ḭ yuna̰ rɔ dee yɔroŋ-yɔroŋ d’igi kág, njé gə́ tɔg ya d’ḭ kédé ɓa njé gə́ raŋg d’ḭ goo dee’g ɓəi. Ndá Jeju nja gə karee ba deḛ gə dené nai ta na̰’d ɓəgə mbuna koso-dəwje’g neelé.

Néra Njékaḭkulaje 22:16

Bèe ndá ɓasinè see i si ŋgina ɗi ɓəi wa. Uba naŋg ḭta ɓar ri Mbaidɔmbaije ɓa ar dee rai ne batɛm togo ne kaiya məəi’g.

Néra Njékaḭkulaje 8:21

Siŋgamoŋ neelé yeḛ gə́ tḛ́-tḛ́ bèe ya a kuba jii ndag el, mbata i nda məəi gə Ala el.

1 Njé gə́ Kɔrḭtə 6:11

Yee nja ɓa gə́ néra sí-seḭ gə́ na̰je mbuna sí’g. Nɛ ɓasinè Ndil Ala ɔr won kaiya lə sí ndɔs-ndɔs mba̰ ləm, ɔr sí ne unda sí gə kəmee ləma, ɔr ta dɔ sí’g gə ri Mbaidɔmbaije Jeju Kristi lé ləm tɔ.

2 Njé gə́ Kɔrḭtə 7:1

Seḭ gə́ m’unda sí dan kəm’g lé to gə́ ndukunje nee gə́ yeḛ un ar sí to togə́bè ndá ar sí n’togoje néje gə́ mina̰ gə́ gə ria-ria gə́ tia̰ darɔ sí’g gə ndil sí’g ləm, ar sí m’ɓəlje Ala mba kar meenda lə sí maji ɔr njoroŋ ləm tɔ.

Njé gə́ Epesə 3:12

Mbɔl dɔ meekun gə́ jeḛ j’un j’ar Jeju Kristi lé j’ɔr ne dɔ sí kúla’g mba kaw ne pər gə́ rɔ Ala’g lé gə meendakaḭ.

Njé gə́ Epesə 5:26

Man ləm, gə kankəmta ləm tɔ lé ɓa yeḛ ɔr ne won kaiya rəa’g unda ne gə kəmee

Njé gə́ Epesə 6:5

Seḭ kuraje lé ilaje ŋgonkoji dɔ ɓée síje’g gə́ dɔ naŋg nee gə meendakaḭ, ɓəlje ne kəm dee ləm, osoje ne kul no̰ dee’g ləm tɔ, to gə́ seḭ ɓəlje ne Kristi.

1 Timote 4:2

Nehulai lə njétakorije ɓa ar dee ndəm ne ləm, meeyèr ula pər meḛ njétakorije’g lé ɔb ne meḛ dee kág ləm tɔ.

Titə 3:5

ndá yeḛ aji sí ya, meekɔrjol ləa lé gə batɛm gə́ yeḛ sugu sí ne ɓa yeḛ oji sí ne sigi gə goo siŋgamoŋ lə Ndilmeenda

Ǝbrəje 10:1

Tɔgərɔ ya godndu lé gə́ wa ndil néje gə́ wɔji dɔ darɔ néje gə́ a gə ree lé to mbɔree’g ɓó to as səa béréré-béréré el. Togə́bè ɓa nékinjanéməsje gə́ deḛ d’inja d’ɔs ne goo na̰ goo na̰ gə ləb dee ləb dee lé d’askəm kar njeaje-je to ne maji d’ɔr njoroŋ el.

Ǝbrəje 10:19

Ŋgakɔmje, məs Jeju ɓa ar rəw-kaw mee loo gə́ to gə kəmee to ne tag ar sí j’askəm kandə keneŋ gə meendakaḭ.

Ǝbrəje 11:28

Meekun lé ɓa yeḛ ra naḭ Pag saga ne məs takəi’g, mba kar njetuji dəwje ɔrɔ ne rɔ ŋgandər Israɛlje el.

Ǝbrəje 12:24

gə́ rɔ Jeju gə́ to njekaar dana loo manrɔ gə́ sigi’g lé ləma, gə́ rɔ məs gə́ saga gə́ ɓar yaa̰ unda ka̰ Abel’g lé ləm tɔ.

Ǝbrəje 4:16

Bèe ndá maji kar sí n’ges pər gə́ mbɔr kalimbai noji’g ləa gə meendakaḭ mba kar mée oso lemsé dɔ sí’g ləm, karee wa sə sí noji la ne sə sí dɔ né gə́ ndée ra sí ləm tɔ.

Ǝbrəje 6:11

Jeḛ ndigi kar sí-seḭ kára-kára lai lé ulaje rɔ sí ndubu togə́bè saar mba kar ndəa gə́ rudu lé a kiŋgaje ne né gə́ seḭ undaje meḛ sí yel dɔ’g.

Ǝbrəje 7:19

Mbata godndu gə́ ləw lé ar dəw kára kara maji ne ɔr njoroŋ el. Nɛ nékunda mee yel dɔ’g gə́ maji undá ɓa teḛ, yee ɓa j’oo loo mba rəm ne pər gə́ rɔ Ala’g.

Ǝbrəje 9:10

Mbata né gə́ yeḛ ra gə́ wɔji dɔ nésɔje gə nékaije gə togo won néje gə́ ɓəd-ɓəd lé yee ɓa to ndukunje gə́ ka̰ darɔ gə́ d’ar sí n’ra ŋgina ne ndɔ gə́ d’a gə telee ɓəd ɓəi.

Ǝbrəje 9:19

Moyis lé loo gə yeḛ ɔr godnduje neelé gə ria-ria no̰ koso-dəwje’g ndá yeḛ taa məs ŋgan maŋgje ləm, gə bàl bya̰je ləma, gə mán ləm tɔ. Məs ŋgan maŋgje gə bàl bya̰je lé d’orè gə mán ləm, gə bḭ badə gə́ kas ləma, gə gərgənd ləm tɔ ndá yeḛ saga məs gə mán neelé dɔ maktub’g ləm, gə dɔ dəwje’g lai ləm tɔ pana:

Maktub gə́ Jak ula ne ar ngan-Allaje 1:6

Nɛ maji karee dəjee gə meekun ləa ɓa ɓó a maḭ gə rəa el, mbata yeḛ gə́ maḭ gə rəa lé to asəna gə paŋgəm mán baa-boo, lel ula aree aw yo-yo nee-nee.

Maktub gə́ Jak ula ne ar ngan-Allaje 4:8

Rəmje pər gə́ rɔ Ala’g ndá yeḛ a rəm pər gə́ rɔ sí’g tɔ. Seḭ kaiya-dəwje, togoje ji sí, seḭ gə́ meḛ sí bəŋgərə sí lé ɔrje won kaiya meḛ sí’g tɔ.

1 Piɛrə 1:2

deḛ gə́ Ala Bɔ síje kuma̰ dee mée’g mbər dee ləm, gə Ndil kara ɔr dee kəmee’g, mbər dee ne ləm tɔ, mba kar dee d’ila ŋgonkoji dɔ Jeju Kristi’g mba kar məsee gə́ saa dɔ naŋg neelé wɔji dɔ dee-deḛ ya. Maji kar noji gə meelɔm uru na̰ gə gɔlee gə́ dɔ sí’g dɔ sí’g.

1 Piɛrə 3:21

Man neelé wɔji dɔ batɛm gə́ seḭ ajije ne ɓasinè. Batɛm neelé ɔr né gə́ mina̰ rɔ sí’g el nɛ to né gə́ ar meḛ sí oso naŋg lemsé gə́ majee dɔ rɔ sí’g no̰ Ala’g, gə goo teḛ gə́ Jeju Kristi unda loo teḛ dan njé gə́ d’wəi’g lé.

Loo gə́ killa rea kəm Ja̰’g 1:5

gə ka̰ Jeju Kristi Njekɔrgoota gə́ to Majikoji gə́ unda loo teḛ dan njé gə́ d’wəi’g doŋgɔr lé yeḛ to Mbai dɔ mbaije gə́ dɔ naŋg nee ləm tɔ. Yeḛ nja unda sí dan kəmee’g, togo ne kaiya lə sí gə məsee ləm,