Ǝbrəje 10:14 - Maktub gə́ To gə Kəmee

¹⁴ Mbata mbɔl dɔ nékar Ala kára ba kiao gə́ yeḛ un aree lé ɓa yeḛ ar deḛ gə́ to gə kəmee tel to ne maji d’ɔr njoroŋ.

Ǝbrəje 10:14 ပူးပေါင်းရင်းမြစ်များ

Néra Njékaḭkulaje 20:32

Ɓasinè lé m’ɔm sí ji Ala’g ləm, gə m’ɔm sí ta noji ləa gə́ askəm rɔd sí mba kar sí iŋgaje nénoji lə sí gə njémeendaje na̰’d lai.

Néra Njékaḭkulaje 26:13

Wah! Mbai, loo gə́ m’isi m’aw gə́ rəbee bèe ya ɓa kàr aar daŋdɔ bèe ya ndá m’oo loo ḭ dara ndogó gugu dɔm gə dɔ deḛ gə́ d’aw səm lé sub, ar loo neelé ndogó wərərə unda ka̰ kàr ya.

Njé gə́ Rɔmə 15:16

ɔrm ne am m’to ne kura lə Jeju Kristi mbuna njépole-magəje’g. Kula gə́ wɔji dɔ Tagə́maji lə Ala lé m’ra gə mba kun ne njépole-magəje gə́ Ndilmeenda ɔr dee unda dee gə kəmee mba kar dee to nékar Ala gə́ a taa kəmee rəgm.

1 Njé gə́ Kɔrḭtə 1:2

jeḛ ndaŋg maktub nee j’ar Eglisə lə Ala gə́ to Kɔrḭtə, deḛ gə́ Jeju Kristi ɔr dee unda dee gə kəmee mba kar dee to njémeendaje lé deḛ gə́ gə loo lai ɓar ri Mbaidɔmbaije lə sí Jeju Kristi, yeḛ gə́ to Mbaidɔmbaije lə dee ləm, gə ka̰ síjeḛ ləm tɔ lé keneŋ.

Njé gə́ Epesə 5:26

Man ləm, gə kankəmta ləm tɔ lé ɓa yeḛ ɔr ne won kaiya rəa’g unda ne gə kəmee

Ǝbrəje 10:1

Tɔgərɔ ya godndu lé gə́ wa ndil néje gə́ wɔji dɔ darɔ néje gə́ a gə ree lé to mbɔree’g ɓó to as səa béréré-béréré el. Togə́bè ɓa nékinjanéməsje gə́ deḛ d’inja d’ɔs ne goo na̰ goo na̰ gə ləb dee ləb dee lé d’askəm kar njeaje-je to ne maji d’ɔr njoroŋ el.

Ǝbrəje 10:10

Mbɔl dɔ torndu neelé ɓa yeḛ ɔr sí unda sí ne gə kəmee gə darɔ Jeju Kristi gə́ yeḛ ya̰ ar Ala lé gɔl kára ba kiao gə́ ŋgaŋgee.

Ǝbrəje 10:12

Kristi lé un nékòga kaiya ar Ala gɔl kára ba kiao gə́ ŋgaŋgee ɓa yeḛ rəm sí dɔ jikɔl Ala’g gə no̰.

Ǝbrəje 13:12

Gelee gə́ togə́bè ɓa Jeju kara wəi ne gir tarəw ɓee gə́ raga gə mba kunda ne dəwje ləa gə kəmee gə darɔ məsee-yeḛ nja tɔ.

Ǝbrəje 2:11

Mbata yeḛ gə́ ɔr dee unda dee gə kəmee ləm, gə deḛ gə́ yeḛ ɔr dee gə kəmee ləm tɔ lé to kojikəi kára ba. Gelee gə́ nee ɓa yeḛ ɓar dee ne ŋgabɔbeeje ndá rəa kul ne dɔ dee’g el.

Ǝbrəje 7:19

Mbata godndu gə́ ləw lé ar dəw kára kara maji ne ɔr njoroŋ el. Nɛ nékunda mee yel dɔ’g gə́ maji undá ɓa teḛ, yee ɓa j’oo loo mba rəm ne pər gə́ rɔ Ala’g.

Ǝbrəje 7:25

Yee gə́ bèe ɓa, yeḛ askəm kaji ne deḛ gə́ mbɔl dəa ɓa rəm pər gə́ rɔ Ala’g lé, a kaji dee ne kɔr njal mbata yeḛ to njesikəmba saar-saar gə no̰ mba ra rəwta lə dee-deḛ kar dee ya.

Ǝbrəje 9:10

Mbata né gə́ yeḛ ra gə́ wɔji dɔ nésɔje gə nékaije gə togo won néje gə́ ɓəd-ɓəd lé yee ɓa to ndukunje gə́ ka̰ darɔ gə́ d’ar sí n’ra ŋgina ne ndɔ gə́ d’a gə telee ɓəd ɓəi.

Ǝbrəje 9:14

nɛ ɓəd ɓa see Kristi gə́ rəa ila ɓal el nɛ yeḛ nja ḭ gə mée ya̰ rəa ar Ala gə goo rəw gə́ Ndil gə́ Njesigənea̰ tɔjee lé see məsee a kɔr won néra sí gə́ gə mḭdé meḛ sí’g mba kar sí waje Ala gə́ njesikəmba lé meḛ sí’g el wa.

Jude 1:1

Ma Jude, kura lə Jeju Kristi ləm, gə ŋgoko̰ Jak ləm tɔ lé m’ndaŋg maktub nee m’ar dee-deḛ gə́ Ala Bɔ-dəwje ɓar dee ləm, unda dee dan kəmee’g ləma, aḭ bada dɔ dee’g mba kar Jeju Kristi lé ləm tɔ.