Ǝbrəje 1:7 - Maktub gə́ To gə Kəmee

⁷ Nɛ aa ooje, ta gə́ yeḛ pa wɔji ne dɔ kuraje gə́ dara ɓa to nee: Kuraje ləa gə́ dara lé yeḛ tel dee gə́ lel ləm, Kuraje ləa kara yeḛ tel dee gə ndo̰ pər ləm tɔ.

Ǝbrəje 1:7 ပူးပေါင်းရင်းမြစ်များ

Gḭ-Néje 3:24

Togə́bè ɓa yeḛ tuba ne Adam bèe tɔɓəi yeḛ unda Nékundaje gə́ dara par gə́ bər lə loo-ndɔ gə́ Edḛ’g lé. Nékundaje gə́ dara neelé d’wa kiambas gə́ taa pər bilim-bilim ji dee’g ndá, deḛ biri tar widi-widi mba ŋgəm ne rəw gə́ wɔji dɔ kag-kəmə lé.

1 Mbaije 22:19

Togə́bè Mise pana: Maji kari oo ta lə Njesigənea̰ ɓa! M’a m’oo Njesigənea̰ si dɔ kalimbai’g ləa ndá boo-njérɔje gə́ dara lai d’aar mbɔree’g dɔ jikɔlee’g ləm, gə dɔ jigelee’g ləm tɔ.

2 Mbaije 2:11

Loo gə́ d’aw njaa na̰’d d’wɔji ne na̰ ta bèe-bèe ndá aa ooje, kundaje gə́ rɔ dee ndɔḭ wər-wər to gə́ pər bèe ndɔr pusu gə́ ndɔḭ wər-wər to gə́ pər bèe gaŋg ne mbuna dee dana. Ndá lel-mal un Eli səḛ aw səa dara.

2 Mbaije 6:17

Elije ra tamaji pana: Mbaidɔmbaije, maji kari ar kəmee inja aree oo dee ne. Ndá Njesigənea̰ ar kəm kura lé inja aree oo ne kundaje, gə pusu-rɔje gə́ ndɔḭ wər-wər to gə́ pər bèe dɔ mbal’g gugu dɔ Elije sub lé tɔ.

Pakɔsje 104:4

Yeḛ tel lelje lé gə́ njékaḭkulaje ləa ləm, Yeḛ tel ndo̰ pərje lé gə́ kuraje ləa ləm tɔ.

Esai 6:2

Kuraje gə́ dara gə́ njérɔndɔḭje d’aar dəa’g, deḛ lai lé bag dee misa̰-misa̰, bag dee gə́ joo lé d’o̰ ne kəm dee ləm, njé gə́ joo gə́ raŋg lé d’o̰ ne gɔl dee ləma, njé gə́ joo gə́ raŋg lé wɔji dɔ kḭ ne tar lə dee ləm tɔ.

Loo gə́ killa rea kəm Daniel’g 7:10

Pər gə́ un loo lad-lad to gə́ mán-baa bèe lé unda loo nea̰’g teḛ. Dəwje tɔl-dɔg-loo-tɔl-dɔg (1.000.000) ra né d’aree ləm, dəwje tɔl-dɔg-loo-tɔl-dɔg as loo dɔg (10.000.000) kara d’aar nea̰’g ləm tɔ. Njégaŋ-rəwtaje d’isi naŋg ndá d’ɔr maktubje tɔ.

Jakari 6:5

Kura gə́ dara lé tel ilam keneŋ pana: Deḛ to lelje gə́ d’ḭ dɔkum looje gə́ sɔ gə́ d’ḭ loo-kaar dee’g no̰ mbai gə́ to mbai dɔ naŋg nee lai.

Ǝbrəje 1:14

See kuraje lə Ala gə́ dara lé to ndilje gə́ njéra né kar Ala gə́ yeḛ ula dee mba kar dee ra kula la ne gə deḛ gə́ d’a gə kiŋga kaji lé el wa.