Ǝbrəje 1:6 - Maktub gə́ To gə Kəmee

⁶ Nɛ loo gə́ yeḛ ar ŋgondəree ree naŋg nee ndá yeḛ pana: Maji kar kuraje lə Ala gə́ dara lai d’wá meḛ dee’g.

Ǝbrəje 1:6 ပူးပေါင်းရင်းမြစ်များ

Pakɔsje 97:7

Deḛ lai gə́ pole magəje lé Deḛ gə́ ti rɔ dee mbata magəje lə dee lé Kəm sɔḭ wa kəm dee. Magəje lai lé d’unda barmba dəb kəm dee naŋg nea̰’g.

Matiyo 24:14

Ta gə́ maji nee gə́ wɔji dɔ ɓeeko̰ lé d’a kila ne mber gə loo mbidi-mbidi dɔ naŋg nee mba kar ginkoji dəwje gə raŋg lai d’oo ginee ɓa ndɔ gə́ rudu lé a teḛ ɓəi.

Tagə́maji gə́ Ja̰ ndang 1:14

TA lé tel to darɔ dəw ndá yeḛ ree si mbuna sí’g. Noji gə kankəmta taa rəa pəl-pəl. Jeḛ lé j’oo rɔnduba ləa gə́ ka̰ ŋgon gə́ gəd-gəd gə́ to darɔ Bɔbee lé ya.

Tagə́maji gə́ Ja̰ ndang 1:18

Dəw kára kara ila kəmee dɔ Ala’g nda̰ el ɓəi. Nɛ Ŋgon gə́ kára ba gə́ to ŋgon mee Bɔbee lé ɓa ar kəm dee ti dəa’g təsərə ya.

Tagə́maji gə́ Ja̰ ndang 3:16

Ala ndigi dəwje lai-lai dɔ naŋg nee, unda dee dan kəmee’g ɓa un Ŋgonee gə́ gəd-gəd kára ba ulá ar dee mba kar nana ɓa gə́ ɔm mée dəa’g ndá a si gə kəməgə́ gə no̰ lé ɓó a kudu nda̰ el.

Njé gə́ Rɔmə 8:29

Mbata deḛ gə́ yeḛ ɔr dee unda dee gə kəmee kédé lé yeḛ nja wɔji dee mée’g tɔ gə mba kar dee d’ɔr ne rɔ Ŋgonee pai-pai, ɓó gə mba kar Ŋgonee lé to gə́ ŋgondəree mbuna ŋgako̰ na̰je’g bula.

Tel tura Godndu 32:43

Seḭ ginkoji dəwje gə raŋg ɔsje pa Ulaje ne rɔnduba dɔ koso-dəwje’g ləa! Mbata Njesigənea̰ dal ba̰ məs kuraje ləa ləm, Yeḛ dal ba̰ né gə́ njéba̰je ləa Ra ləm tɔ ndá Yeḛ uga dɔ ɓee ləa ləm Gə dɔ koso-dəwje ləa ləm tɔ.

Njé gə́ Kolosə 1:15

Yeḛ ɔr rɔ Ala gə́ njedumkoo lé kəmba, yeḛ nja to gə́ doŋgɔr ɓa nékundaje lə Ala lai to keneŋ ɓəi.

Njé gə́ Kolosə 1:18

Yeḛ to gə́ dəw dɔ Eglisə, yeḛ to doŋgɔr ləm, yeḛ to dəw gə́ doŋgɔr gə́ unda loo teḛ mbuna njé gə́ d’wəi’g ləm tɔ mba karee to gə́ doŋgɔr lə néje lai-lai.

Ǝbrəje 1:5

See na̰ ɓa mbuna dəwje gə́ dara lé Ala ulá ta nee pana: I to Ŋgonəm, Ɓogənè ɓa m’ojii ya. See yeḛ pa bèe wa. Esé see yeḛ pa pana: M’a to Bɔbeeje ləm, Yeḛ a to Ŋgonəm ləm tɔ See yeḛ pa bèe wa.

Ǝbrəje 10:5

Gelee gə́ nee ɓa, loo gə́ Kristi ree naŋg nee yeḛ pana: I ndiŋga nékinjaməs gə nékar lé el, Nɛ i gɔl kubururɔm am,

1 Piɛrə 3:22

Yeḛ lé ḭ aw dara ɓa yeḛ si dɔ jikɔl Ala’g ndá kuraje gə́ dara ləm gə njéko̰ɓeeje ləma gə njésiŋgamoŋje ləm tɔ lé d’ula dɔ dee d’aree ya.

1 Ja̰ 4:9

Ala ula Ŋgonee gə́ gəd-gəd kára ba aree ree naŋg nee mba kar sí j’isi ne kəmba, yee ɓa meenoji lə Ala gə mbata lə sí lé to ne raga pai-pai ya.

Loo gə́ killa rea kəm Ja̰’g 1:5

gə ka̰ Jeju Kristi Njekɔrgoota gə́ to Majikoji gə́ unda loo teḛ dan njé gə́ d’wəi’g doŋgɔr lé yeḛ to Mbai dɔ mbaije gə́ dɔ naŋg nee ləm tɔ. Yeḛ nja unda sí dan kəmee’g, togo ne kaiya lə sí gə məsee ləm,