Loo gə́ killa rea kəm Daniel’g 9:7 - Maktub gə́ To gə Kəmee

⁷ Ǝi Mbaidɔmbaije, néra gə́ to gə dɔ najee to kaḭ ya, jeḛ ɓa rɔkul wa kəm sí mee ndəa’g nee ya, jeḛ dəwje gə́ Juda ləm, gə deḛ gə́ d’isi Jerusalem ləma, gə Israɛlje lai ləm tɔ, deḛ gə́ d’isi dəb əsé deḛ gə́ d’isi ŋgərəŋ mee ɓeeje lai gə́ i tuba dee keneŋ mbata kalta gə́ d’al tai’g d’ar taree wa dɔ dee kəmi’g lé.

Loo gə́ killa rea kəm Daniel’g 9:7 ပူးပေါင်းရင်းမြစ်များ

Esdras 9:13

Nɛ gə goo néje lai gə́ teḛ dɔ sí’g mbata lə néra gə́ yèr lə sí, gə ta gə́ boo gə́ wa dɔ sí lé əi Ala lə sí, i ar bo̰ néra sí ɔs ta sí’g gə goo bula lə kaiya ra sí el, ar ɓasinè kara i ŋgəm njé gə́ na̰je ar dee teḛ dan né gə́ bèe’g tɔ.

Esdras 9:15

Njesigənea̰, Ala lə Israɛlje to njera né gə́ gə dɔ najee mbata ɓogənè jeḛ n’toje ges deḛ gə́ teḛ ta yoo’g. Aa oo, j’aarje nɔḭ’g, jeḛ gə́ n’toje koso-dəwje gə́ ta wa dɔ dee mba̰ ɓó j’askəm kaar tar nɔḭ’g togə́bè el lé.

Nehemi 9:33

I to njera né gə dɔ najee dɔ néje lai gə́ teḛ dɔ sí’g ya I ra néje lai gə goo rəbee Nɛ jeḛ ɓa jeḛ n’raje majel.

Pakɔsje 119:137

Ǝi Njesigənea̰, i lé to gə́ njemeekarabasur ya ləm, Rəwta-gaŋgje ləi lé kara to gə goo rəbee ya ləm tɔ.

Pakɔsje 44:15

I ar sí n’tel to nékɔrsu lə ginkoji dəwje gə raŋg ləm, Gə nétuga dɔ jəgm-jəgm mbuna koso-dəwje’g ləm tɔ.

Pakɔsje 51:14

Maji kari am m’tel m’ra rɔlel dɔ kaji’g ləi gogo ləm, Ar ndili am m’ndiŋga rɔm gə mba ra né gə́ maji ləm tɔ.

Pakɔsje 51:4

Néra kori-korije ləm lé Maji kari togo ɔr ndɔs-ndɔs ləm, Maji kari ɔr kaiya ram ndɔs-ndɔs ləm tɔ.

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Esai 45:16

Deḛ gə́ njéra magəje lé Deḛ lai nai gə rɔkul ləm, Kəm sɔḭ wa kəm dee ləma, Deḛ lai d’ɔd d’aw d’ula dɔ dee naŋg jugum ləm tɔ.

Jeremi 12:1

Njesigənea̰, nérai gə́ gə dɔ najee dum dɔ loo Ɓó ma m’askəm maḭ səi ta el, Nɛ lé bèe kara M’a kwɔji səi ta dɔ rəwta-gaŋgje’g ləi ya: See gelee ban ɓa Rəw-kaw njémeeyèrje teḛ sə dee dan maji’g wa. See gelee ban ɓa Deḛ lai gə́ to majikojielje lé kara d’isi lɔm wa.

Jeremi 23:6

Mee ndɔje’g ləa lé Judaje d’a kaji ləm, Israɛlje d’a si lɔm loo-si dee’g ləm tɔ, Aa ooje, ria gə́ d’a ɓaree ne ɓa nee: Njesigənea̰ to njegin meekarabasur lə sí.

Jeremi 24:9

M’a kar dee to néɓəl gə némeeko̰ mbata lə ɓeeko̰je lai gə́ dɔ naŋg nee ləm, m’a kar dee to nékula sul dɔ’g ləm, gə nékunda kogo ləm, gə nékɔr sor ndam ləma, gə nékila ndɔl dɔ’g ləm tɔ mee looje lai gə́ m’a gə tuba dee keneŋ lé.

Jeremi 3:25

Jeḛ lé n’toje naŋg dan rɔkul’g ləm, Rɔkul gə́ boo ɓa gə́ néko̰ dɔ sí ləm tɔ, Mbata jeḛ n’raje kaiya j’ɔsje ne ta lə Njesigənea̰, Ala lə sí rəw Jeḛ gə bɔ síje-je Un kudee loo gə́ jeḛ nai ne basa ɓəi Saar teḛ ɓogənè ləm, Jeḛ j’oo ndu Njesigənea̰, Ala lə sí gə́ né el ləm tɔ.

Jeremi 32:32

Mbata néramajelje lai gə́ Israɛlje gə Judaje ra d’ar məəm ḭ ne səm pu, deḛ ləm gə mbaije lə dee ləm, gə ŋgan-mbaije lə dee ləm, gə njékinjanéməsje lə dee ləm, gə njéteggintaje lə dee ləm, gə dəwje gə́ Juda ləma, gə deḛ gə́ d’isi Jerusalem lé ləm tɔ.

Jeremi 33:16

Mee ndəaje’g neelé ɓeeko̰ lə Juda a kaji ləm, njé gə́ Jerusalem d’a si gə meekulɔm loo-si dee’g ləm tɔ. Aa ooje, d’a ɓaree Njesigənea̰ gə́ to njegin meekarabasur lə sí ya.

Jeremi 4:17

Deḛ d’aḭ dɔ Jerusalem sub To gə́ deḛ gə́ njéŋgəmndɔje D’aḭ ne dɔ ndɔ sub bèe, Mbata to ma ɓa d’ḭ d’ɔsm rəw, Njesigənea̰ ɓa pa bèe.

Jeremi 7:19

See to ma ya ɓa gə́ d’ar meḛ dee ḭ sə dee pu dɔm’g wa. Njesigənea̰ dəji ta bèe. See to deḛ nja ɓa meḛ dee ḭ sə dee pu dɔ rɔ dee’g ar boo-rɔkul wa ne kəm dee el wa.

Ejekel 16:63

gə mba kar məəi olé ne dɔ ndɔje gə́ dəs’g ɓó gə kar rɔkul wa ne kəmi ləm, gə mba kari oo loo teḛ tai ja̰ pata el ŋga ləm tɔ gə mba kar kəm sɔḭ wa kəmi loo gə́ n’a kar mee neḛ oso lemsé dɔ néje lai gə́ i ra lé, Mbaidɔmbaije gə́ Njesigənea̰ ɓa pa bèe.

Ejekel 36:31

Yen ɓa meḛ sí a kolé ne dɔ panjaa sí’g gə néra síje gə́ majel’g. Seḭ a kooje rɔ sí gə́ né gə́ to kḛji kəm sí’g gə mbata néra síje gə́ kori-kori ləm, gə néra síje gə́ mina̰ jɔmri-jɔmri lé ləm tɔ.

Ejekel 5:10

Gelee gə́ nee ɓa bɔ ŋganje d’a sɔ ŋgan deeje mbuna sí’g ləm, ŋganje d’a sɔ bɔ deeje ləm tɔ, n’a gaŋgta dɔ sí’g tɔɓəi n’a sané ne ges sí lai gə́ nai lé kad-kad dan lel’g.

Ejekel 6:12

Yeḛ gə́ si əw ndá a kwəi yoo-koso ləm, yeḛ gə́ si dəb ndá a kwəi yoo-kiambas ləma, yeḛ gə́ nai ɓa d’a kaḭ dəa sub gə rɔ ndá yeḛ a kwəi yoo-ɓoo-boo ləm tɔ. N’a kɔm boo-oŋg lə neḛ dɔ dee’g karee as lée’g béréré ya.

Loo gə́ killa rea kəm Daniel’g 9:14

Njesigənea̰ aa dɔ tuji-boo neelé aree teḛ dɔ sí’g ya. Mbata Njesigənea̰, Ala lə sí lé néreaje lai gə́ yeḛ ra lé to gə dɔ najee ya nɛ jeḛ lé j’un mbi sí rəw dɔ ta’g ləa.

Loo gə́ killa rea kəm Daniel’g 9:18

Ǝi Ala ləm, maji kari tuga mbii oo! Maji kari teḛ kəmi aa ne loo oo nétujije lə sí ləm, aa loo oo ɓee-boo gə́ ɓar rii keneŋ ləm tɔ! To mbata lə meekarabasur lə sí ɓa jeḛ n’raje ne ndòo rɔi’g gə mbəa el nɛ to mbata lə boo-meekaw taḭ-taḭ ləi-i ɓa.

Loo gə́ killa rea kəm Daniel’g 9:8

Ǝi Mbaidɔmbaije, rɔkul wa kəm síjeḛ ya, gə kəm mbaije lə sí ləm, gə kəm ŋgan-mbaije lə sí ləma, gə kəm bɔ síje-je ləm tɔ mbata jeḛ n’raje kaiya j’ɔsje ne ta ləi rəw ya.

Amɔs 9:9

Mbata aa ooje, n’a kun ndu neḛ ndá D’a yə gel-bɔje lə Israɛl mbuna ginkoji dəwje gə raŋg’g lai, To gə́ deḛ gɔl ne né gə san bèe Lal kar guburee kára kara oso naŋg.

Njé gə́ Rɔmə 6:21

See kó sí to kó gə́ banwa. Ko sí neelé rɔ sí kul ne ɓasinè. Mbata loo kɔs bo̰ lə néje neelé to yoo ya.

Tel tura Godndu 32:4

Yeḛ to gə́ mbal. Kula reaje maji ɔr njoroŋ Mbata rəw-kabeeje lai to danasur Yeḛ to Ala gə́ njemeenda londoŋ Gə́ néra gə́ kori-kori godo rəa’g Yeḛ to njemeekarabasur ləm Gə njera né gə́ gə goo rəbee ləm tɔ.

Tel tura Godndu 4:27

Njesigənea̰ a sané sí mbuna ginkoji dəwje gə raŋg’d gə́ raŋg ndá seḭ a naije jebəre ba mbuna ginkoji dəwje’d gə́ Njesigənea̰ a kar sí awje mbuna dee’g lé.