Loo gə́ killa rea kəm Daniel’g 9:5 - Maktub gə́ To gə Kəmee

⁵ Jeḛ n’raje kaiya ləm, jeḛ n’raje néraje gə́ kori-kori ləm, jeḛ n’toje njémeeyèrje gə njékaltaje ləma, godnduije gə tornduije lé j’uba dee j’ya̰ dee ləm tɔ.

Loo gə́ killa rea kəm Daniel’g 9:5 ပူးပေါင်းရင်းမြစ်များ

2 Mbaije 18:12

mbata deḛ d’oo ndu Njesigənea̰, Ala lə dee el ləm, deḛ d’uba ta manrɔ ləa d’ya̰ ləm, mbata deḛ d’oo ta ləa el ləma, néje lai gə́ Njesigənea̰ un ndia dɔ’g gə ndu Moyis, kura ləa lé kara deḛ ra née el ləm tɔ.

2 Mbaije 21:15

Mbata deḛ ra né gə́ majel kəm neḛ’g ləm, d’ar oŋg ḭ sə neḛ un kudee mee ndəa gə́ bɔ deeje-je d’unda ne loo mee ɓee gə́ Ejiptə teḛ lé ya saar teḛ mee ndəa gən ləm tɔ.

Esdras 9:6

ndá ma m’pana: Ala ləm, rɔm kul, əi Ala ləm, m’ra kəmkul ɓó m’askəm kun kəm gə́ tar par gə́ rɔi’g el mbata kaiyaje lə sí orè goo na̰ goo na̰ saar tur dɔ sí ləm, néra kori-korije lə sí aw saar teḛ mee dara’g ləm tɔ.

Pakɔsje 106:6

Jeḛ lé n’raje kaiya to gə́ bɔ síje-je bèe, Jeḛ lé n’raje néje gə́ kori-kori ləm, Jeḛ n’raje néje gə́ majel ya ləm tɔ.

Pakɔsje 119:102

M’unda rɔm ŋgərəŋ dɔ godnduije’g el Mbata i nja ɓa gə́ njḛdoom né ya.

Pakɔsje 119:176

Ma lé m’ila tar mbir-mbir Asəna gə badə gə́ ndəm bèe, Maji kari ndolè kura ləi lé ya, Mbata ma lé m’ar məəm wəi dɔ godnduije’g lé el tɔ.

Pakɔsje 18:21

Njesigənea̰ lé ra səm wɔji ne goo meekarabasur ləm ya, Yeḛ am né wɔji ne goo kàr lə jim gə́ àr ŋgad-ŋgad lé tɔ.

Esai 53:6

Jeḛ lai n’to j’asjena gə badje Gə́ ndəm d’ila rima-rima, Nana kara un rəw gə́ mée wɔji, Nɛ Njesigənea̰ odo néra kori-korije lə sí lai ɔm dəa’g.

Esai 59:13

Ta wa dɔ sí ar sí n’toje njékaltaje no̰ Njesigənea̰’g ləm, Jeḛ j’ubaje Ala lə sí j’ya̰ ləm tɔ, Ta néra gə́ kərm-kərm gə ta kɔs ta rəw ɓa gə́ tapa sí ləm, Jeḛ n’taaje kèm taŋgɔmje n’la̰jije toree meḛ sí’g ləm tɔ,

Esai 64:4

I ɔr no̰ yeḛ gə́ ra né gə́ gə dɔ najee gə rɔlel ləm, Gə no̰ deḛ gə́ njaa gə kila-rəwje ləi, D’ar meḛ dee olé ne dɔi’g ləm tɔ. Nɛ məəi ḭ səi jugugu mbata jeḛ n’raje kaiya. Yee ɓa jeḛ j’isije ne dan némeeko̰’g kur sí əw Saar ɓa i ɔr sí danee’g ɓəi.

Jeremi 14:20

Njesigənea̰, Jeḛ n’gərje meeyèr lə sí gao ləm, Gə kaiya ra bɔ síje-je ləm tɔ, Mbata jeḛ n’raje kaiya j’ɔs ne ta ləi rəw.

Jeremi 14:7

Ɓó lé néraje gə́ kori-kori lə koso-dəwje lə sí D’ɔr ta d’ɔm dɔ sí’g kara Ǝi Njesigənea̰, maji kari ra né Mbata lə sí gə mbata lə rii. Mbata kaltaje lə sí bula yaa̰ ləm, Jeḛ n’raje kaiya j’ɔs ne ta ləi rəw ləm tɔ.

Jeremi 3:25

Jeḛ lé n’toje naŋg dan rɔkul’g ləm, Rɔkul gə́ boo ɓa gə́ néko̰ dɔ sí ləm tɔ, Mbata jeḛ n’raje kaiya j’ɔsje ne ta lə Njesigənea̰, Ala lə sí rəw Jeḛ gə bɔ síje-je Un kudee loo gə́ jeḛ nai ne basa ɓəi Saar teḛ ɓogənè ləm, Jeḛ j’oo ndu Njesigənea̰, Ala lə sí gə́ né el ləm tɔ.

Jeremi 30:14

Deḛ lai gə́ d’undai dan kəm dee’g lé Meḛ dee wəi sel dɔi’g. Dəw kára kara ə̰ji dɔi’g el, Mbata m’a kundai to gə́ njeba̰ bèe ləm, Kəmkàr gə́ m’wɔjii lé kədərə ləm tɔ, Gə mbata néra kori-korije ləi Gə́ ɔs dɔ na̰-na̰ ləm, Mbata kaiya raije gə́ bula dum tura ləm tɔ.

Jeremi 44:3

mbata néra majel lə dee gə́ deḛ ra d’aw roo ne néje gə́ ə̰də sululu d’ar magəje ləm, deḛ pole magəje gə́ deḛ əsé seḭ əsé bɔ síje-je gər deeje el lé ləm tɔ d’ar məəm ḭ ne səm pu dɔ dee’g lé.

Nɔ̰-ndôo gə́ wɔji dɔ Jerusalem 1:18

Njesigənea̰ lé to njemeekarabasur ya, Nɛ to ma ya ɓa m’al dɔ ndukunje ləa. Seḭ koso-dəwje lai lé urje mbi sí ooje ne ta ləm ləm, Teḛje kəm sí ooje ne némeeko̰ ləm ləm tɔ! Ŋganəmje gə́ ma̰də ləm, gə deḛ gə́ basa ləm tɔ lé D’wa dee ɓər d’aw sə dee ya.

Nɔ̰-ndôo gə́ wɔji dɔ Jerusalem 1:20

Njesigənea̰, maji kari oo kəm loo to ndòo’g! Ŋgan siḭm mbirim mba̰-mba̰ ləm, Ɓə̰gərəm kara tuji pugudu məəm’g ləm tɔ Mbata tɔgərɔ kalta ndá m’al ya. Loo gə́ raga lé kiambas tuji ləm, Loo gə́ kəi lé yoo ɓa ula ŋgirá keneŋ ləm tɔ.

Nɔ̰-ndôo gə́ wɔji dɔ Jerusalem 3:42

Jeḛ lé n’toje njékaiyaje gə njékɔsta-rəwje! I lé i ar məəi oso lemsé dɔ sí’g el.

Ejekel 5:6

Njé gə́ Jerusalem d’al dɔ godnduje lə neḛ gə dɔ ndukunje lə neḛ d’ar ta gə́ wa dɔ dee lé ur dɔ ka̰ ginkoji dəwje gə raŋg’g gə ɓeeje gə́ gugu dɔ dee. Mbata deḛ d’ə̰ji godnduje lə neḛ bəḭ-bəḭ ləm, deḛ njaa gə goo ndukunje lə neḛ el ləm tɔ.

Ejekel 6:9

Njé’g lə sí gə́ taa rɔ dee lé meḛ dee a kolé dɔ neḛ’g mbuna ginkoji dəwje gə raŋg’d gə́ d’a kaw sə dee gə́ ɓərje mbuna dee’g lé mbata n’a tɔ meekədərə lə dee gə́ d’uba ne neḛ d’ya̰ ne neḛ lé ləm, gə kəm dee gə́ ndolè ne goo magəje lə dee ləm tɔ, deḛ ya d’a kḛji rɔ dee bəḭ-bəḭ mbata lə néraje gə́ mina̰ gə́ deḛ ra ləm, mbata néra ramje lə deḛ lai ləm tɔ.

Loo gə́ killa rea kəm Daniel’g 9:11

Israɛlje lai d’al ta ta godnduije’g ləm, deḛ d’uba rəw ləi d’ya̰ d’oo ne ndui el ləm tɔ. Togə́bè ɓa ta ndɔlje gə ndu manje gə́ ndaŋg taree mee maktub godndu Moyis’g, kura lə Ala wa ne dɔ sí gə mbəa, mbata jeḛ n’raje kaiya, j’ɔsje ne ta lə Ala rəw.

Loo gə́ killa rea kəm Daniel’g 9:15

Ɓasinè, Mbaidɔmbaije Ala lə sí, i gə́ ar dəwje ləi d’unda loo mee ɓee gə́ Ejiptə teḛ gə ji siŋgamoŋ ləi gə́ ɓar mèr-mèr ləm, i gə́ iŋga ne riɓar saar teḛ ɓogənè ləm tɔ lé jeḛ ɓa jeḛ n’raje kaiya ləm, jeḛ n’raje néraje gə́ kori-kori ləm tɔ.

Loo gə́ killa rea kəm Daniel’g 9:9

Meekɔrjol gə meekoso lemsé d’ḭ rɔ Mbaidɔmbaije Ala’g lə sí ya nɛ jeḛ lé j’ḭje səa j’ɔsje ta ləa rəw tɔ.

Ojee 1:2

Taje gə́ dɔtar gə́ Njesigənea̰ un kudu pa gə ndu Ojee kar koso-dəwje ləa lé ɓa nee. Yeḛ ula Ojee pana: Maji kari aw taa kaiya-dené gə́ dené ləi Oji ne ŋganje gə́ to ŋgan kaiyaje, Mbata néra dəw-mee-ɓeeje neelé To asəna gə néra kaiya-dené gə́ uba ŋgabeeje yá̰ bèe Mbata deḛ d’uba Njesigənea̰ d’yá̰ tɔ.

Malasi 3:7

Un kudee mee ndəa’g lə bɔ síje-je lé seḭ undaje rɔ sí ŋgərəŋ dɔ tornduje’g ləm ɓó seḭ ilaje koji dɔ dee’g nda̰ el. Gə́ telje reeje rɔm’g ndá ma kara m’a tel ree rɔ sí’g ya tɔ. Njesigənea̰ gə́ njeboo-néje lé ɓa pa bèe. Nɛ seḭ pajena: See kəm kar sí n’telje n’reeje to gə́ ban wa.

Ǝbrəje 3:12

Yen, ŋgakɔmje, maji kar dəw kára kara si mbuna sí’g gə meeyèr əsé gə meetɔg mba kar mée tel ne gir gə Ala gə́ njesikəmba lé el.