Loo gə́ killa rea kəm Daniel’g 9:24 - Maktub gə́ To gə Kəmee

²⁴ Deḛ d’wɔji mee ndəaje gə́ siri-siri Gɔl rɔ-siri dɔ koso-dəwje’g ləm, Gə dɔ ɓee-boo’g ləm gə́ to gə kəmee ləm tɔ Mba kar dee d’əw rɔ dee kalta ta godndu’g Gə kunda ŋgaŋ kaiya ra dee ləm, Gə mba ra né kɔr ne ta dɔ néra kori-kori’g Kar néra gə́ gə dɔ najee gə́ to gə no̰ lé ree ləm, Gə mba kar némḭdi gə ndərta d’aw ne lée’g béréré ləma, Gə mba tər ubu dɔ Njemeenda lə njémeendaje’g lé ləm tɔ.

Loo gə́ killa rea kəm Daniel’g 9:24 ပူးပေါင်းရင်းမြစ်များ

2 Sôrta Gḭka Israɛlje 29:24

Njékinjanéməsje tḭja gwɔb dee ndá taa məs dee d’aw tər gɔl loo-nékinjaməs’g mba kuga ne dɔ kaiyaje lə Israɛlje lai, mbata mbai lé un ndia ar dee d’inja ne nékinjaməs gə́ ka̰ roo ləm, gə nékinjaməs gə́ ka̰ kuga dɔ kaiya ləm tɔ mbata lə Israɛlje lai ya.

Pakɔsje 2:6

Yeḛ pana: Yeḛ gə́ n’undá gə́ mbai lé Neḛ nja n’wa dəa gə ubu. Dɔ mbal’g lə neḛ gə́ Sio̰ gə́ to gə kəmee doi!

Pakɔsje 45:7

Ǝi Ala, kalimbai ləi lé to saar gə no̰, Kag-mbai gə́ ka̰ ko̰ɓee ləi lé to kag-mbai gə́ ka̰ meekarabasur lé.

Esai 42:4

Mée a kila kas el ləm, Yeḛ a kya̰ gée yɔgɔ el ləm tɔ Saar karee tum gin né gə́ gə dɔ najee dɔ naŋg nee ləm, Saar kar koso-dəwje gə́ d’isi dɔgoré-looje’g D’unda meḛ dee yel dɔ godndia’g ləm tɔ.

Esai 51:6

Unje kəm sí gə́ dara ləm, Aaje loo gə́ dɔ naŋg nee ləm tɔ ooje! Mbata dara a sané kad to gə́ sa pər bèe ləm, Dɔ naŋg nee a tel ŋgisi to gə́ kubu bèe ləma, Dəwje gə́ keneŋ kara d’a kwəi mburug-mburug to gə́ kémje bèe ləm tɔ. Nɛ kaji ləm a to saar-saar gə no̰ ləm, Néra gə́ gə dɔ najee ləm kara rudee a kun el ləm tɔ.

Esai 51:8

Mbata dirije d’a kunda dee tuŋgu-tuŋgu to gə́ kubu bèe ləm, Kuruje d’a tuji dee to gə́ tuji ne kubu gə́ d’ṵji gə bḭ badje bèe ləm tɔ. Nɛ néra gə́ gə dɔ najee ləm a to saar-saar gə no̰ ləm, Kaji ləm kara a to gə ləbee-ləbee gə no̰ ləm tɔ.

Esai 56:1

Njesigənea̰ pa togə́bè pana: Aaje dɔ néra gə́ to danasur kər-kər ləm, Raje né gə́ to gə dɔ najee ləm tɔ Mbata kaji ləm si ree gə́ nee ləm, Néram gə́ gə dɔ najee lé a gə kila rəa gə́ raga ləm tɔ.

Esai 61:1

Ndil Mbaidɔmbaije gə́ Njesigənea̰ dəb dɔm’g, Mbata Njesigənea̰ wa dɔm gə ubu Mba kam m’ila mber tagə́maji m’ar njénékəmndooje, Yeḛ ulam mba kam m’aji deḛ gə́ ɓəŋgərə dee ti dus ləm, Gə mba kam m’ila mber ta kɔr ɓər dɔ deḛ gə́ d’wa dee ɓər ləma, Gə ta kɔm deḛ gə́ d’udu dee duu-loo’g lé tar ləm tɔ ,

Nɔ̰-ndôo gə́ wɔji dɔ Jerusalem 4:22

Néra kori-kori ləi lé d’ɔr dɔi’g mba̰, I ɓee gə́ Sio̰ lé, Dəw a kwai ɓər el ŋga, Nɛ i ɓee gə́ Edɔm lé Yeḛ a kar bo̰ néra kori-kori ləi ɔs tai’g ləm, Yeḛ a kila kaiyaje ləi gə́ raga ləm tɔ.

Ejekel 28:12

I ŋgon-dəw lé, un pa no̰ ndòo mbai gə́ Tir! A kulá pana: Mbaidɔmbaije gə́ Njesigənea̰ pa togə́bè pana: I ya gə́ nékwɔji maji kɔr njoroŋ lə né ləm, kəmkàr taa rɔi pəl-pəl ləma, i maji péd-péd ləm tɔ.

Ejekel 4:5

N’a tura bula lə ndɔje ləm karee as gə bula lə ləb néra kori-korije lə dee, ndɔ tɔl-munda gə dəa rɔ-jinaikara (390). Ndá m’a kodo ne néra kori-korije lə gel-bɔje lə Israɛl togə́bè ya.

Ejekel 4:6

Loo gə́ m’a tɔl ndɔje neelé bém ndá maji kam m’tel m’to dɔ jikɔlm’g, bèe ɓa m’a kodo ne néra kori-korije lə gel-bɔje lə Juda as ndɔm rɔ-sɔ. N’a tura ndɔ kára wɔji dɔ ləb kára-kára.

Ləbije 25:8

Seḭ a turaje ləb-kwa-rɔje gə́ siri, ləbje siri gɔl siri tɔɓəi bula lə ləb-kwa-rɔje gə́ siri lé d’a kaḭ as ləb rɔ-sɔ-giree-jinaikara tɔ.

Ləbije 8:15

Moyis inja gwɔbee ndá yeḛ taa məsee tɔɓəi rad məs neelé gə ŋgaw jia dɔ kum loo-nékinjanéməsje gə́ ḭta undá ne gə kəmee, yeḛ ɔm ges məs lé naŋg no̰ loo-nékinjaməs’g undá ne gə kəmee mba kinja ne nékinjaməs gə́ ka̰ kuga dɔ kaiya lé tɔ.

Jakari 4:14

Yeḛ pana: To dəwje joo gə́ d’wa dɔ dee gə ubu mba kar dee d’aar no̰ yeḛ gə́ to mbai dɔ naŋg nee lai lé.

Bula lə Israɛlje 14:34

To gə́ ndɔ tən gə́ seḭ tenje ne loo mee ɓee’g lé aḭ rɔ-sɔ lé ndá ləbje gə́ ta néra kori-korije lə sí a kwa dɔ sí lé kara d’a kas ləb rɔ-sɔ bèe tɔ, ləb kára-kára gə mbata lə ndɔje kára-kára ya, bèe ɓa seḭ a gərje to gə́ ma m’uba sí m’ya̰ sí ya.

Matiyo 1:21

Yeḛ nja a kaji dəwje ləa kɔr dee ne dan kaiyaje’g lə dee.

Matiyo 11:13

Mbata godndu lə njéteggintaje lé deḛ ɓa teḛ gə ginee saar ndəa’g lə Ja̰.

Matiyo 4:5

Léegəneeya njekurai lé undá aw səa mee ɓee gə́ to gə kəmee, uba səa dɔ kəi-Ala ulá pana:

Mark 1:24

Jeju gə́ Najaret, see ta lə síjeḛ səi aw na̰’d ra wa. See i ree mba tuji síjeḛ wa. Ma m’gəri gao, i lé to Njemeenda lə Ala ya.

Lugu 1:35

Kura gə́ dara lé ilá keneŋ pana: Ndilmeenda a ree kɔm dɔi’g, tɔɓəi siŋgamoŋ lə Njekurdɔloo a dəb dɔi’g rigim gə ndil. Togə́bè ɓa ŋgon gə́ to gə kəmee gə́ i a kojee lé d’a ɓaree Ŋgon-Ala ya.

Lugu 21:22

Mbata ndəaje neelé a to ndɔ dal ba̰ mba kar ta gə́ ndaŋg mee maktub’g lé aw ne lée’g béréré ya.

Tagə́maji gə́ Ja̰ ndang 1:41

Yeḛ dar ŋgokea̰ Simo̰ Piɛrə bus ulá pana: Jeḛ j’iŋga Mesi (gə́ ɓaree Kristi lé) mba̰.

Tagə́maji gə́ Ja̰ ndang 3:34

mbata yeḛ gə́ Ala ulá lé tapa Ala lé ɓa yeḛ pa mbata Ala lé aree Ndilee gə́ kar ɓó wɔji el.

Néra Njékaḭkulaje 3:14

Seḭ nja seḭ mbadje yeḛ gə́ to Njemeenda ləm, gə Njemeekarabasur ləm tɔ nɛ seḭ dəjije njetɔl dəw mareeje ɓa gə mba kar dee d’ilá tar d’ar sí.

Néra Njékaḭkulaje 3:22

Moyis pana: Mbaidɔmbaije Ala lə sí lé a kɔr njetegginta ləa to gə́ ma bèe mbuna ŋgako̰ síje’g. Seḭ a kooje taje lai gə́ yeḛ a kula sí gə mba raje née ya.

Néra Njékaḭkulaje 4:26

Mbaije gə́ dɔ naŋg nee d’wa dɔ gɔl rɔ dee ləm, Njéko̰ɓeeje kara d’ɔm sə dee na̰’d ləm tɔ D’ḭ ne gə Mbaidɔmbaije gə yeḛ gə́ wa dəa gə ubu lé.

Njé gə́ Rɔmə 5:10

Loo gə́ jeḛ nai gə́ njéba̰je ləa ɓəi lé kwəi lə Ŋgonee ɓa gɔl sí ɔm sí na̰’d yəg gə Ala lé nɛ ɓəd ɓa see kəmə gə́ yeḛ tel si kəmba lé see jeḛ gə́ j’ɔm na̰’d gə Ala lé see j’a kaji ne el wa.

1 Njé gə́ Kɔrḭtə 1:30

Togə́bè ɓa Ala nja ɔm sí na̰’d gə Jeju Kristi, yeḛ gə́ Ala nja undá gə́ kəmkàr lə sí ləm, gə njekɔr ta dɔ sí no̰ Ala’g lé ləm, gə nékunda sí gə kəmee lə sí ləma, gə nékoga dɔ sí ləm tɔ,

Njé gə́ Pilibə 3:9

gə mba kɔm ne səa na̰’d sad ləm tɔ. Meekarabasur gə́ to ka̰ godndu lé ɓa m’nai ne gelee’g el nɛ meekarabasur gə́ to ka̰ meekun gin Kristi gə́ ḭ rɔ Ala’g lé yee ɓa ma m’isi ne gelee’g.

Njé gə́ Kolosə 1:20

Yeḛ wɔji mba kar mbɔl dəa ɓa néje gə́ dɔ naŋg nee gə néje gə́ dara kara d’ɔm gə Ala na̰’d sad. Məsee gə́ kaar kag-dəs’g ləa ɓa yeḛ gɔl dee ne yəg ɔm dee ne na̰’d gə Ala ya.

Njé gə́ Kolosə 2:14

Yeḛ bɔr godndu gə́ ila ta dɔ sí’g gə́ oma̰ sə sí lé pəd-pəd ləm, yeḛ ɓəree kaar kag-dəs’g tujee ne pugudu ya ləm tɔ.

Ǝbrəje 10:14

Mbata mbɔl dɔ nékar Ala kára ba kiao gə́ yeḛ un aree lé ɓa yeḛ ar deḛ gə́ to gə kəmee tel to ne maji d’ɔr njoroŋ.

Ǝbrəje 2:17

Togə́bè ɓa, rəa gə́ yeḛ tel tana gə ŋgabɔbeeje, tana sə dee pai-pai lé gə́ kuma̰ mba karee to ne ŋgɔ-njekinjanéməs gə́ njemeekɔrjol ləm, gə njemeenda londoŋ mba ra kula no̰ Ala’g ləm tɔ mba kuga ne kaiya lə dəwje lé.

Ǝbrəje 7:26

Tɔgərɔ ya, ŋgɔ-njekinjanéməs to gə́ yeḛ bèe ɓa jeḛ j’aw ndée ya, yeḛ gə́ to gə kəmee ləm, gelee godo ləm, won né kára kara wa mée el ləm, yeḛ ɔm na̰’d sad gə njékaiyaje el ləma, yeḛ ur dɔ dara’g pubug ləm tɔ.

Ǝbrəje 9:26

Ɓó lé to togə́bè ndá nékəmndoo a ra Kristi gɔl bula ndɔ tum gel naŋg nee saar, nɛ ɓasinè loo gə́ rudu naŋg nee nai dəb ndá yeḛ unda loo teḛ mba tuji ne kó kaiya gə nékinjaməs gə́ to gə́ darəa-yeḛ ya.

2 Piɛrə 1:1

Ma Simo̰ Piɛrə, kura lə Jeju Kristi ləm, gə njekaḭkula ləa ləm tɔ. Ma m’ndaŋg maktub nee m’ar deḛ gə́ mbɔl dɔ meekarabasur lə Ala lə sí gə ka̰ Mbaikaji Jeju Kristi lé to ne njéboameekunje lə sí ya.

1 Ja̰ 3:8

Yeḛ gə́ ra kaiya ndá yeḛ to gə́ ka̰ njekurai mbata njekurai lé un kudu ra kaiya kédé gə́ dɔtar saar ɓasinè. Nɛ Ŋgon-Ala lé unda loo teḛ gə mba tuji néraje lə njekurai lé.

Loo gə́ killa rea kəm Ja̰’g 14:6

Ma m’oo kura gə́ dara gə́ raŋg gə́ nar bibibi dan dara’g. Yeḛ ɓa aw gə Tagə́maji gə́ to gə no̰ lé mba kila mberee kar dəwje gə́ dɔ naŋg nee, kar ginkoji dəwje gə raŋg lai ləm, gə gelɓee dəwje-dəwje lai ləm, gə dəwje lai gə́ tapa dee to gə ria-ria ləma, gə koso-dəwje lai ləm tɔ.

Loo gə́ killa rea kəm Ja̰’g 3:7

Maji kam m’ndaŋg maktub nee m’ar kura lə Ala gə́ wɔji dɔ Eglisə gə́ to Piladelpi pana: Aa oo, Njemeenda gə́ to Njekankəmta gə́ nékɔr takəi lə Dabid to jia’g ləm, yeḛ gə́ ɔr tarəw ndá dəw kára kara a kudu el ləm, yeḛ udu tarəw ndá dəw kára kara a kɔr el ləm tɔ lé yeḛ nja pa togə́bè pana: