Loo gə́ killa rea kəm Daniel’g 9:21 - Maktub gə́ To gə Kəmee

²¹ ma m’pata m’ra ne tamaji ɓəi ndá kura gə́ dara gə́ ria lə Gabriel gə́ m’ée kédé loo gə́ né ram gə́ mḭdi lé naar ree rɔm’g gə tɔgee mee kàree gə́ wɔji dɔ nékar gə́ wɔji dɔ kàrkemetag lé.

Loo gə́ killa rea kəm Daniel’g 9:21 ပူးပေါင်းရင်းမြစ်များ

1 Mbaije 18:29

Loo gə́ kàr gə́ aar daŋdɔ lé dəs mba̰ ndá deḛ tegginta lé saar d’ar kàr kun nékar gə́ kàrkemetag teḛ tɔ. Nɛ ndia ɓar el ləm, yee ila dee’g el ləma, əsé né gə́ tɔji dee kar meḛ dee to yel kara d’oo el ləm tɔ.

1 Mbaije 18:36

Loo gə́ kàr kun nékar gə́ kàrkemetag lé as ndá njetegginta Eli rəm pər gə́ keneŋ pana: Ǝi Njesigənea̰, Ala lə Abrakam, gə Isaak, gə Israɛl! Maji kar dee gəri ɓogənè to gə́ i to Ala mbuna Israɛlje’g ləm, gə ma m’to kura ləi ləma, néje lai gə́ ma m’ra lé m’ra gə goo ta ləi ləm tɔ.

Pakɔsje 103:20

Seḭ kuraje ləa gə́ dara gə́ siŋga sí to kɔgərɔ-kɔgərɔ ləm, Seḭ gə́ raje torndiaje Ilaje ne koji dɔ tapea’g ləm tɔ lé Undaje no̰ dɔkaisəgərə lə Njesigənea̰.

Pakɔsje 104:4

Yeḛ tel lelje lé gə́ njékaḭkulaje ləa ləm, Yeḛ tel ndo̰ pərje lé gə́ kuraje ləa ləm tɔ.

Pakɔsje 141:2

Maji kar tamaji ləm tɔ nɔḭ’g Asəna gə né gə́ ə̰də sululu bèe ləm, Maji kar jim gə́ m’odo gə́ tar rəw lé To asəna gə nékar gə́ d’ari dɔ kàr’g bèe ya ləm tɔ.

Teḛ-Raga 29:39

D’a kinja ŋgon bàl badə gə́ kára gə́ məs teḛ gə ndɔ ləm, ŋgon bàl badə gə́ raŋg lé a kḭjá gə́ məs loo gə́ kàr andə ləm tɔ.

Esai 6:2

Kuraje gə́ dara gə́ njérɔndɔḭje d’aar dəa’g, deḛ lai lé bag dee misa̰-misa̰, bag dee gə́ joo lé d’o̰ ne kəm dee ləm, njé gə́ joo gə́ raŋg lé d’o̰ ne gɔl dee ləma, njé gə́ joo gə́ raŋg lé wɔji dɔ kḭ ne tar lə dee ləm tɔ.

Ejekel 1:11

Loo gə́ kəm dee’g gə loo tuga bag dee lé pən-loo gə́ par gə́ tar to keneŋ, bag dee gə́ joo-joo wa na̰ rib-rib ləm, njé gə́ joo d’o̰ ne rɔ dee ləm tɔ.

Ejekel 1:14

Nékundaje lé d’aḭ yo gə́ nee to gə́ ndi gə́ tèl wərərə-wərərə bèe.

Ejekel 14:14

ɓa dəwje gə́ munda nee: Noe, gə Daniel, gə Jɔb d’isi mbuna dee’g kara, deḛ neelé meekarabasur lə dee ɓa d’a kaji ne rɔ dee, Mbaidɔmbaije gə́ Njesigənea̰ ɓa pa bèe.

Loo gə́ killa rea kəm Daniel’g 10:10

Aa oo, ji dəw ɔrɔ rɔm am m’ḭ m’tɔs kəjim gə m’orè dabla jim naŋg ləm, m’unda bala tigi-tigi ləm tɔ.

Loo gə́ killa rea kəm Daniel’g 10:16

Aa oo, nékunda gə́ to tana gə dəw bèe ree ɔrɔ tam. Togə́bè ɓa ma m’teḛ tam m’pa ne ta m’ula ne yeḛ gə́ aar tar nɔm’g lé m’pana: Ǝi mbai ləm, némḭdi gə́ m’oo lé ar ɓəl undam badə gaŋgm ləm, am m’unda ndolè ləm tɔ.

Loo gə́ killa rea kəm Daniel’g 10:18

Yen ŋga nékunda gə́ to tana gə dəw lé tel ɔrɔ rɔm gɔl kára tɔɓəi ɓa am siŋgam ɓəi.

Loo gə́ killa rea kəm Daniel’g 8:16

Ma m’oo ndu dəw gə́ ɓar dan baa’d gə́ Ulai lé, ndia ɓar wəl pana: Gabriel, maji kari ɔr gel némḭdi lé aree oo.

Loo gə́ killa rea kəm Daniel’g 8:18

Loo gə́ yeḛ si wɔji səm ta ndá m’isi dḭdiri, siŋgasa wam am m’oo loo kɔr dɔm tar el. Yeḛ ɔrɔ rɔm am m’ḭ m’aar tar loo-kaarm’g.

Matiyo 27:46

Loo gə́ kàr tel rəa gə mbɔree ndá Jeju pata gə ndia gə́ boi wəl pana: Eli, Eli, lama sabaktani, pa togə́bè pana: Ala ləm, Ala ləm, see ban ɓa i ubam ya̰’m wa.

Lugu 1:19

Kura gə́ dara lé tel ilá keneŋ pana: Ma lé m’to Gabriel gə́ njekaar no̰ Ala’g lé. Yeḛ nja ɓa ulam gə mba karm m’ulai tagə́maji neelé ləm, gə m’unda nea̰ m’ari oo ləm tɔ.

Lugu 1:26

Naḭ gə́ njekɔm’g misa̰ lé Ala ula kura ləa gə́ dara gə́ ria lə Gabriel lé mee ɓee gə́ Galile gə́ ria lə Najaret

Néra Njékaḭkulaje 10:3

Ndɔ kára bèe loo gə́ kàr tel rəa gə mbɔree ndá né rəa gə́ mḭdi aree oo kura lə Ala gə́ dara pai-pai gə́ andə kəi ləa ɓaree pana: Kɔrnəi!

Néra Njékaḭkulaje 10:9

Bèlè lookàree loo gə́ d’isi d’aw rəbee ɓəi ar dee d’unda dɔ ɓee dəb ndá Piɛrə al dɔ kəi gə́ tar gə mba ra tamaji loo gə́ kàr aar daŋdɔ bèe.

Néra Njékaḭkulaje 12:7

Aa oo, kura lə Mbaidɔmbaije gə́ dara teḛ təsərə ar loo ndogó jol-jol mee kəi-daŋgai’g. Kura gə́ dara lé ndel Piɛrə ulá yəgə-yəgə pana: Uba naŋg rad ḭta! Yen ŋga kúla larje gə́ tɔ ne jia lé jura naŋg wururu.

Néra Njékaḭkulaje 3:1

Piɛrə gə Ja̰ d’isi d’aw na̰’d mee kəi-Ala’g, to kàr ra tamaji gə́ kàr tel rəa gə mbɔree lé.

Ǝbrəje 1:14

See kuraje lə Ala gə́ dara lé to ndilje gə́ njéra né kar Ala gə́ yeḛ ula dee mba kar dee ra kula la ne gə deḛ gə́ d’a gə kiŋga kaji lé el wa.

Ǝbrəje 1:7

Nɛ aa ooje, ta gə́ yeḛ pa wɔji ne dɔ kuraje gə́ dara ɓa to nee: Kuraje ləa gə́ dara lé yeḛ tel dee gə́ lel ləm, Kuraje ləa kara yeḛ tel dee gə ndo̰ pər ləm tɔ.

Loo gə́ killa rea kəm Ja̰’g 9:17

Togə́bè ɓa m’oo kunda-kaw-rɔje lé gə́ némḭdi, m’oo njékuba gir deeje tɔ. Njékṵdaje neelé kubu-lar gə́ ŋgira kiŋ-kiŋ gə́ to rɔ dee’g lé kas asəna gə pər bèe ləm, gə ndul asəna gə jər gə́ ɓaree hyasintə ləma, gə kas asəna gə kṵji pər bèe ləm tɔ. Dɔ kundaje lé to asəna gə dɔ toboḭje. Pər teḛ ta dee’g gə sia ləm, gə kṵjee ləm tɔ.