Loo gə́ killa rea kəm Daniel’g 9:13 - Maktub gə́ To gə Kəmee

¹³ Tuji-boo neelé teḛ dɔ sí’g gə goo taree gə́ ndaŋg mee maktub godndu Moyis’g ya. Nɛ jeḛ n’toje ta Njesigənea̰, Ala’g lə sí pəgə-pəgə el ləm, j’ubaje goo néra kori-korije lə sí j’ya̰ el ləma, jeḛ n’tugaje mbi sí mba koo ne kankəmta ləi el ləm tɔ.

Loo gə́ killa rea kəm Daniel’g 9:13 ပူးပေါင်းရင်းမြစ်များ

2 Mbaije 22:16

Njesigənea̰ pa togə́bè pana: Aa ooje, n’a gə kar nékəmndoo teḛ dɔ loo gə́ nee’g ləm, gə dɔ koso-dəwje gə́ d’isi keneŋ ləm tɔ gə goo taje lai gə́ to mee maktub’d gə́ mbai gə́ Juda tura lé ya.

Maktub gə́ wɔji dɔ Jɔb 36:13

Njéhulaije d’ya̰ rɔ dee yag dan oŋg’d, Deḛ no̰ gə́ rɔ Ala’g lé loo gə́ yeḛ wa dee gə kúla lar lé el.

Pakɔsje 119:18

Maji kari ar kəm inja Mba karm m’orè ne kəm sḭ Dɔ tornduije gə́ maji dum lé ya.

Pakɔsje 119:27

Maji kari ar kəm inja dɔ rəw ndukunje’g ləi ndá M’a la̰ji tor néraje ləi gə́ dumkoo lé məəm’g.

Pakɔsje 119:73

Jii ɓa undam ləm, uba ne kag rɔm ləm tɔ, Maji kari am gosonégər Mba karm m’ndoo ne godnduije lé ya.

Pakɔsje 85:4

I lé rəm gə boo-oŋg ləi ləm, Oŋg-boo ləi gə́ ḭ səi jugugu lé kara I aree wəi bèm ləm tɔ.

Esai 31:1

Meeko̰ a koso dɔ deḛ gə́ d’aw Ejiptə Gə mba saŋg né gə́ a la sə dee keneŋ, Deḛ gə́ d’ɔm meḛ dee dɔ kundaje’g ləm, Gə dɔ bula lə pusu-rɔje gə́ to rib-rib ləma, Gə dɔ siŋgamoŋ lə njérɔ gə kundaje ləm tɔ Nɛ deḛ tel kəm dee par gə́ rɔ yeḛ gə́ to Njerɔkunda lə Israɛlje lé el ləm, Deḛ ndolè goo Njesigənea̰ el ləm tɔ.

Esai 42:9

Aa ooje, néje gə́ dɔtar D’aw lée’g béréré mba̰ Ndá néje gə́ sigi ɓa m’ula sí taree, Kédé ɓa kar dee teḛ ɓəi lé Ma m’ɔr gée m’ar sí ya.

Esai 43:22

Nɛ seḭ njé’g lə Jakob seḭ ɓarje rim el ləm, Mbata seḭ Israɛlje rɔ sí wəi sululu dɔm’g ləm tɔ.

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Esai 64:7

Lé bèe kara əi Njesigənea̰, I to bɔ síje ya, Jeḛ n’toje gə́ a̰ji Nɛ i ɓa gə́ njekuba sí, Jeḛ n’toje kula gə́ jii ɓa ra.

Esai 9:13

Bèe ɓa, mee ndɔ gə́ kára ba ya Njesigənea̰ a gaŋg dɔ Israɛlje gə ɓoŋ dee ləm, A gaŋg barkəm kag-tumbur gə twatɔg ləm tɔ.

Jeremi 2:30

Ma m’kunda ŋgan síje kara M’kunda dee pi, Deḛ d’oo ta gɔl ləm gə́ m’gɔl dee lé gə́ né el, Seḭ gaŋgje njéteggintaje lə sí gə kiambas Asəna gə toboḭ gə́ njetuji né bèe.

Jeremi 30:14

Deḛ lai gə́ d’undai dan kəm dee’g lé Meḛ dee wəi sel dɔi’g. Dəw kára kara ə̰ji dɔi’g el, Mbata m’a kundai to gə́ njeba̰ bèe ləm, Kəmkàr gə́ m’wɔjii lé kədərə ləm tɔ, Gə mbata néra kori-korije ləi Gə́ ɔs dɔ na̰-na̰ ləm, Mbata kaiya raije gə́ bula dum tura ləm tɔ.

Jeremi 31:18

M’oo ndu no̰ lə Eprayimje gə́ pana: I wɔji sí kəmkàr ndá jeḛ j’ooje ya Asəna gə ŋgon maŋg Gə́ ndée né bèe. Maji kari ar sí n’tel n’reeje Ndá j’a tel reeje ya. Mbata i nja to Ala lə sí gə́ Njesigənea̰.

Jeremi 44:23

Mbata seḭ tuuje né gə́ ə̰də sululu raje ne kaiya ɔsje ne ta lə Njesigənea̰ rəw ləm, mbata seḭ unje mbi sí rəw dɔ ta’g lə Njesigənea̰ ləma, seḭ aaje dɔ godndiaje, gə ndukunje ləa, gə torndiaje el ləm tɔ, gelee gə́ nee ɓa némeekonje nee teḛ ne dɔ sí’g to gə́ d’oo ne ɓogənè lé tɔ.

Jeremi 44:27

Aa ooje, m’a kunda kəm goo dee’g mba ra sə dee majel ɓó maji ɓa el. Dəwje lai gə́ Juda gə́ d’isi mee ɓee gə́ Ejiptə lé kiambas, gə ɓoo-boo a tuji dee saar kar gin dee un ɗiao.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Nɔ̰-ndôo gə́ wɔji dɔ Jerusalem 5:21

Ǝi Njesigənea̰, tel wa sí gə́ rɔi’g ya Ndá j’a kaw rɔi’g ya tɔ! Ar sí ndɔje to gə́ njé gə́ kédé gə́ ləw lé ya!

Ejekel 16:43

Mbaidɔmbaije gə́ Njesigənea̰ pa pana: Mbata i ar məəi olé dɔ ndɔje gə́ i nai ne ŋgon lé el ləm, mbata i ndo̰ ta neḛ gə néje neelé lai ləm tɔ ndá aa oo, n’a kar bo̰ panjaai ɔs tai’g, bèe ɓa i a ra kaiya korè ne dɔ néraije gə́ mina̰ lé el ŋga.

Loo gə́ killa rea kəm Daniel’g 9:11

Israɛlje lai d’al ta ta godnduije’g ləm, deḛ d’uba rəw ləi d’ya̰ d’oo ne ndui el ləm tɔ. Togə́bè ɓa ta ndɔlje gə ndu manje gə́ ndaŋg taree mee maktub godndu Moyis’g, kura lə Ala wa ne dɔ sí gə mbəa, mbata jeḛ n’raje kaiya, j’ɔsje ne ta lə Ala rəw.

Ojee 7:10

Beelé lə Israɛlje ɔr ta ila dɔ dee’g ya, Nɛ lé bèe kara Deḛ tel ree rɔ Njesigənea̰, Ala’g lə dee el ləm, Deḛ tel ndolè gée bèe el ləm tɔ.

Ojee 7:14

Deḛ no̰ ɓarm gə meendakaḭ el, Nɛ deḛ no̰ sii mbigi-mbigi loo-to dee’g ba, Deḛ mbo̰ dɔ na̰ gə mba kiŋga kó ləm, Gə mán-nduú gə́ sigi ləm tɔ Ndá deḛ d’unda ne rɔ dee ɓad rɔm’g.

Ojee 7:7

Deḛ lai meḛ dee taa pər to gə́ bwa-bṵda bèe, Deḛ rum njégaŋ-rəwtaje lə dee rum-rum, Mbaije lə deḛ lai d’wəi gə goo na̰ goo na̰: Dəw kára kara mbuna dee’g ɓarm gə mba karm m’la səa el.

Lugu 24:45

Yen ŋga yeḛ ar meḛ dee tɔ kujita gə mba kar dee gər ne gin ta gə́ mee maktub gə́ to gə kəmee lé tɔ.

Tagə́maji gə́ Ja̰ ndang 10:35

Ɓó lé godndu lé ɓar deḛ gə́ ta lə Ala lé oso mbi dee’g gar-Alaje ləm, ɓó lé godndu lé ta kára kara gə́ to keneŋ a kudu el ləm tɔ

Tagə́maji gə́ Ja̰ ndang 6:45

To gə́ deḛ ndaŋg taree mee maktub gə́ lə njéteggintaje’g lé pana: Ala ɓa a ndoo dee né. Togə́bè ndá dəw gə́ rara ɓa gə́ oo ta lə Bɔ-dəwje ɓa taa ta ləa rəgm ndá a ree rɔm’g nja.

Tagə́maji gə́ Ja̰ ndang 8:32

Seḭ a gərje kankəmta ndá kankəmta lé a bɔr kúla dɔ sí’g mbɔji ya.

Njé gə́ Epesə 4:21

mbata seḭ ooje ta ləa mba̰ ləm, deḛ ndoo sí kankəmta gə́ ḭ rɔ Jeju’g mba̰ ləm tɔ

Tel tura Godndu 29:4

Ma lé m’ɔr no̰ sí dɔdilaloo’g as ləb rɔ-sɔ, kubuje lə sí ŋgisi rɔ sí’g el ləm, négɔlje lə sí kara ŋgisi gɔl sí’g el ləm tɔ,

Maktub gə́ Jak ula ne ar ngan-Allaje 1:5

Lé nana ɓa mbuna sí’g kəmee inja njai el ɓəi ndá maji karee dəji Ala kəmkàr, yeḛ gə́ nana kara aree né gə́ kar ɓó yeḛ tura gée el, yeḛ a karee kəmkàr ya.