Loo gə́ killa rea kəm Daniel’g 9:10 - Maktub gə́ To gə Kəmee

¹⁰ Ndu Njesigənea̰, Ala lə sí gə́ wɔji dɔ kar sí ndolè goo godndiaje gə́ yeḛ unda dee no̰ sí’g gə rəw gə́ rɔ kuraje’g ləa gə́ to njéteggintaje lé jeḛ j’un mbi sí dɔ’g rəw.

Loo gə́ killa rea kəm Daniel’g 9:10 ပူးပေါင်းရင်းမြစ်များ

2 Mbaije 18:12

mbata deḛ d’oo ndu Njesigənea̰, Ala lə dee el ləm, deḛ d’uba ta manrɔ ləa d’ya̰ ləm, mbata deḛ d’oo ta ləa el ləma, néje lai gə́ Njesigənea̰ un ndia dɔ’g gə ndu Moyis, kura ləa lé kara deḛ ra née el ləm tɔ.

Jeremi 16:11

Ndá i a kila dee keneŋ pana: Bɔ síje-je d’ubam d’ya̰m, Njesigənea̰ ɓa pa bèe. Deḛ d’aw goo magəje’g ɓa pole dee ləm, d’unda barmba no̰ dee’g ləm tɔ. Deḛ d’ubam d’ya̰m ɓó deḛ d’ila koji dɔ godndu’g ləm el.

Jeremi 32:23

Deḛ ree keneŋ, deḛ taa gə́ né ka̰ dee. Nɛ deḛ d’ila ŋgonkoji dɔ tapai’g el ləm, deḛ d’aa dɔ godnduije kər-kər el ləma, deḛ ra néje lai gə́ i un ndui dɔ’g mba kar dee ra lé el ləm tɔ. Yee gə́ bèe ɓa i ar nékəmndooje lai neelé teḛ ne dɔ dee’g gə mbəa.

Loo gə́ killa rea kəm Daniel’g 9:6

Ta gə́ kuraje ləi gə́ to njéteggintaje pa gə rii d’ar mbaije lə sí ləm, gə ŋgan-mbaije lə sí ləm, gə bɔ síje-je ləma, gə koso-dəwje lai mee ɓee’g ləm tɔ lé jeḛ j’unje mbi sí dɔ’g rəw.

Ǝbrəje 1:1

Ləw ləw ɓa Ala pata gə tapea ləm, gə néreaje ɓəd-ɓəd gə́ d’ɔs goo na̰ goo na̰ ar ka síje d’oo ar njéteggintaje ɓa ria ne sə dee dəa ya.