Loo gə́ killa rea kəm Daniel’g 8:9 - Maktub gə́ To gə Kəmee

⁹ Gaji da gə́ lam ba uba gel yee gə́ kára’g ndá yee uba ŋgal gə́ kédé-kédé par gə́ dɔkɔl ləm, par gə́ bər ləma, par gə́ ɓee gə́ maji ur dɔ mareeje’g lai ləm tɔ.

Loo gə́ killa rea kəm Daniel’g 8:9 ပူးပေါင်းရင်းမြစ်များ

Pakɔsje 105:24

Yeḛ ar dəwje ləa lé d’oji na̰ bula yaa̰ ləm, Ar siŋga dee ur dɔ njéba̰je’g lə dee ləm tɔ.

Pakɔsje 48:2

Njesigənea̰ lé to gə́ boo ya, Yeḛ to gin ta pidije lai mee ɓee-boo’g lə Ala lə sí ləm, Gə dɔ mbal’g ləa gə́ to gə kəmee kəm tɔ.

Jeremi 3:19

Ma m’dəji rɔm m’pana: M’a ra ba̰ gə mba kɔm sí mbuna ŋganəmje’g Mba kar sí ɓee gə́ majidum Gə́ nédɔji sí gə́ a to néɗɔi-rɔ Le ginkoji dəwje gə raŋg Gə́ ur dɔ loo lé wa. Ndá ma m’ula pana: Seḭ a ɓarmje bɔ síje ləm, Seḭ a kubamje kya̰’mje el ləm tɔ.

Ejekel 20:15

Dɔdilaloo’g lé neḛ manrɔ neḛ n’ula ji neḛ ndiŋ gə́ rɔ dee’g mba kɔr ne no̰ dee kaw sə dee ɓee gə́ neḛ n’wɔji ne dɔ dee lé el, to ɓee gə mbà gə ubu tə̰ji to keneŋ ləm, to ɓee gə́ maji unda ɓeeje lai ləm tɔ

Ejekel 20:6

Mee ndəa’g neelé neḛ manrɔ neḛ n’ula ne ji neḛ ndiŋ gə́ dɔ dee’g mba kar dee d’unda ne loo mee ɓee gə́ Ejiptə teḛ d’aw mee ɓee gə́ neḛ n’saŋg gə mbata lə dee lé, to ɓee gə́ mbà gə ubu tə̰ji to keneŋ ləm, to ɓee gə́ maji unda ɓeeje lai ləm tɔ.

Loo gə́ killa rea kəm Daniel’g 11:16

Yeḛ gə́ a kɔr rɔ kaw rɔ səa lé a ra to gə́ mee ndigi ya ndá dəw kára kara siŋgá a kas mba kaar gəs nea̰’g el. Yeḛ a kaar naŋg mee ɓee gə́ maji dum ɓeeje gə́ raŋg ndá né gə́ rara gə́ a koso jia’g lé yeḛ a tujee pugudu ya.

Loo gə́ killa rea kəm Daniel’g 11:21

Dəw gə́ gə mḭdé ba ya a kḭ taa toree lal kar dee d’ula mbai dəa’g. Yeḛ a teḛ kəm dee dan meelɔm’g ndá ta gə́ rii gə́ təa’g lé yeḛ a taa ne ɓeeko̰ ya.

Loo gə́ killa rea kəm Daniel’g 7:8

Ma m’orè kəm sḭ dɔ gajeeje’g ndá aa oo, gajee gə́ lam bèe gə́ raŋg uba mbuna dee’g, tɔɓəi gajeeje gə́ munda gə́ kédé lé tɔr gə ŋgira dee rɔd-rɔd no̰ gajee’g neelé. Aa oo, gajee neelé kəmee to keneŋ to gə́ kəm dəw bèe ləm, təa kara pa ne ta beelé ləm tɔ.

Jakari 7:14

Neḛ n’sané dee mbuna ginkoji dəwje gə raŋg’d Gə́ deḛ gər dee el ləm, Ɓee lə dee tel to dɔnduba tor dee’g Ar dəw kára kara dəs keneŋ aw Esé tel keneŋ el ləm tɔ. Ɓee gə́ maji dum lé deḛ d’aree tel to dɔdilaloo ya.