Loo gə́ killa rea kəm Daniel’g 8:18 - Maktub gə́ To gə Kəmee

¹⁸ Loo gə́ yeḛ si wɔji səm ta ndá m’isi dḭdiri, siŋgasa wam am m’oo loo kɔr dɔm tar el. Yeḛ ɔrɔ rɔm am m’ḭ m’aar tar loo-kaarm’g.

Loo gə́ killa rea kəm Daniel’g 8:18 ပူးပေါင်းရင်းမြစ်များ

Gḭ-Néje 15:12

Loo gə́ kàr a gə kandə ndá Abram oso gə ɓi pərəg. Aa oo ɓəl-boo gə loondul gə́ ndul njudu-njudu ree dəb dəa’g bigim.

Maktub gə́ wɔji dɔ Jɔb 4:13

Loo gə́ dəwje d’ɔm ɓi mán-kad yèm lé To kàree gə́ nénije d’ar mee dəw tila ŋgaḭla-ŋgaḭla lé.

Ejekel 2:2

Loo gə́ yeḛ si ulam taje neelé bèe-bèe ndá léegəneeya ndil Ala andə məəm’g am m’ḭ m’aar tar dɔ gɔlm’g, tɔɓəi m’oo ndu gə́ njekulam ta lé.

Loo gə́ killa rea kəm Daniel’g 10:16

Aa oo, nékunda gə́ to tana gə dəw bèe ree ɔrɔ tam. Togə́bè ɓa ma m’teḛ tam m’pa ne ta m’ula ne yeḛ gə́ aar tar nɔm’g lé m’pana: Ǝi mbai ləm, némḭdi gə́ m’oo lé ar ɓəl undam badə gaŋgm ləm, am m’unda ndolè ləm tɔ.

Loo gə́ killa rea kəm Daniel’g 10:18

Yen ŋga nékunda gə́ to tana gə dəw lé tel ɔrɔ rɔm gɔl kára tɔɓəi ɓa am siŋgam ɓəi.

Loo gə́ killa rea kəm Daniel’g 8:17

Togə́bè ɓa yeḛ ree pər gə́ loo gə́ m’aar keneŋ lé. Ree gə́ yeḛ ree pər lé ar ɓəl undam badə gaŋgm ndá m’oso naŋg bəbərə m’dəb kəm naŋg. Yeḛ ulam pana: Ma ŋgon-dəw lé maji kam m’tuga mbim maji, mbata némḭdi lé wɔji dɔ loo gə́ rudu ndɔje d’a gə kun ɗiao.

Loo gə́ killa rea kəm Daniel’g 8:27

Ma Daniel, siŋgam godo am m’to rɔko̰ as ndɔ bula bəl. Ndá gée gə́ gogo ɓa m’ḭta m’ra kula lə mbai lé ɓəi. Némḭdi gə́ m’oo lé ar kaarm wam paḭ tɔɓəi dəw kára kara gər gelee el tɔ.

Jakari 4:1

Kura gə́ dara gə́ njekwɔji səm ta lé tel ree ndá yeḛ ndelm to gə́ dəw gə́ ndelee dɔ ɓi’g bèe.

Lugu 22:45

Loo gə́ yeḛ ra tamaji lé mba̰ ndá yeḛ uba naŋg ḭta tel aw rɔ njékwakiláje’g ndá iŋga dee dɔ ɓi’g mbata kəmndoo tɔl dee gə ɓi pərəg.

Lugu 9:32

Piɛrə gə njékaw səaje lé ɓi tɔ kəm dee jo̰dɔrɔ-jo̰dɔrɔ, nɛ deḛ d’wa kəm dee keneŋ ti, d’oo ne rɔnduba lə Jeju gə dəwje gə́ joo gə́ d’aar səa lé tɔ.

Néra Njékaḭkulaje 26:6

Ɓasinè deḛ teḛ səm loo-gaŋg-rəwta’g mbata kunda gə́ m’unda məəm yel dɔ ndukun gə́ Ala un ar ka síje lé gə mba karee aw lée’g béréré.

Loo gə́ killa rea kəm Ja̰’g 1:17

Loo gə́ ma m’ée ndá m’oso naŋg gɔlee’g asəna gə dəw gə́ wəi bèe. yeḛ ila jikɔlee dɔm’g pana: Maji kam m’ɓəl el.