Loo gə́ killa rea kəm Daniel’g 8:17 - Maktub gə́ To gə Kəmee

¹⁷ Togə́bè ɓa yeḛ ree pər gə́ loo gə́ m’aar keneŋ lé. Ree gə́ yeḛ ree pər lé ar ɓəl undam badə gaŋgm ndá m’oso naŋg bəbərə m’dəb kəm naŋg. Yeḛ ulam pana: Ma ŋgon-dəw lé maji kam m’tuga mbim maji, mbata némḭdi lé wɔji dɔ loo gə́ rudu ndɔje d’a gə kun ɗiao.

Loo gə́ killa rea kəm Daniel’g 8:17 ပူးပေါင်းရင်းမြစ်များ

Gḭ-Néje 17:3

Abram oso naŋg bəbərə, dəb kəmee naŋg, ndá Ala ulá pana:

Ejekel 1:28

Né gə́ ndogó ɔr jol-jol gə́ gugu dəa sub lé kunda rɔ ləa to asəna gə ŋgaoburandi gə́ teḛ dan kil-lə-ndi ndɔ kər’g lə ndi bèe, yee ɓa to né gə́ ndaji rɔnduba lə Njesigənea̰. Loo gə́ m’oo né neelé ndá m’oso m’dəb kəm naŋg ləm, m’oo ndu dəw gə́ pa ne ta ləm tɔ.

Ejekel 2:1

Yeḛ ulam pana: Ma ŋgon-dəw lé maji kam m’aar tar dɔ gɔlm’g ndá n’a gə kulam ta.

Ejekel 44:4

Yeḛ ɔr nɔm aw səm par gə́ tarəw gə́ to par gə́ dɔgel takəi’g lé. Ma m’aa loo gərərə ndá aa oo, rɔnduba lə Njesigənea̰ taa mee kəi lə Njesigənea̰ pəl-pəl. Ma m’oso rəb m’dəb kəm naŋg.

Ejekel 6:2

Ma ŋgon-dəw lé maji kam m’tel kəm par gə́ dɔ mbalje gə́ Israɛl’g ndá m’tegginta m’wɔji ne dɔ deḛ gə́ d’isi keneŋ!

Loo gə́ killa rea kəm Daniel’g 10:11

Yen ŋga yeḛ ulam pana: I Daniel gə́ Ala undai dan kəmee’g lé maji kari ur mbii gèŋ dɔ taje gə́ m’a gə kulai’g, tɔɓəi maji kari aar tar gə ŋgali loo gə́ oso keneŋ mbata yeḛ ulam rɔi’g ɓasinè-ɓasinè ya. Loo gə́ yeḛ ulam ta togə́bè ndá m’aar tar nɛ m’unda bala tigi-tigi ya ɓəi.

Loo gə́ killa rea kəm Daniel’g 10:16

Aa oo, nékunda gə́ to tana gə dəw bèe ree ɔrɔ tam. Togə́bè ɓa ma m’teḛ tam m’pa ne ta m’ula ne yeḛ gə́ aar tar nɔm’g lé m’pana: Ǝi mbai ləm, némḭdi gə́ m’oo lé ar ɓəl undam badə gaŋgm ləm, am m’unda ndolè ləm tɔ.

Loo gə́ killa rea kəm Daniel’g 11:27

Mbaije gə́ joo lé d’a la̰ji tor rəw né gə́ majel meḛ dee’g mba ra gə na̰, tɔɓəi ta ka-nésɔ’d gə́ kára ba ya d’a pa taŋgɔm keneŋ kar na̰. Nɛ né neelé a teḛkɔr el mbata rudee a kun el saar ndəa gə́ d’wɔji ɓa.

Loo gə́ killa rea kəm Daniel’g 11:40

Ndəa gə́ rudee a kun ɗiao lé mbai gə́ dɔkɔl a kubá naŋg bus rɔ səa. Tɔɓəi mbai gə́ dɔgel a ɓugu dəa’g asəna gə lel-boo gə pusu-rɔje gə njérɔ gə kundaje ləm, gə bato-rɔje bula ləm tɔ. Yeḛ a kaw kəmee gə́ kédé-kédé asəna gə kəm-rəw-mán gə́ ruba pɔ-pɔ bèe.

Loo gə́ killa rea kəm Daniel’g 12:13

Nɛ i ɓa yḛ̀, maji kari aw kəmi gə́ kédé saar teḛ ne mee rudu ndɔ’g ləi. I a kwa rɔi ləm, a kaar tar mba taa nédɔji ləi mee rudu ndɔje’g lé ləm tɔ.

Loo gə́ killa rea kəm Daniel’g 12:4

Nɛ i Daniel lé, taje neelé maji kari ŋgəm taree məəi’g ləm, rḛdə ta maktubee mbiao̰ saar teḛ ne ndəa gə́ rudee a gə kun lé ləm tɔ. Bèe ɓa dəwje bula d’a tura taree ləm, négər lə dee a kḭ ne dɔ maree’d gə́ kédé-kédé ləm tɔ.

Loo gə́ killa rea kəm Daniel’g 2:46

Yen ŋga mbai Nebukadnesar lé unda barmba dəb kəmee naŋg no̰ Daniel’g, tɔɓəi yeḛ un ndia mba kar dee d’inja nékinjanéməsje ləm, kar dee tuu néje gə́ d’ə̰də sululu ləm tɔ d’ar Daniel.

Loo gə́ killa rea kəm Daniel’g 7:16

M’rəm pər gə́ rɔ yeḛ gə́ kára mbuna deḛ gə́ d’aar keneŋ ndá m’dəjee gə mba koo ta gə́ gəd gə́ wɔji dɔ néje neelé lai. Tɔɓəi yeḛ ulam taree ləm, ɔr ginee am ləm tɔ pana:

Loo gə́ killa rea kəm Daniel’g 8:15

Ma Daniel, loo gə́ né lé si ram gə́ mḭdi neelé ɓa ma m’saŋg loo mba gər ginee ɓəi ndá aa oo, m’oo né asəna gə diŋgam gə́ ree aar tar nɔm’g.

Loo gə́ killa rea kəm Daniel’g 8:19

Tɔɓəi yeḛ ulam pana: M’a tɔji kari gər né gə́ a gə teḛ rudu ndɔ oŋg’d lé mbata d’wɔji ndəa gə́ kàree gə́ a gə teḛ lé mba̰ ya.

Loo gə́ killa rea kəm Daniel’g 8:27

Ma Daniel, siŋgam godo am m’to rɔko̰ as ndɔ bula bəl. Ndá gée gə́ gogo ɓa m’ḭta m’ra kula lə mbai lé ɓəi. Némḭdi gə́ m’oo lé ar kaarm wam paḭ tɔɓəi dəw kára kara gər gelee el tɔ.

Loo gə́ killa rea kəm Daniel’g 9:23

Loo gə́ i un kudu ra tamaji ta Ala’g lé ndá godndu ḭ rɔ Ala’g lé teḛ, yee ɓa ma m’ree ne gə mba riba səi dəa mbata i lé d’undai dan kəm dee’g dana ɗəŋgərə. Bèe ndá maji kari ur mbii oo ne ta ləm, oo ne gin némḭdi gə́ i oo lé ləm tɔ!

Loo gə́ killa rea kəm Daniel’g 9:27

Yeḛ a man rəa njaŋg mba kɔm na̰’d gə njé gə́ na̰je mee ndəaje gə́ siri as gɔl kára. Nɛ mee ges ndəaje gə́ siri lé yeḛ a kɔg dee loo kinja néməs ləm, gə kun né kar Ala ləm tɔ. Njetujiloo lé a ra néje gə́ mina̰ gə́ d’al dɔ loo sula saar gə mba kar tuji gə néje gə́ d’wɔji gə mba ra lé ɓugu dɔ njetujiloo’g lé.

Habakuk 2:3

Mbata ndərta neelé ta gə́ wɔji ndəa to njaŋg mba̰. Ta neelé aw gə́ loo tɔl ŋgaŋgee’g ya ndá Taŋgɔm a godo keneŋ, Ɓó lé yee tila gə́ tila ɓəi kara maji kam ŋgina ya Mbata yee a kaw lée’g ya, A kaw lée’g béréré tɔgərɔ ya.

Matiyo 17:8

D’ɔr dɔ dee tar ɓad-ɓad ndá d’oo Jeju nja gə karee ba.

Loo gə́ killa rea kəm Ja̰’g 1:17

Loo gə́ ma m’ée ndá m’oso naŋg gɔlee’g asəna gə dəw gə́ wəi bèe. yeḛ ila jikɔlee dɔm’g pana: Maji kam m’ɓəl el.

Loo gə́ killa rea kəm Ja̰’g 22:8

Ma Ja̰ nja, m’oo ta neelé gə mbim, m’oo néje neelé gə kəm tɔ ndá m’oso gel gɔl kura gə́ dara gə́ am m’oo néje neelé m’oso naŋg rəb mba kwá məəm’g.