Loo gə́ killa rea kəm Daniel’g 8:16 - Maktub gə́ To gə Kəmee

¹⁶ Ma m’oo ndu dəw gə́ ɓar dan baa’d gə́ Ulai lé, ndia ɓar wəl pana: Gabriel, maji kari ɔr gel némḭdi lé aree oo.

Loo gə́ killa rea kəm Daniel’g 8:16 ပူးပေါင်းရင်းမြစ်များ

Loo gə́ killa rea kəm Daniel’g 10:14

Ma m’ree ɓasinè mba kari gər néje gə́ d’a gə́ teḛ dɔ dəwje’g ləi mee ndəaje gə́ d’a gə ree ɓəi. Mbata némḭdi neelé wɔji dɔ ndəaje neelé ya.

Loo gə́ killa rea kəm Daniel’g 10:21

Nɛ ma m’ndigi kar kəmi inja dɔ taje gə́ ndaŋg mee maktub gə́ ka̰ kankəmta’g. Dəw kára kara la səm mba koma̰ ne sə dee-deḛ neelé el nɛ Mikaɛl, mbai lə sí lé ɓa.

Loo gə́ killa rea kəm Daniel’g 7:16

M’rəm pər gə́ rɔ yeḛ gə́ kára mbuna deḛ gə́ d’aar keneŋ ndá m’dəjee gə mba koo ta gə́ gəd gə́ wɔji dɔ néje neelé lai. Tɔɓəi yeḛ ulam taree ləm, ɔr ginee am ləm tɔ pana:

Loo gə́ killa rea kəm Daniel’g 8:2

Loo gə́ né ram gə́ mḭdi lé m’oo to gə́ m’isi Susə, ɓee-boo gə́ to mee dəb ɓeeko̰ gə́ Elam. Loo gə́ né si ram gə́ mḭdi lé ndá m’aar ta baa gə́ ria lə Ulai.

Jakari 1:9

Ma m’dəjee m’pana: Mbai ləm, see kundaje neelé wɔji dɔ ɗi wa. Kura gə́ dara lé ulam pana: N’a tɔjim karm m’oo gin né gə́ wɔji dɔ kundaje neelé ya.

Jakari 2:4

M’dəjee m’pana: See dee ree gə mba ra ɗi wa. Ndá yeḛ ilam keneŋ pana: Dee to gaji daje gə́ sané ne Judaje saar d’ar dəw kára kara ɔr dəa tar el lé. Njékɔrje neelé ree mba kɔm ɓəl dɔ dee’g ləm, gə mba təd gaji ginkoji dəwje gə raŋg gə́ rɔ ne gə Judaje gə gaji dee ləm, gə mba sané ne dəwje gə́ mee ɓee’g lé kad-kad ləm tɔ.

Lugu 1:19

Kura gə́ dara lé tel ilá keneŋ pana: Ma lé m’to Gabriel gə́ njekaar no̰ Ala’g lé. Yeḛ nja ɓa ulam gə mba karm m’ulai tagə́maji neelé ləm, gə m’unda nea̰ m’ari oo ləm tɔ.

Lugu 1:26

Naḭ gə́ njekɔm’g misa̰ lé Ala ula kura ləa gə́ dara gə́ ria lə Gabriel lé mee ɓee gə́ Galile gə́ ria lə Najaret

Néra Njékaḭkulaje 10:13

Yen ŋga ndu dəw ɓar ulá pana: Piɛrə, uba naŋg ḭta ɓó gə tɔl dee sɔ.

Néra Njékaḭkulaje 9:7

Dəwje gə́ njédaneeje lé d’aar dɔ na̰’d jim. D’oo ndu dəw gə́ ɓar lé nɛ d’oo darɔ debee lé el.

Ǝbrəje 1:14

See kuraje lə Ala gə́ dara lé to ndilje gə́ njéra né kar Ala gə́ yeḛ ula dee mba kar dee ra kula la ne gə deḛ gə́ d’a gə kiŋga kaji lé el wa.

Loo gə́ killa rea kəm Ja̰’g 1:12

M’ɔm rəd gə́ girm’g gə mba koo dəw gə́ njepa səm ta lé ndá m’oo kag pər-ndɔ gə́ ra gə larlɔr gə́ tɔ siri,

Loo gə́ killa rea kəm Ja̰’g 22:16

Ma Jeju, m’ula kura ləm gə mba karee to njekɔrgoota neelé kar Eglisəje. Ma m’to gə́ ŋgoka Dabid ləm, m’to gə́ duje lookàr ləm tɔ.