Loo gə́ killa rea kəm Daniel’g 8:13 - Maktub gə́ To gə Kəmee

¹³ M’oo ndu njemeenda kára gə́ pata. Ndá njemeenda gə́ raŋg dəji maree gə́ njepata kédé lé pana: See ndɔ gə́ ra ɓa némḭdi gə́ wɔji dɔ nékinjaməs gə́ d’aw ra ta-ta gə́ kédé-kédé ləm, gə kaiya gə́ ka̰ tuji loo pugudu ləm tɔ lé a kaw lée’g béréré ɓəi wa. See kəi gə́ to gə kəmee ləm, gə boo-kuraje gə́ dara ləm tɔ lé d’a tuba dee naŋg mbajila-mbajila saar kunda ŋgaŋgee ndɔ gə́ ra wa.

Loo gə́ killa rea kəm Daniel’g 8:13 ပူးပေါင်းရင်းမြစ်များ

Pakɔsje 74:10

Ǝi Ala, saar ndɔ gə́ ra ɓa njekula kəmloondoo lé a kila ndɔl dɔ loo’g Esé njeba̰ lé a kḛji ne rii bəḭ-bəḭ lal kəw ne rəa ɓəi wa.

Pakɔsje 74:9

Nétɔjije lə síjeḛ lé j’oo kára kara bèe el ləm, Njetegginta kára kara godo ləma, Dəw kára kara mbuna sí’g gər to gə́ né neelé a to saar kunda ŋgaŋgee ra wa bèe el ləm tɔ.

Pakɔsje 79:5

Njesigənea̰, see ndɔ gə́ ra ɓa a kunda ŋgaŋ meekḭ jugugu ləi ɓəi wa. See ndɔ gə́ ra ɓa oŋg ləi gə́ taa pər bilim-bilim lé a kwəi bèm wa.

Esai 28:18

Manrɔ gə́ seḭ manje rɔ sí gə yoo lé A tuji pugudu ləm, Kɔm gə́ seḭ ɔmje na̰’d gə ɓee lə njé gə́ d’wəi lé kara A godo ləm tɔ. Loo gə́ néyoo gə́ un loo lad-lad a gə dəs ndá Yee a tuba sí gə gɔlee mbajila-mbajila.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Esai 63:18

Koso-dəwje ləi gə́ to gə kəmee Gə́ taa ɓee gə́ ka̰ dee lé Kur dee əw el ya ɓəi Ndá njéba̰je lə sí tuba kəi ləi Gə́ to gə kəmee naŋg gə gɔl dee.

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Jeremi 12:10

Njékulbadje bula tuji ndɔ-nduú ləm ləm, Deḛ mbɔḭ ndɔ ləm naŋg ləm tɔ, Deḛ d’ar ndɔ ləm gə́ maji yaa̰ lé Tel to dɔdilaloo gə́ né godo keneŋ.

Loo gə́ killa rea kəm Daniel’g 11:31

Kudu-njérɔje gə́ yeḛ a kula dee lé d’a kula sul dɔ loo gə́ to gə kəmee’g ləm, gə dɔ kəi-kaar-kɔgərɔ’g ləm tɔ. D’a kɔg dee dɔ nékinjanéməsje gə́ ra ta-ta ləm, d’a kunda né gə́ mina̰ gə́ ka̰ tuji ne loo lé tar ləm tɔ.

Loo gə́ killa rea kəm Daniel’g 12:11

Un kudee mee ndəa gə́ d’a kɔg dee dɔ nékinjaməs gə́ d’aw ra ta-ta gə́ kédé-kédé lé saar mee ndəa gə́ né gə́ mina̰ lə njetujiloo lé d’a kundá tar ndá ndɔje lai d’a kaḭ tɔl-dɔg gə dəa tɔl-joo gir-dee rɔ-jinaikara (1.290).

Loo gə́ killa rea kəm Daniel’g 12:8

Ma m’oo ya nɛ m’gər ginee el. Ndá m’pana: Mbai ləm, see néje neelé d’a tel to to gə́ ban wa.

Loo gə́ killa rea kəm Daniel’g 4:10

Némḭdije gə́ m’oo dɔ tira-tom’g lé ɓa ma m’aa loo ndá aa oo, kura gə́ dara ḭ mee dara’g ur naŋg.

Loo gə́ killa rea kəm Daniel’g 4:13

Maji kar takə̰ji gə́ mée’d Gə́ to ka̰ dəw lé tel to ɓəd Ɓa ar takə̰ji gə́ ka̰ da ɓa taa toree Saar kar ləbje siri dəs dəa’g ɓa.

Loo gə́ killa rea kəm Daniel’g 4:23

Ndukun gə́ wɔji dɔ kar dee d’ya̰ jigi kag dɔ ŋgira’g lé ginee wɔji dɔ ɓeeko̰ ləi gə́ a nai jii’g loo gə́ kəmi a kinja kari gər to gə́ yeḛ gə́ to Njedum dɔ loo lé sí dara.

Loo gə́ killa rea kəm Daniel’g 7:16

M’rəm pər gə́ rɔ yeḛ gə́ kára mbuna deḛ gə́ d’aar keneŋ ndá m’dəjee gə mba koo ta gə́ gəd gə́ wɔji dɔ néje neelé lai. Tɔɓəi yeḛ ulam taree ləm, ɔr ginee am ləm tɔ pana:

Loo gə́ killa rea kəm Daniel’g 7:23

Yeḛ ulam ta togə́bè pana: Da gə́ njekɔm’g sɔ lé wɔji dɔ ɓeeko̰ gə́ njekɔm’g sɔ gə́ a gə ree dɔ naŋg nee. Yee a to ɓəd ɓó a to kasəna gə ɓeeko̰je gə́ raŋg lai el ləm, yee a tuji dɔ naŋg lai pugudu-pugudu ləm, a tubá naŋg mbajila-mbajila ləma, a tədee rém-rém ləm tɔ.

Loo gə́ killa rea kəm Daniel’g 9:27

Yeḛ a man rəa njaŋg mba kɔm na̰’d gə njé gə́ na̰je mee ndəaje gə́ siri as gɔl kára. Nɛ mee ges ndəaje gə́ siri lé yeḛ a kɔg dee loo kinja néməs ləm, gə kun né kar Ala ləm tɔ. Njetujiloo lé a ra néje gə́ mina̰ gə́ d’al dɔ loo sula saar gə mba kar tuji gə néje gə́ d’wɔji gə mba ra lé ɓugu dɔ njetujiloo’g lé.

Jakari 14:5

Togə́bè ɓa seḭ a kaḭje kawje kəm wəl mbalje’g, Mbata wəl mbalje neelé d’a kaw njal teḛ Asel ya. Seḭ a kaḭje to gə́ seḭ aḭje ne no̰ naŋg gə́ yə’g Mee ləbee gə́ Ojias to ne mbai gə́ Juda lé bèe. Ndá Njesigənea̰, Ala ləm, a ree gə njémeendaje ləa lai na̰’d.

Matiyo 11:27

Néje lai lé i Bɔm ɓa ɔm jim’g. Dəw kára kara gə́ njegər Ŋgon lé gə dɔrea godo nɛ Bɔbee ɓa gəree. Dəw kára kara gə́ njegər Bɔbee lé gə dɔrea kara godo tɔ nɛ Ŋgonee ɓa gəree ləm, dəw gə́ Ŋgonee lé a ria səa dəa gə́ raga ɓa a gəree ləm tɔ.

Matiyo 24:15

Gelee gə́ nee ɓa loo gə́ seḭ a kooje né gə́ mina̰ gə́ ka̰ tuji ne loo gə́ d’ula ne sul dɔ loo gə́ to gə kəmee to gə́ njetegginta Daniel pa taree mee maktub’g lé (maji kar yeḛ gə́ tura maktubee lé aa rəa dɔ’g kər-kər ya.)

Mark 13:14

Loo gə́ seḭ a kooje né gə́ mina̰ gə́ ka̰ tuji ne loo gə́ kəm karee teḛ keneŋ el lé (maji kar yeḛ gə́ tura ta neelé ndá ra kəmee ra kaa keneŋ ya) yen ndá maji kar deḛ gə́ d’isi Jude lé d’aḭ d’aw dɔ mbalje’g ləm,

Lugu 10:22

Néje lai lé Bɔm ya ɔm dee jim’g yəg ndá dəw kára kara gərm gə́ Ŋgon gə́ bèe lé el nɛ Bɔ-dəwje lé nja kára ba kiao ɓa gərm ya. Dəw kára kara gər Bɔ-dəwje lé gə́ Bɔ-dəwje gə́ bèe lé el to nɛ Ŋgon lé nja kára ba kiao ɓa gəree ləm, dəw gə́ rara gə́ Ŋgon lé ndigi riba səa dəa ɓa a gəree ɓəi ləm tɔ.

Lugu 21:20

Loo gə́ seḭ a kooje boo-njérɔje d’a taa Jerusalem pəl-pəl ndá seḭ a gərje gao to gə́ ta tuji lə Jerusalem nai dəb ba ŋga.

Lugu 21:24

D’a gaŋg dee gə ta kiambas kɔm dee naŋg ləm, d’a kwa dee ɓər kaw sə dee mbuna ginkoji dəwje gə raŋg’g lai ləma, tɔɓəi ginkoji dəwje d’a tuba Jerusalem gə gɔl dee mbajila-mbajila ləm tɔ saar kar ndəa ka̰ ginkoji dəwje gə raŋg a kun ɗiao.

Tagə́maji gə́ Ja̰ ndang 1:18

Dəw kára kara ila kəmee dɔ Ala’g nda̰ el ɓəi. Nɛ Ŋgon gə́ kára ba gə́ to ŋgon mee Bɔbee lé ɓa ar kəm dee ti dəa’g təsərə ya.

Tel tura Godndu 33:2

Yeḛ pana: Njesigənea̰ ḭ mbal gə́ Sinai ree ləm, Yeḛ ḭ aar dɔ dee’g dɔ mbal’d gə́ Seir, Yeḛ ndogó jol-jol dɔ mbal gə́ Paran, Yeḛ unda loo mbuna deḛ gə́ to gə kəmee’d gə́ bula digi-digi lé teḛ, Yeḛ ula gə pər gə godndu Gə́ to jikɔlee’g lé ar dee.

1 Njé gə́ Tesalonikə 3:13

Maji karee ar meḛ sí to kɔgərɔ mba kar sí toje dəwje gə́ to gə kəmee gə́ ta kára kara wa dɔ sí no̰ Ala Bɔ síje’g el mee ndəa gə́ Jeju Mbaidɔmbaije a ree gə dəwje ləa lai gə́ to gə kəmee lé.

Ǝbrəje 10:29

Nɛ ɓəd ɓa see yeḛ gə́ njaa dɔ Ŋgon-Ala’g lé ləm, oo məs manrɔ gə́ aree to ne dəw gə́ to gə kəmee lé oo gə́ né el ləma, ila ndɔl dɔ Ndil gə́ njenoji’g ləm tɔ ndá yeḛ gə́ ra togə́bè lé see tuji gə́ a koso dəa’g lé a kur dɔ maree’g nee el wa.

1 Piɛrə 1:12

Ala ɓa riba sə dee dəa ar dee gər gao, néje neelé to mbata lə dee-deḛ el nɛ to mbata lə sí-seḭ ɓa deḛ nja to gə́ njékɔrgoo tareeje ya. Ɓasinè deḛ gə́ Ndilmeenda gə́ ḭ dara ɔs dee ɓɔḭ-ɓɔḭ ɓa d’ɔr gée d’ila ne mber Tagə́maji d’ar sí. Kuraje gə́ dara kara ndiŋga rɔ dee gə mba koo néje neelé tɔ.

Jude 1:14

Enɔk, yeḛ gə́ to ŋgokadɔg Adam gə́ njekɔm’g siri lé yeḛ tegginta gə́ wɔji dɔ dəwje neelé pana: Aa ooje, Mbaidɔmbaije a ree gə njémeendaje ləa gə́ dum tura gə́ dɔ dee a kwa mèŋgèŋgḛ̀

Loo gə́ killa rea kəm Ja̰’g 11:2

Nɛ maji kam m’ya̰ dan mee ndògo gə́ raga ɓó m’wɔjee el, mbata to loo-kaar lə ginkoji dəwje gə raŋg ndá ɓee gə́ to gə kəmee doi lé d’a gə tuba naŋg mbaji-mbaji as naḭ rɔ-sɔ-giree-joo.

Loo gə́ killa rea kəm Ja̰’g 6:10

Deḛ no̰ gə ndu dee gə́ boi wəl pana: Mbai, i gə́ njemeenda gə njekankəmta lé see ban ɓa i bə rɔi lal gaŋg rəwta lé ɓəi wa. See ban ɓa i dal ba̰ məs sí gə́ ɔm dɔ dəwje gə́ dɔ naŋg nee el ɓəi wa.

Njéga̰g-Rəwtaje 13:18

Kura lə Njesigənea̰ gə́ dara lé tel ilá keneŋ pana: See ban ɓa i dəjim rim wa. Rim lé to Maji-dum.