Loo gə́ killa rea kəm Daniel’g 7:13 - Maktub gə́ To gə Kəmee

¹³ Loo gə́ né ram gə́ mḭdi loondul’g lé ma m’aa loo ndá aa oo, dəw kára gə́ to tana gə ŋgon dəw bèe ree dan loo-kil’g lə ndi. Yeḛ aw pər gə́ rɔ Dəw gə́ ɓuga yaa̰’g lé ndá d’aree ree mbɔree’g dəb ya.

Loo gə́ killa rea kəm Daniel’g 7:13 ပူးပေါင်းရင်းမြစ်များ

Pakɔsje 110:2

Njesigənea̰ a kar kag-mbai siŋgamoŋ ləi Ḭ ɓee gə́ Sio̰ aw əw! Maji kari dum ne dɔ njéba̰je ləi gə́ gugu dɔi sub ya.

Pakɔsje 2:8

Maji karm m’dəji neḛ ndá N’a kwa ginkoji dəwje gə raŋg karm gə́ nédɔji ləm, Ɓeeje gə́ d’ɔr rudu naŋg nee rɔd lé kara N’a karm gə́ ɓeeko̰ ləm ya ləm tɔ.

Pakɔsje 47:5

Yeḛ unda kəm nénduba lə sí ar sí, Yee ɓa to rɔnduba lə Jakob gə́ yeḛ undá dan kəmee’g.

Jeremi 49:19

Aa ooje, yeḛ ḭ ta koŋgo baa-boo Gə́ Jurdɛ̰ gə́ siŋ siŋ-siŋ Aw rɔ gə loo-kaar-kɔgərɔ Gə́ ŋgəŋ ŋgəŋ-ŋgəŋ to gə́ toboḭ bèe, Léegəneeya m’a kɔs Edɔm rad Tubá karee aḭ Ndá m’a kunda yeḛ gə́ ma m’ɔree lé toree’g. Mbata see na̰ ɓa to tana səm wa. See na̰ ɓa a kun ndukunje kam wa. See mbai gə́ ra ɓa Askəm kɔsm ŋgərəŋ wa.

Ejekel 1:26

Dɔ dara gə́ tar gə́ ɔn dɔ dee lé né kára to keneŋ tana gə mbal gə́ ɓaree sapir gə́ ndajee gə́ kalimbai, tɔɓəi dɔ né gə́ ndajee gə́ kalimbai lé né teḛ keneŋ asəna gə dəw gə́ d’unda dɔ’g tar ndoi bèe.

Loo gə́ killa rea kəm Daniel’g 2:44

Mee ndəaje’g lə mbaije neelé Ala gə́ njesi mee dara’g a tum gin ɓeeko̰ gə́ a tuji nda̰ el ləm, a koso ji dəwje gə́ raŋg’d kar dee d’on dəa el ləm tɔ. Ɓeeko̰ neelé a təd ɓeeko̰je neelé lai kar dee d’udu guduru nɛ yee nja ɓa a nai gə ləbee-ləbee saar-saar gə no̰.

Loo gə́ killa rea kəm Daniel’g 7:12

Daje gə́ raŋg lé d’ɔr siŋgamoŋ lə dee rɔ dee’g, nɛ ləb kaw kəmba lə dee ɓa d’ila dɔ maree’g saar kar kur dee əw ne waga.

Loo gə́ killa rea kəm Daniel’g 7:2

Daniel un ta pa pana: Loo gə́ né ram gə́ mḭdi loondul’g lé m’aa loo gərərə ndá aa oo, lelje gə́ dara sɔ d’ḭ d’ula mbḭ-mbḭ dɔ baa-boo-kad’g.

Loo gə́ killa rea kəm Daniel’g 7:22

saar loo gə́ Dəw gə́ ɓuga yaa̰ lé ree un ndia ar njémeendaje lə Njekurdɔloo lé mba gaŋg rəwta ləm, ar ndəa teḛ kar njémeendaje taa ɓeeko̰ lé gə́ ka̰ dee ləm tɔ.

Loo gə́ killa rea kəm Daniel’g 7:9

Loo gə́ m’aw m’aa loo ɓəi ndá, m’oo kalimbaije gə lée-lée ndá d’ar Dəw gə́ ɓuga yaa̰ si dɔ’g. Kubu ləa tɔ ndá kələw-kələw asəna gə kəwje ləm, yiŋga dəa to asəna gə bḭ badə gə́ àr ŋgad-ŋgad ləm tɔ. Kalimbai ləa to asəna gə ndo̰ pərje ləm, gɔl kalimbaije gə́ to asəna gə gɔl pusu lé o̰ bilim-bilim to gə́ pər bèe ləm tɔ.

Loo gə́ killa rea kəm Daniel’g 8:15

Ma Daniel, loo gə́ né lé si ram gə́ mḭdi neelé ɓa ma m’saŋg loo mba gər ginee ɓəi ndá aa oo, m’oo né asəna gə diŋgam gə́ ree aar tar nɔm’g.

Matiyo 13:41

Ŋgon-dəw lé a kula kuraje ləa gə́ dara mba kar dee ree tɔr né gə́ njetuga gɔl dee ləm, gə deḛ gə́ njéra néje gə́ yèr lé ləm tɔ, d’a tɔr dee ɓɔgədɔ-ɓɔgədɔ.

Matiyo 24:30

Yen ŋga, nékwɔji loo ree lə Ŋgon-dəw lé a teḛ dara ndá ginkoji dəwje gə raŋg gə́ dɔ naŋg nee d’a kunda kaar dee no̰ gə kii gèr-gèr ləm, d’a kaa loo koo Ŋgon-dəw gə́ a kḭ dara si ree dan loo-kil’g lə ndi gə siŋgamoŋ gə boo-ronduba ləm tɔ.

Matiyo 25:31

Loo gə́ Ŋgon-dəw a gə ree dan rɔnduba’g ləa gə kuraje gə́ dara lé ndá yeḛ a kuba dɔ kalimbai rɔnduba’g ləa lé ndoi si keneŋ.

Matiyo 26:64

Jeju tel ilá keneŋ pana: Yeḛ nja i pa kən mba̰. Ma m’ula sí təsərə ya, ndɔ gə́ raŋg seḭ a kooje Ŋgon-dəw gə́ si dɔ jikɔl siŋgamoŋ’g lə Ala lé ləm, gə loo kḭ gə́ a kḭ dara ree dan mum’g lé ləm tɔ.

Matiyo 28:18

Jeju ree pər gə́ rɔ dee’g ula dee pana: Ma lé d’ula dɔmoŋ dɔm’g mba karm m’to dəw dɔ néje lai dara gə dɔ naŋg nee tɔ.

Matiyo 8:20

Jeju ilá keneŋ pana: Bolé to njaaje to gən ga̰ ləm, kəi to yelje kara to gən ga̰ ləm tɔ. Nɛ Ŋgon-dəw lé oo loo gə́ mba kula dəa keneŋ taa kəmə el.

Mark 13:26

Yen ŋga d’a koo Ŋgon-dəw gə́ a kḭ dara teḛ dan loo-kil’g lə ndi ndá yeḛ a ree gə siŋgamoŋ ləm, gə doŋgɔr-ronduba ləm tɔ.

Lugu 21:27

Yen ŋga d’a koo Ŋgon-dəw gə́ a teḛ dan loo-kil’g lə ndi gə siŋgamoŋ ləm, gə rɔnduba ləm tɔ.

Lugu 21:36

Sije dɔkəji sí’g kəgəgə, raje tamaji lé ta-ta togə́bè ɓa loo gə́ néje neelé a teḛ ndá siŋga sí a kas gə mba kɔrje dɔ sí keneŋ ləm, seḭ a teḛ kaarje ne tar no̰ Ŋgon-dəw’g lé ləm tɔ.

Lugu 24:27

Tɔɓəi un ginee ɓee lə Moyis gə ɓee lə njéteggintaje lai lé yeḛ ɔr sə dee gintaje lai gə́ to mee maktub gə́ to gə kəmee gə́ pata wɔji ne dəa-yeḛ lé ar dee ya.

Tagə́maji gə́ Ja̰ ndang 12:34

Boo-dəwje d’ilá keneŋ pana: Godndu lé ndoo sí ar sí j’oo to gə́ Kristi lé a si gə no̰ ya. See ban ɓa i pana: Lé riri kara d’a kun Ŋgon-dəw kundá tar ɓəi wa. See Ŋgon-dəw neelé to gə́ na̰ ɓəi wa.

Tagə́maji gə́ Ja̰ ndang 3:13

Dəw kára ḭ naŋg nee aw dara el ɓəi, nɛ yeḛ gə́ ḭ dara ree dɔ naŋg neelé to Ŋgon-dəw gə́ si dara ya.

Tagə́maji gə́ Ja̰ ndang 5:27

Yeḛ un ndia aree gə mba karee gaŋg rəwta mbata yeḛ lé to gə́ Ŋgon-dəw ya.

Néra Njékaḭkulaje 7:56

Yeḛ pana: Aa ooje, m’oo kəm dara teḛ, am m’oo Ŋgon-dəw gə́ aar tar dɔ jikɔl Ala’g lé.

1 Njé gə́ Tesalonikə 4:17

Gée gə́ gogo jeḛ gə́ j’aw kəmba dɔ naŋg nee ɓəi lé jeḛ sə deeje j’a kḭ na̰’d kuru dan loo-kil’g lə ndi’g dəs tar mba tila kəm Mbaidɔmbaije par gə́ dara lé. Bèe ɓa j’a nai gə Mbaidɔmbaije gə no̰ ya.

1 Timote 6:16

Yeḛ nja kára ba kiao ɓa to Njesigənea̰ ləm, yeḛ si dan lookàr gə́ ɔs kəm loo ŋgərəŋ ləma, dəw kára kara ila kəmee dəa’g əsé askəm kée el ləm tɔ lé maji kila riɓar dəa’g ləm, maji karee dum dɔ loo gə ləbee-ləbee saar-saar gə no̰ ləm tɔ. Amen!

Ǝbrəje 2:14

Bèe ndá to gə́ ŋganje gə́ d’oji dee to məs gə dakasrɔ gə́ ḭ rɔ njékoji deeje’g ndá yeḛ kara un rəa-yeḛ togə́bè tɔ mba kar kwəi gə́ yeḛ wəi ne ɓa yeḛ a tuji ne njekurai gə́ to njesiŋgamoŋ lə yoo ləm,

Ǝbrəje 9:24

Mbata Kristi lé ula dəa mee kəi gə́ to gə kəmee gə́ ji dəw ra ndaji ne kankəmee lé el. Nɛ yeḛ andə dara nja mba kaar ne no̰ Ala’g mbata lə síjeḛ.

Loo gə́ killa rea kəm Ja̰’g 1:13

Dəw gə́ to tana gə ŋgon-dəw bèe aar dan kag pər-ndɔje’d gə́ siri lé. Yeḛ ula kubu gə́ ŋgal dururu njal teḛ gɔlee’g naŋg ləm, wa kaaree gə ndar gə́ ra gə larlɔr ləm tɔ.

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.

Loo gə́ killa rea kəm Ja̰’g 14:14

Ma m’aa loo ndá aa ooje ndi pélé dara ndá dəw gə́ si keneŋ lé to asəna gə Ŋgon-dəw, dɔgugu larlɔr to dəa’g ləm, marm gə́ adə làm-làm to jia’g tɔ.